JJ.Sandal på 24. des. 2013 kl. 11:55

2013-12-24T11:55:19Z

Vis endringer

JJ.Sandal på 20. des. 2013 kl. 21:44

2013-12-20T21:44:45Z

Jesper på 26. okt. 2013 kl. 07:53

2013-10-26T07:53:49Z

JJ.Sandal på 13. jan. 2013 kl. 15:15

2013-01-13T15:15:13Z

JJ.Sandal: Ynglingatal

2013-01-11T21:39:27Z

Ynglingatal

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes på følgende språk ► !! [[Fil:Original.gif|32px|link=Ynglingatal (B1)]] !! !! !! [[Fil:Dansk.gif|32px|link=Ynglingerækken]] !! !!
|-
! !! [[Fil:Original.gif|32px|link=Ynglingatal]] !! !! !! !! !!
|-
|}

<center>'''[[Carmina Scaldica]]'''

Udvalg af norske og islandske skjaldekvad ved [[Finnur Jónsson]] G.E.C. Gads Forlag - København 1929

<big>Þjóðolfr enn hvinverski '''Ynglingatal'''</big></center>

<blockquote>1.
 Varð framgengt,
 þars Fróði bjó,
 feigðar orð,
 er at ''Fjölni'' kom;
 siklingi
 svigðis geira
 vágr vindlauss
 of viða skyldi.

 2.
 En dagskjarr
 Dúrnis niðja
 salvörðuðr
 ''Sveigði'' vélti,
 þás í stein
 hinn stórgeði
 Dusla konr
 ept dvergi hljóp,

 3.
 ok salr bjartr
 þeira Sökmímis
 jötunbyggðr
 við jöfri gein.

 4.
 En á vit
 Vilja bróður
 vitta véttr
 ''Vanlanda'' kom,
 þás trollkund
 of troða skyldi
 liðs grímildr
 ljóna bága,

 5.
 ok sá brann
 á beði Skútu
 menglötuðr,
 es mara kvalði.

 6.
 Ok ''Visburs''
 vilja byrgi
 sævar niðr
 svelga knátti,
 þás meinþjóf
 markar öttu
 setrverjendr
 á sinn föður,

 7.
 ok allvald
 í arinkjóli
 glóða garmr
 glymjandi beit.

 8.
 Hitt vas fyrr,
 at fold ruðu
 sverðberendr
 sínum drótni,
 ok landherr
 af lífs vönum
 dreyrug vápn
 ''Dómalda'' bar,

 9.
 þás árgjörn
 Jóta dolgi
 Svía kind
 of sóa skyldi.

 10.
 Ok þess opt
 of yngva hrør
 fróða menn
 of fregit hafðak,
 hvar ''Dómarr''
 á dynjanda
 bana háalfs
 of borinn væri.

 11.
 Nú þat veitk,
 at verkbitinn
 Fjölnis niðr
 við Fýri brann.

 12.
 Kveðkat dul,
 nema ''Dyggva'' hrør
 Glitnis gná
 at gamni hefr,
 þvít jódís
 Ulfs ok Narfa
 Konungmann
 kjósa skyldi,

 13.
 ok allvald
 Yngva þjóðar
 Loka mær
 of leikinn hefr.

 14.
 Frák at ''Dagr''
 dauða orði
 frægðar fúss
 of fara skyldi,
 þás valteins
 til Vörva kom
 spakfrömuðr
 spörs at hefna.

 15.
 Ok þat orð
 á austrvega
 vísa ferð
 frá vígi bar,
 at þann gram
 of geta skyldi
 sløngviþref
 Sleipnis verðar.

 16.
 Þat telk undr,
 ef ''Agna'' her
 Skalfar ráð
 at sköpum þóttu,
 þás gœðing
 með gollmeni
 Loga dís
 at lopti hóf,

 17.
 hinn's við Taur
 temja skyldi
 svalan hest
 Signýjar vers.

 18.
 Fell ''Alrekr'',
 þars ''Eireki''
 bróður vápn
 at bana urðu,
 ok hnakkmars
 með höfuðfetlum
 Dags fríendr
 of drepask kóðu.

 19.
 frát maðr áðr
 eykja greiði
 Freys afspring
 í folk hafa.

 20.
 Auk varð hinn,
 es ''Alfr'' of vá
 vörðr véstalls,
 of veginn liggja,
 es döglingr
 dreyrgan mæki
 öfundgjarn
 á ''Yngva'' rauð.

 21.
 Vasa þat bært
 at Bera skyldi
 valsœfendr
 vígs of hvetja,
 þás brœðr tveir
 at bönum urðusk,
 óþurfendr,
 of afbrýði.

 22.
 Varð ''Jörundr''
 hinn's endr of dó,
 lífs of lattr
 í Limafirði,
 þás hábrjóstr
 hörva Sleipnir
 bana Goðlaugs
 of bera skyldi,

 23.
 ok Hagbarðs
 hersa valdi
 höðnuleif
 at halsi gekk.

 24.
 Knátti endr
 at Upsölum
 ánasótt
 ''Aun'' of standa,
 ok þrálífr
 þiggja skyldi
 jóðs alað
 öðru sinni.

 25.
 Ok sveiðurs
 at sér hverfði
 mækis hlut
 hinn mjávara,
 es okhreins
 áttunga hrjóðr
 lögðis odd
 liggjandi drakk.

 26.
 Máttit hárr
 mæki hjarðar
 austrkonungr
 upp of halda.

 27.
 Ok lofsæll
 ór landi fló
 Týs áttungr
 Tunna ríki,
 en flæming
 farra trjónu
 jötuns eykr
 á ''Agli'' rauð,

 28.
 sás of austr
 áðan hafði
 brúna hörg
 of borinn lengi,
 en skiðlauss
 Skilfinga nið
 hœfis hjörr
 til hjarta stóð.

 29.
 Fell ''Óttarr''
 und ara greipar
 dugandligr
 fyr Dana vápnum;
 þann hergammr
 hrægum fœti,
 víts borinn,
 á Vendli sparn.

 30.
 Þau frák verk
 Vátts ok Fasta
 sœnskri þjóð
 at sögum verða,
 at eylands
 jarlar Fróða
 vígfrömuð
 of veginn höfðu.

 31.
 Þat frák enn,
 at ''Aðils'' fjörvi
 vitta véttr
 of viða skyldi,
 ok dáðgjarn
 af drasils bógum
 Freys áttungr
 falla skyldi.

 32.
 Ok við aur
 ægir hjarna
 bragnings burs
 of blandinn varð,
 ok dáðsæll
 deyja skyldi
 Ála dolgr
 at Upsölum.

 33.
 Veitk ''Eysteins''
 enda folginn
 lokins lífs
 á Lófundi,
 ok sikling
 með Svíum kóðu
 józka menn
 inni brenna.

 34.
 Ok bitsótt
 í brandnói
 hlíðar þangs
 á hilmi rann,
 þás timbrfastr
 toptar nökkvi,
 flotna fullr,
 ok fylki brann.

 35.
 Þat stökk upp,
 at ''Yngvari''
 Sýslu kind
 of sóit hafði;
 ljóshömum
 við lagar hjartar
 herr eistneskr
 at hilmi vá,

 36.
 ok austmarr
 jöfri sœnskum
 Gymis ljóð
 at gamni kveðr.

 37.
 Varð ''Önundr''
 Jónakrs bura
 harmi heptr
 und himinfjöllum,
 ok ofvæg
 Eistra dolgi
 heipt hrísungs
 at hendi kom,

 38.
 ok sá frömuðr
 foldar beinum
 Högna hrørs
 of horfinn vas.

 39.
 Ok ''Ingjald''
 ífjörvan trað
 reyks rösuðr
 á Ræningi,
 þás húsþjófr
 hyrjar leistum
 goðkynning
 í gögnum sté.

 40.
 Ok sá urðr
 allri þjóðu
 sanngörvastr
 með Svíum þótti,
 es hann sjalfr
 sínu fjörvi
 frœknu fyrstr
 of fara skyldi.

 41.
 Ok við vág,
 hinn's viðjar...
 hræ ''Áleifs''
 ölgylðir svalg,
 ok glóðfjalgr
 gørvar leysti
 sunr Fornjóts
 af Svía jöfri.

 42
 Sá áttkonr
 frá Upsölum
 Lofða kyns
 fyr löngu hvarf.

 43.
 Þat frá hverr,
 at ''Halfdanar''
 sökmiðlendr
 sakna skyldu,
 ok hallvarps
 hlífi-Nauma
 þjóðkonung
 á Þótni tók,

 44.
 ok Skereið
 í Skíringsal
 of brynjalfs
 beinum drúpir.

 45.
 En ''Eysteinn''
 fyr ási fór
 til Býleists
 bróður meyjar,
 ok nú liggr
 und lagar beinum
 rekks löðuðr
 á raðar broddí,

 46.
 þarsélkaldr
 hjá jöfur gauzkum
 Vöðlu straumr
 at vági kømr.

 47.
 Ok til þings
 þriðja jöfri
 Hveðrungs mær
 ór heimi bauð,
 þás ''Halfdanr'',
 sás Holtum bjó,
 norna dóms
 of notit hafði,

 48.
 ok buðlung
 á Borrói
 sigrhafendr
 síðan fálu.

 49.
 Varð ''Goðrøðr''
 hinn göfugláti
 lómi beittr,
 sás löngu vas,
 ok umbráð,
 at ölum stilli,
 höfuð heiptrækt
 at hilmi dró.

 50.
 Ok launsigr
 hinn lómgeði
 Ásu árr
 af jöfri bar,
 en buðlungr
 á beði fornum
 Stíflusunds
 of stunginn vas.

 51.
 Ok niðkvísl
 í Nóregi
 þróttar Þrós
 of þróazk hafði.
 Réð ''Áleifr''
 Upsa forðum
 víða frægr
 ok vestmari,

 52.
 unz fótverkr
 við Foldar þröm
 of viða vin
 of viða skyldi.
 Liggr gunndjarfr
 á Geirstöðum
 herkonungr
 haugi ausinn.

 53.
 Þat veitk bezt
 und bláum himni
 kenninafn,
 svát konungr eigi,
 er ''Rögnvaldr'',
 reiðar stjóri,
 heiðum-hár
 of heitinn es,

 54.
 ok mildgeðr
 markar dróttinn -.</blockquote>

<div class="toccolours">'''Tjodolv fra Kvine''' (Þjóðólfr ór Hvini), norsk skald, hirdskald hos kong Harald Hårfagre. I Ynglingatal regner Tjodolv opp kongene av Ynglingeætten i Uppsala og deres etterkommere i Norge. I skjolddråpen [[Haustlöng]] beskriver han dekorasjonene på et skjold med avbildning av mytene om jotnen Tjatses botføring av gudinnen Idunn og av guden Tors kamp med jotnen Rogne. Kildetekst: SNL</div>

[[Kategori:Alfabetisk indeks]]
[[Kategori:Tekster på norrønt]]
[[Kategori:Finnur Jónsson]]
[[Kategori:Dróttkvæði og Rímur]]

@@ Linje 19: / Linje 19: @@
-<blockquote>1.
+<blockquote>
 <br>Varð framgengt,
 <br>þars Fróði bjó,
@@ Linje 487: / Linje 488: @@
 <br><br>54.
 <br>ok mildgeðr
-<br>markar dróttinn -.</blockquote>
+<br>markar dróttinn -.

@@ Linje 3: / Linje 3: @@
 !align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
 |-
-! Denne teksten finnes på følgende språk ► !! [[Fil:Original.gif|32px|link=Ynglingatal (B1)]] !!  !!  !! [[Fil:Dansk.gif|32px|link=Ynglingatal (B1)]] !!  !!
+! Denne teksten finnes på følgende språk ► !! [[Fil:Original.gif|32px|link=Ynglingatal (B1)]] !!  !!  !! [[Fil:Dansk.gif|32px|link=Ynglingatal (B1)]] !! [[Fil:Svensk.gif|32px|link=Ynglinga tal]] !!
 |-
 ! !! [[Fil:Original.gif|32px|link=Ynglingatal]] !!  !!  !! [[Fil:Dansk.gif|32px|link=Ynglingerækken]] !!  !!

Ynglingatal - Revisjonshistorikk

JJ.Sandal på 24. des. 2013 kl. 11:55

JJ.Sandal på 20. des. 2013 kl. 21:44

Jesper på 26. okt. 2013 kl. 07:53

JJ.Sandal på 13. jan. 2013 kl. 15:15

JJ.Sandal: Ynglingatal