Darraðarljóð (Njáls saga)

Velg språk	Norrønt	Islandsk	Norsk	Dansk	Svensk	Færøysk
Denne teksten finnes på følgende språk ►

Íslendinga sögur

GUÐNI JÓNSSON

bjó til prentunar

Darraðarljóð

Darraðarljóð norrønt kvad i eddaversmålet fornyrðislag, overlevert i Njáls saga i sammenheng med fortellingen om det veldige Brjánsslaget, dvs. slaget ved Clontarf nær Dublin i 1014. Det heter i sagaen at en mann i Skottland i et syn så 12 valkyrjer som vevde en uhyggelig vev av mennesketarmer mens de kvad Darraðarljóð, som varsler hvordan det skal gå de kjempende. Kildetekst: SNL.

Denne utgave av Darraðarljóð er fra Guðni Jónssons Íslendinga sögur bind 11.

1.

Vítt es orpit

fyr valfalli

rifs reiðiský.

Rignir blóði.

Nú es fyr geirum

grár upp kominn

vefr, verþjóðar

sás vinur fylla

rauðum vefti

Randvés bana.

 

2.

Sjá es orpinn vefr

ýta þörmum

ok harðkléaðr

höfðum manna.

Eru dreyrrekin

dörr at sköftum

járnvarðr yllir,

en örum hrælaðr.

Skulum slá sverðum

sigrvef þenna.

 

3.

Gengr Hildr vefa

ok Hjörþrimul,

Sanngríðr, Svipul

sverðum tognum.

Skaft mun gnesta

skjöldr mun bresta,

mun hjalmgagarr

í hlíf koma.

 

4.

Vindum, vindum

vef Darraðar,

þanns ungr konungr

átti fyrri.

Fram skulum ganga

ok í folk vaða,

þars vinir órir

vápnum skipta.

 

5.

Vindum, vindum

vef Darraðar

ok siklingi

síðan fylgjum.

Þar séa bragna

blóðgar randir

Gunnr ok Göndul,

þærs grami fylgðu.

 

6.

Vindum, vindum

vef Darraðar,

þars vé vaða

vígra manna.

Látum eigi

líf hans farask.

Eigu valkyrjur

vals of kosti.

 

7.

Þeir munu lýðir

löndum ráða,

es útskaga

áðr of byggðu.

Kveðk ríkjum gram

ráðinn dauða.

Nú es fyr oddum

jarlmaðr hniginn.

 

8.

Ok munu Írar

angr of bíða,

þats aldri mun

ýtum fyrnask.

Nú es vefr ofinn,

en völlr roðinn.

Munu of lönd fara

læspjöll gota.

 

9.

Nú es ógurligt

umb at lítask,

es deyrug ský

dregr með himni.

Mun loft litat

lýða blóði

es sóknvarðir

syngva kunnu.

 

10.

Vel kváðum vér

of konung ungan

sighljóða fjölð.

Syngum heilar.

En hinn nemi,

es heyrir á,

geirfljóða hljóð

ok gumum segi.

 

11.

Ríðum hestum

hart út berum

brugðnum sverðum

á braut heðan.

Darraðarljóð, norrønt kvad i eddaversmålet fornyrðislag, overlevert i Njáls saga i sammenheng med fortellingen om det veldige Brjánsslaget, dvs. slaget ved Clontarf nær Dublin i 1014. Det heter i sagaen at en mann i Skottland i et syn så 12 valkyrjer som vevde en uhyggelig vev av mennesketarmer mens de kvad Darraðarljóð, som varsler hvordan det skal gå de kjempende. Kildetekst: SNL