Guðrúnarkviða in forna - Revisjonshistorikk

Carsten på 15. jul. 2022 kl. 14:59

2022-07-15T14:59:13Z

Carsten på 31. mai 2022 kl. 16:18

2022-05-31T16:18:07Z

Carsten på 23. jan. 2019 kl. 11:06

2019-01-23T11:06:24Z

Iwan på 12. mar. 2015 kl. 20:36

2015-03-12T20:36:13Z

JJ.Sandal på 22. des. 2013 kl. 16:30

2013-12-22T16:30:27Z

Vis endringer

Carsten på 15. sep. 2013 kl. 05:32

2013-09-15T05:32:00Z

JJ.Sandal: Guðrúnarkviða in forna

2013-01-12T09:55:32Z

Guðrúnarkviða in forna

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes i flere utgaver på følgende språk ► !! [[Fil:Original.gif|32px|link=Guðrúnarkviða in forna]]!! !! [[Fil:Norsk.gif|32px|link=Den forne Gudrunkvida]] !! [[Fil:Dansk.gif|32px|link=Den anden eller den gamle Sang om Gudrun]] !! [[Fil:Svensk.gif|32px|link=Andra kvädet om Gudrun]] !!
|-
! !! !! !! [[Fil:Norsk.gif|32px|link= Det gamle Gudrunskvæde II. (Goþrúnarkviþa en forna II)]] !! [[Fil:Dansk.gif|32px|link=Det gamle Kvad om Gudrun (Olaf Hansen)]] !! [[Fil:Svensk.gif|32px|link=Andra kvädet om Gudrun (NFS)]] !!
|-
! !! !! !! !! !! [[Fil:Svensk.gif|32px|link=Det andra kvädet om Gudrun (PAG)]] !!
|-
! !! !! !! !! !! [[Fil:Svensk.gif|32px|link=Gudruns sorg (AAA)]] !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson|GUÐNI JÓNSSON]] bjó til prentunar

<big>'''Guðrúnarkviða in forna'''</big></center>

Þjóðrekr konungr var með Atla ok hafði þar látit flesta alla menn sína. Þjóðrekr ok Guðrún kærðu harma sín á milli. Hon sagði hánum ok kvað:

<blockquote>1.
 Mær var ek meyja,
 - móðir mik fæddi, -
 björt í búri,
 unna ek vel bræðrum, -
 unz mik Gjúki
 gulli reifði,
 gulli reifði,
 gaf Sigurði.

 2.
 Svá var Sigurðr
 of sonum Gjúka
 sem væri grænn laukr
 ór grasi vaxinn
 eða hjörtr hábeinn
 of hvössum dýrum
 eða gull glóðrautt
 af gráu silfri.

 3.
 Unz mér fyrmunðu
 mínir bræðr,
 at ek ætta ver
 öllum fremra;
 sofa þeir né máttu-t
 né of sakar dæma,
 áðr þeir Sigurð
 svelta létu.

 4.
 Grani rann at þingi,
 - gnýr var at heyra, -
 en þá Sigurðr
 sjalfr eigi kom;
 öll váru söðuldýr
 sveita stokkin
 ok of vanið vási
 und vegöndum.

 5.
 Gekk ek grátandi
 við Grana ræða,
 úrughlýra
 jó frá ek spjalla;
 hnipnaði Grani þá,
 drap í gras höfði,
 jór þat vissi,
 eigendr né lifðu-t.

 6.
 Lengi hvarfaðak,
 lengi hugir deildusk,
 áðr ek of frægak
 folkvörð at gram.

 7.
 Hnipnaði Gunnarr,
 sagði mér Högni
 frá Sigurðar
 sárum dauða:
 "Liggr of höggvinn
 fyr handan ver
 Gothorms bani
 of gefinn ulfum.

 8.
 Líttu þar Sigurð
 á suðrvega;
 þá heyrir þú
 hrafna gjalla,
 örnu gjalla
 æzli fegna,
 varga þjóta
 of veri þínum."

 9.
 "Hví þú mér, Högni,
 harma slíka
 viljalaussi
 vill of segja?
 Þitt skyli hjarta
 hrafnar slíta
 við lönd yfir
 en þú vitir manna!"

 10.
 Svaraði Högni
 sinni einu,
 trauðr góðs hugar,
 af trega stórum:
 "Þess áttu, Guðrún,
 græti at fleiri,
 at hjarta mitt
 hrafnar slíti."

 11.
 Hvarf ek ein þaðan
 annspilli frá
 á við lesa
 varga leifar;
 gerðig-a ek hjúfra
 né höndum slá
 né kveina um
 sem konur aðrar,
 þá er sat soltin
 of Sigurði.

 12.
 Nótt þótti mér
 niðmyrkr vera,
 er ek sárla satk
 yfir Sigurði;
 ulfar þóttumk
 öllu betri,
 ef þeir léti mik
 lífi týna
 eða brenndi mik
 sem birkinn við.

 13.
 Fór ek af fjalli
 fimm dægr talið,
 unz ek höll Halfs
 háva þekkðak.

 14.
 Sat ek með Þóru
 sjau misseri,
 dætr Hákonar
 í Danmörku;
 hon mér at gamni
 gullbókaði
 sali suðræna
 ok svani danska.

 15.
 Hafðu vit á skriftum
 þat er skatar léku,
 ok á hannyrðum
 hilmis þegna,
 randir rauðar,
 rekka Húna,
 hjördrótt, hjalmdrótt,
 hilmis fylgju.

 16.
 Skip Sigmundar
 skriðu frá landi,
 gylltar grímur,
 grafnir stafnar;
 byrðu vit á borða,
 þat er þeir börðusk
 Sigarr ok Siggeirr
 suðr á Fjóni.

 17.
 Þá frá Grimildr,
 gotnesk kona,
 hvat ek væra
 hyggjuð -- --;
 hon brá borða
 ok buri heimti
 þrágjarnliga
 þess at spyrja,
 hverr vildi son
 systur bæta
 eða ver veginn
 vildi gjalda.

 18.
 Görr lézk Gunnarr
 gull at bjóða
 sakar at bæta,
 ok it sama Högni.
 Hon frétti at því,
 hverr fara vildi
 vigg at söðla
 vagn at beita,
 hesti ríða,
 hauki fleygja,
 öðrum at skjóta
 af ýboga.

 19.
 Valdarr Dönum
 með Jarizleifi,
 Eymóðr þriði
 með Jarizskári
 inn gengu þá,
 jöfrum líkir,
 Langbarðs liðar,
 höfðu loða rauða,
 stuttar brynjur,
 steypða hjalma,
 skalmum gyrðir,
 höfðu skarar jarpar.

 20.
 Hverr vildi mér
 hnossir velja,
 hnossir velja
 ok hugat mæla,
 ef þeir mætti mér
 margra súta
 tryggðir vinna, -
 né ek trúa gerða.

 21.
 Færði mér Grímhildr
 full at drekka
 svalt ok sárligt,
 né ek sakar munðak;
 þat var of aukit
 jarðar magni,
 svalköldum sæ
 ok sónum dreyra.

 22.
 Váru í horni
 hvers kyns stafir
 ristnir ok roðnir,
 - ráða ek né máttak, -
 lyngfiskr langr,
 lands Haddingja
 ax óskorit,
 innleið dyra.

 23.
 Váru þeim bjóri
 böl mörg saman,
 urt alls viðar
 ok akarn brunnin,
 umdögg arins,
 iðrar blótnar,
 svíns lifr soðin,
 því at hon sakar deyfði.

 24.
 En þá gleymðu,
 er getit höfðu,
 öll jöfurs
 jórbjúg í sal;
 kómu konungar
 fyr kné þrennir,
 áðr hon sjalfa mik
 sótti at máli.</blockquote>

Grímhildr kvað:

<blockquote>25.
 "Gef ek þér, Guðrún,
 gull at þiggja,
 fjölð alls féar,
 at þinn föður dauðan,
 hringa rauða,
 Hlöðvés sali,
 ársal allan
 at jöfur fallinn.

 26.
 Húnskar meyjar,
 þær er hlaða spjöldum
 ok gera gull fagrt,
 svá at þér gaman þykki;
 ein skaltu ráða
 auði Buðla,
 gulli göfguð
 ok gefin Atla."</blockquote>

Guðrún kvað:

<blockquote>27.
 "Vilk eigi ek
 með veri ganga
 né Brynhildar
 bróður eiga;
 samir eigi mér
 við son Buðla
 ætt at auka
 né una lífi."</blockquote>

Grímhildr kvað:

<blockquote>28.
 "Hirð-a-ðu hölðum
 heiftir gjalda,
 því at vér höfum
 valdit fyrri;
 svá skaltu láta,
 sem þeir lifi báðir
 Sigurðr ok Sigmundr,
 ef þú sonu fæðir."</blockquote>

Guðrún kvað:

<blockquote>29.
 "Mák-a ek, Grímhildr,
 glaumi bella
 né vígrisins
 vánir telja,
 siz Sigurðar
 sárla drukku
 hrægífr, huginn
 hjartblóð saman."</blockquote>

Grímhildr kvað:

<blockquote>30.
 "Þann hefi ek allra
 ættgöfgastan
 fylki fundit
 ok framast nökkvi;
 hann skaltu eiga,
 unz þik aldr viðr,
 verlaus vera,

 nema þú vilir þenna."</blockquote>

Guðrún kvað:

<blockquote>31.
 "Hirð-a-ðu bjóða
 bölvafullar
 þrágjarnliga
 þær kindir mér;
 hann mun Gunnar
 grandi beita
 ok ór Högna
 hjarta slíta;
 munk-at ek létta,
 áðr lífshvatan
 eggleiks hvötuð
 aldri næmik."

 32.
 Grátandi Grímhildr
 greip við orði,
 er burum sínum
 bölva vætti
 ok mögum sínum
 meina stórra.</blockquote>

Grímhildr kvað:

<blockquote>33.
 "Lönd gef ek enn þér,
 lýða sinni,
 Vinbjörg, Valbjörg,
 ef þú vill þiggja;
 eigðu um aldr þat
 ok uni, dóttir."</blockquote>

Guðrún kvað:

<blockquote>34.
 "Þann mun ek kjósa
 af konungum
 ok þó af niðjum
 nauðig hafa;
 verðr eigi mér
 verr at ynði
 né böl bræðra
 at bura skjóli."

 35.
 Senn var á hesti
 hverr drengr litinn,
 en víf valnesk
 hafið í vagna;
 vér sjau daga
 svalt land riðum,
 en aðra sjau
 unnir kníðum,
 en ina þriðju sjau
 þurrt land stigum.

 36.
 Þar hliðverðir
 hárar borgar
 grind upp luku,
 áðr í garð riðum.

 37.
 Vakði mik Atli,
 en ek vera þóttumk
 full ills hugar
 at frændr dauða.</blockquote>

Atli kvað:

<blockquote>38.
 "Svá mik nýliga
 nornir vekja," -
 vílsinnis spá
 vildi, at ek réða, -
 "hugða ek þik, Guðrún
 Gjúka dóttir,
 læblöndnum hjör
 leggja mik í gögnum."</blockquote>

Guðrún kvað:

<blockquote>39.
 "Þat er fyr eldi,
 er éarn dreyma,
 fyr dul ok vil
 drósar reiði;
 mun ek þik við bölvi
 brenna ganga,
 líkna ok lækna,
 þótt mér leiðir séir."</blockquote>

Atli kvað:

<blockquote>40.
 "Hugða ek hér í túni
 teina fallna,
 þá er ek vildak
 vaxna láta,
 rifnir með rótum,
 roðnir í blóði,
 bornir á bekki,
 beðit mik at tyggva.

 41.
 Hugða ek mér af hendi
 hauka fljúga
 bráðalausa
 bölranna til;
 hjörtu hugða ek þeira
 við hunang tuggin,
 sorgmóðs sefa,
 sollin blóði.

 42.
 Hugða ek mér af hendi
 hvelpa losna,
 glaums andvana,
 gylli báðir;
 hold hugða ek þeira
 at hræum orðit,
 nauðigr nái
 nýta ek skyldak."</blockquote>

Guðrún kvað:

<blockquote>43.
 "Þar munu seggir
 of sæing dæma
 ok hvítinga
 höfði næma;
 þeir munu feigir
 fára nátta
 fyrir dag litlu,
 drótt of bergja."</blockquote>

Atli kvað:

<blockquote>44.
 "Lægja ek síðan,
 né ek sofa vildak,
 þrágjarn í kör;
 þat man ek görva."</blockquote>

{{DEFAULTSORT:Gudrunarkvida in forna}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 11: / Linje 11: @@
 !  !!  !!  !!  !! [[Fil:Dansk.gif|32px|link=2. Qvad om Gudrune (FM)]] !! [[Fil:Svensk.gif|32px|link=Gudruns sorg (AAA)]] !!
 |-
-!  !!  !!  !!  !! [[Fil:Dansk.gif|32px|link=Andet Gudrunskvad (V.B.Hjort)]] !!  !!
+!  !!  !!  !!  !! [[Fil:Dansk.gif|32px|link=Andet Gudrunskvad (V.B.Hjort)]] !! [[Fil:Svensk.gif|32px|link=Andra kvädet om Gudrun (KL)]] !!
 |-
 |}

@@ Linje 5: / Linje 5: @@
 ! Denne teksten finnes i flere utgaver på følgende språk ► !! [[Fil:Original.gif|32px|link=Guðrúnarkviða in forna]]!!  !! [[Fil:Norsk.gif|32px|link=Den forne Gudrunkvida]] !! [[Fil:Dansk.gif|32px|link=Den anden eller den gamle Sang om Gudrun]] !! [[Fil:Svensk.gif|32px|link=Andra kvädet om Gudrun]] !!
 |-
-!  !!  !!  !! [[Fil:Norsk.gif|32px|link= Det gamle Gudrunskvæde II. (Goþrúnarkviþa en forna II)]] !! [[Fil:Dansk.gif|32px|link=Det gamle Kvad om Gudrun (Olaf Hansen)]] !! [[Fil:Svensk.gif|32px|link=Andra kvädet om Gudrun (NFS)]] !!
+!  !! [[Fil:Original.gif|32px|link=Goðrúnarkviða hin forna (II)]] !!  !! [[Fil:Norsk.gif|32px|link= Det gamle Gudrunskvæde II. (Goþrúnarkviþa en forna II)]] !! [[Fil:Dansk.gif|32px|link=Det gamle Kvad om Gudrun (Olaf Hansen)]] !! [[Fil:Svensk.gif|32px|link=Andra kvädet om Gudrun (NFS)]] !!
 |-
 !  !!  !!  !!  !! [[Fil:Dansk.gif|32px|link=Andet Kvad om Gudrun (F.W.Horn)]] !! [[Fil:Svensk.gif|32px|link=Det andra kvädet om Gudrun (PAG)]] !!

@@ Linje 9: / Linje 9: @@
 !  !!  !!  !!  !! [[Fil:Dansk.gif|32px|link=Andet Kvad om Gudrun (F.W.Horn)]] !! [[Fil:Svensk.gif|32px|link=Det andra kvädet om Gudrun (PAG)]] !!
 |-
-!  !!  !!  !!  !!  !! [[Fil:Svensk.gif|32px|link=Gudruns sorg (AAA)]] !!
+!  !!  !!  !!  !! [[Fil:Dansk.gif|32px|link=2. Qvad om Gudrune (FM)]] !! [[Fil:Svensk.gif|32px|link=Gudruns sorg (AAA)]] !!
 |-
 |}