Carsten på 12. feb. 2021 kl. 10:42

2021-02-12T10:42:18Z

Carsten på 4. feb. 2019 kl. 12:50

2019-02-04T12:50:41Z

Carsten på 17. jan. 2019 kl. 10:54

2019-01-17T10:54:12Z

Carsten på 11. jun. 2014 kl. 21:08

2014-06-11T21:08:39Z

JJ.Sandal på 22. des. 2013 kl. 15:38

2013-12-22T15:38:47Z

Vis endringer

JJ.Sandal: Fjölsvinnsmál

2013-01-12T09:14:57Z

Fjölsvinnsmál

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes i flere utgaver på følgende språk ► !! [[Fil:Original.gif|32px|link=Fjölsvinnsmál]] !! !! [[Fil:Norsk.gif|32px|link=Svipdagsmål. II. Fjolsvinnsmål]] !! [[Fil:Dansk.gif|32px|link=Fjølsvinns Mál]] !! [[Fil:Svensk.gif|32px|link=Sången om Fjolsvinn]] !!
|-
! !! !! !! [[Fil:Norsk.gif|32px|link= Fjolsvinnsord (Fjǫlsvinnsmǫ́l)]] !! [[Fil:Dansk.gif|32px|link=Fjålsvid-Kvadet]] !! [[Fil:Svensk.gif|32px|link=Fjölsvinns ordskifte (NFS)]] !!
|-
! !! !! !! !! [[Fil:Dansk.gif|32px|link=Svipdag og Menglad]] !! [[Fil:Svensk.gif|32px|link=Sången om Fjölsvinn (PAG)]] !!
|-
! !! !! !! !! [[Fil:Dansk.gif|32px|link=Fjölsvinsmaal (Fibiger)]] !! [[Fil:Svensk.gif|32px|link=Fjölsvinns sång (AAA)]] !!
|-
! !! !! !! !! [[Fil:Dansk.gif|32px|link=Fjölsvinnsmaal (FM)]] !! !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson|GUÐNI JÓNSSON]] bjó til prentunar

<big>'''Fjölsvinnsmál'''</big></center>

<blockquote>1.
 Útan garða
 hann sá upp of koma
 þursa þjóðar sjöt:
 "Hvat er þat flagða,
 er stendr fyr forgörðum
 ok hvarflar um hættan loga?

 2.
 Hvers þú leitar,
 eða hvers þú á leitum ert,
 eða hvat viltu, vinlaus, vita?
 Úrgar brautir
 árnaðu aftr heðan;
 átt-at-tu hér, verndar vanr, veru."</blockquote>

Kómumaðr kvað:

<blockquote>3 .
 "Hvat er þat flagða,
 er stendr fyr forgarði
 ok býðr-at líðöndum löð?
 Sæmðarorðalauss
 hefir þú, seggr, of lifat,
 ok haltu heim heðan!"</blockquote>

Borgarvörðr kvað:

<blockquote>4 .
 "Fjölsviðr ek heiti,
 en ek á fróðan sefa,
 þeygi em ek míns mildr matar;
 innan garða
 þú kemr hér aldregi,
 ok dríf þú nú, vargr, at vegi!"</blockquote>
Kómumaðr kvað:

<blockquote>5 .
 "Augna gamans
 fýsir aftr at fá,
 hvars hann getr svást at sjá;
 garðar glóa
 mér þykkja of gullna sali;
 hér mynda ek eðli una."</blockquote>

Fjölsviðr kvað:

<blockquote>6.
 "Segðu mér, hverjum
 ertu, sveinn, of borinn,
 eða hverra ertu manna mögr?"</blockquote>

Kómumaðr kvað:

<blockquote>"Vindkaldr ek heiti,
 Várkaldr hét minn faðir,
 þess var Fjölkaldr faðir.

 7.
 Segðu mér þat, Fjölsviðr,
 er ek fregna mun
 ok ek vilja vita:
 Hverr hér ræðr
 ok ríki hefir
 eign ok auðsölum?"</blockquote>

Fjölsviðr kvað:

<blockquote>8.
 "Menglöð of heitir,
 en hana móðir of gat
 við Svafrþorins syni;
 hon hér ræðr
 ok ríki hefir
 eign ok auðsölum"</blockquote>

Vindkaldr kvað:

<blockquote>9.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat sú grind heitir,
 er með goðum sá-at
 menn it meira forað?"</blockquote>

Fjölsviðr kvað:

<blockquote>10.
 "Þrymgjöll hon heitir,
 en hana þrír gerðu
 Sólblinda synir;
 fjöturr fastr
 verðr við faranda hvern
 er hana hefr frá hliði."</blockquote>

Vindkaldr kvað:

<blockquote>11.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat sá garðr heitir,
 er með goðum sá-at
 menn it meira forað?"</blockquote>

Fjölsviðr kvað:

<blockquote>12.
 "Gastrópnir heitir,
 en ek hann görfan hefk
 ór Leirbrimis limum;
 svá hefik studdan,
 at hann standa mun,
 æ meðan öld lifir."</blockquote>

Vindkaldr kvað:

<blockquote>13.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat þeir garmar heita,
 er gífrari hefik
 enga fyrr í löndum lítit?"</blockquote>

Fjölsviðr kvað:

<blockquote>14.
 "Gífr heitir annarr,
 en Geri annarr,
 ef þú vilt þat vita;
 varðir ellifu,
 er þeir varða,
 unz rjúfask regin."</blockquote>

Vindkaldr kvað:

<blockquote>15.
 "Segðu mér þat, Fjölsviðr,
 er ek þik fregna mun
 ok ek vilja vita,
 hvárt sé manna nökkut,
 þat er megi inn koma,
 meðan sókndjarfir sofa."</blockquote>

Fjölsviðr kvað:

<blockquote>16.
 "Missvefni mikit
 var þeim mjök of lagit,
 síðan þeim var varzla vituð;
 annarr of nætr sefr,
 en annarr of daga,
 ok kemsk þá vætr, ef þá kom."</blockquote>

Vindkaldr kvað:

<blockquote>17.
 "Segðu mér þat, Fjölsviðr,
 er ek þik fregna mun
 ok ek vilja vita,
 hvárt sé matar nökkut,
 þat er menn hafi,
 ok hlaupi inn, meðan þeir eta."</blockquote>

Fjölsviðr kvað:

<blockquote>18.

 "Vegnbráðir tvær
 liggja í Viðópnis liðum,
 ef þú vilt þat vita,
 þat eitt er svá matar,
 at þeim menn of gefi,
 ok hlaupi inn, meðan þeir eta."</blockquote>

Vindkaldr kvað:

<blockquote>19.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat þat barr heitir,
 er breiðask um
 lönd öll limar?"</blockquote>

Fjölsviðr kvað:

<blockquote>20.
 "Mímameiðr hann heitir,
 en þat manngi veit,
 af hverjum rótum renn;
 við þat hann fellr,
 er fæstan varir,
 flær-at hann eld né járn."</blockquote>

Vindkaldr kvað:

<blockquote>21.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat af móði verðr
 þess ins mæra viðar,
 er hann flær-rat eld né járn?"</blockquote>

Fjölsviðr kvað:

<blockquote>22.
 "Út af hans aldni
 skal á eld bera
 fyr kelisjúkar konur;

 útar hverfa
 þats þær innar skyli,
 sá er hann með mönnum mjötuðr."</blockquote>

Vindkaldr kvað:

<blockquote>23.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat sá hani heitir,
 er sitr í inum háva viði,
 allr hann við gull glóir?"</blockquote>

Fjölsviðr kvað:

<blockquote>24.
 "Víðópnir hann heitir,
 en hann stendr veðrglasir
 á meiðs kvistum Míma;
 einum ekka
 þryngr hann örófsaman
 Surtr Sinmöru."</blockquote>

Vindkaldr kvað:

<blockquote>25.
 "Segðu mér þat, Fjölsviðr,
 er ek þik fregna mun
 ok ek vilja vita:
 hvárt sé vápna nökkut,
 þat er knegi Viðópnir fyrir
 hníga á Heljar sjöt?"</blockquote>

Fjölsviðr kvað:

<blockquote>26.
 "Lævateinn heitir hann,
 en hann gerði Loftr rúnum
 fyr nágrindr neðan;
 í segjárnskeri
 liggr hann hjá Sinmöru,
 ok halda njarðlásar níu."</blockquote>

Vindkaldr kvað:

<blockquote>27.
 "Segðu mér þat, Fjölsviðr,
 er ek þik fregna mun
 ok ek vilja vita:
 hvárt aftr kemr,
 sá er eftir ferr
 ok vill þann tein taka."</blockquote>

Fjölsviðr kvað:

<blockquote>28.

 "Aftr mun koma,
 sá er eftir ferr
 ok vill þann tein taka,
 ef þat færir,
 er fáir eigu,
 Eiri örglasis."</blockquote>

Vindkaldr kvað:

<blockquote>29.
 "Segðu mér þat, Fjölsviðr,
 er ek þik fregna mun
 ok ek vilja vita:
 hvárt sé mæta nökkut,
 þat er menn hafi
 ok verðr því in fölva gýgr fegin."</blockquote>

Fjölsviðr kvað:

<blockquote>30.
 Ljósan léa
 skaltu í lúðr bera,
 þann er liggr í Viðópnis völum,
 Sinmöru at selja,
 áðr hon söm telisk
 vápn til vígs at ljá."</blockquote>

Vindkaldr kvað:

<blockquote>31.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat sá salr heitir,
 er slunginn er
 vísum vafrloga?"</blockquote>

Fjölsviðr kvað:

<blockquote>32.
 "Hyrr hann heitir,
 en hann lengi mun
 á brodds oddi bifask;
 auðranns þess
 munu um aldr hafa
 frétt eina fírar."</blockquote>

Vindkaldr kvað:

<blockquote>33.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hverr þat gerði,
 er ek fyr garð sák
 innan, ásmaga?"</blockquote>

Fjölsviðr kvað:

<blockquote>34.
 "Uni ok Íri,
 Óri ok Bári,
 Varr ok Vegdrasill;
 Dóri ok Úri,
 Dellingr, Atvarðr,
 Líðskjalfr, Loki."</blockquote>

Vindkaldr kvað:

<blockquote>35.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat þat bjarg heitir,
 er ek sé brúði á
 þjóðmæra þruma?"</blockquote>

Fjölsviðr kvað:

<blockquote>36.
 "Lyfjaberg þat heitir,
 en þat hefir lengi verit
 sjúkum ok sárum gaman;
 heil verðr hver,
 þótt hafi árs sótt,
 ef þat klífr, kona."</blockquote>

Vindkaldr kvað:

<blockquote>37.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvat þær meyjar heita,
 er fyr Menglaðar knjám
 sitja sáttar saman?"</blockquote>

Fjölsviðr kvað:

<blockquote>38.

 "Hlíf heitir,
 önnur Hlífþrasa,
 þriðja Þjóðvarta,
 Björt ok Blíð,
 Blíðr, Fríð,
 Eir ok Aurboða."</blockquote>

Vindkaldr kvað:

<blockquote>39.
 "Segðu mér þat, Fjölsviðr,
 er ek þik fregna mun
 ok ek vilja vita:
 Hvárt þær bjarga,
 þeim er blóta þær,
 ef gerask þarfar þess?"</blockquote>

Fjölsviðr kvað:

<blockquote>40.
 "Bjarga svinnar,
 hvar er menn blóta þær
 á stallhelgum stað;
 eigi svá hátt forað
 kemr at hölða sonum,
 hvern þær ór nauðum nema."</blockquote>

Vindkaldr kvað:

<blockquote>41.
 "Segðu mér þat, Fjölsviðr,
 er ek þik fregna mun
 ok ek vilja vita,
 hvárt sé manna nökkut,
 er knegi á Menglaðar
 svásum armi sofa?"</blockquote>

Fjölsviðr kvað:

<blockquote>42.
 "Vætr er þat manna,
 er knegi á Menglaðar
 svásum armi sofa,
 nema Svipdagr einn,
 hánum var sú in sólbjarta
 brúðr at kván of kveðin."</blockquote>

Vindkaldr kvað:

<blockquote>43.
 "Hrittu á hurðir,
 láttu hlið rúm,
 hér máttu Svipdag sjá;
 en þó vita far,
 ef vilja myni
 Menglöð mitt gaman."</blockquote>

Fjölsviðr kvað:

<blockquote>44.
 "Heyr þú, Menglöð,
 hér er maðr kominn,
 gakk þú á gest sjá;
 hundar fagna,
 hús hefir upp lokizk,
 hygg ek, at Svipdagr sé."</blockquote>

Menglöð kvað:

<blockquote>45.
 "Horskir hrafnar
 skulu þér á hám galga
 slíta sjónir ór,
 ef þú þat lýgr,
 at hér sé langt kominn
 mögr til minna sala.

 46
 Hvaðan þú fórt,
 hvaðan þú för gerðir,
 hvé þik hétu hjú?
 At ætt ok nafni
 skal ek jartegn vita,
 ef ek var þér kván of kveðin."</blockquote>

Svipdagr kvað:

<blockquote>47.
 "Svipdagr ek heiti,
 Sólbjartr hét minn faðir,
 þaðan rákumk vindkalda vegu;
 Urðar orði
 kveðr engi maðr,
 þótt þat sé við löst lagit."</blockquote>

Menglöð kvað:

<blockquote>48.
 "Vel þú nú kominn,
 hefik minn vilja beðit,
 fylgja skal kveðju koss;
 forkunnar sýn
 mun flestan glaða,
 hvars hefir við annan ást.

 49.
 Lengi ek sat
 ljúfu bergi á,
 beið ek þín dægr ok daga;
 nú þat varð,
 er ek vætt hefi,
 at þú ert kominn, mögr, til minna sala.

 50.
 Þrár hafðar
 er ek hefi til þíns gamans,
 en þú til míns munar;
 nú er þat satt,
 er vit slíta skulum
 ævi ok aldr saman."</blockquote>

{{DEFAULTSORT:Fjølsvinnsmal}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 5: / Linje 5: @@
 ! Denne teksten finnes i flere utgaver på følgende språk ► !! [[Fil:Original.gif|32px|link=Fjölsvinnsmál]] !!  !! [[Fil:Norsk.gif|32px|link=Svipdagsmål. II. Fjolsvinnsmål]] !! [[Fil:Dansk.gif|32px|link=Fjølsvinns Mál]] !! [[Fil:Svensk.gif|32px|link=Sången om Fjolsvinn]] !!
 |-
-!  !!  !!  !! [[Fil:Norsk.gif|32px|link= Fjolsvinnsord (Fjǫlsvinnsmǫ́l)]] !! [[Fil:Dansk.gif|32px|link=Fjålsvid-Kvadet]] !! [[Fil:Svensk.gif|32px|link=Fjölsvinns ordskifte (NFS)]] !!
+!  !! [[Fil:Original.gif|32px|link=Fj&#491;lsvinnsm&#491;&#769;l]] !!  !! [[Fil:Norsk.gif|32px|link= Fjolsvinnsord (Fjǫlsvinnsmǫ́l)]] !! [[Fil:Dansk.gif|32px|link=Fjålsvid-Kvadet]] !! [[Fil:Svensk.gif|32px|link=Fjölsvinns ordskifte (NFS)]] !!
 |-
 !  !!  !!  !!  !! [[Fil:Dansk.gif|32px|link=Svipdag og Menglad]] !! [[Fil:Svensk.gif|32px|link=Sången om Fjölsvinn (PAG)]] !!

@@ Linje 16: / Linje 16: @@
 |-
 !  !!  !!  !!  !! [[Fil:Dansk.gif|32px|link=Fjølsvidsangen (V.B.Hjort)]] !!  !!
 |-
 |}

@@ Linje 14: / Linje 14: @@
 |-
 !  !!  !!  !!  !! [[Fil:Dansk.gif|32px|link=Fiølsviders Sang (B.C.Sandvig)]] !!  !!
 |-
 |}