Fjörutíu Íslendinga þættir: Brot ór Kálfs-flokki Bjarna Gullbrár-skálds
Hopp til navigering
Hopp til søk
Fjörutíu Íslendinga þættir
Brot ór Kálfs-flokki Bjarna Gullbrár-skálds
Velg språk | Norrønt | Islandsk | Norsk | Dansk | Svensk | Færøysk |
---|---|---|---|---|---|---|
Denne teksten finnes på følgende språk ► | ||||||
Brot ór Kálfs-flokki Bjarna Gullbrár-skálds
Þórleifur Jónsson gaf út
Reykjavík, 1904
- 1. Vastú þar’s vígs bað kosta
- vápndjarfr Haralds arfi
- (kynnisk kapp þitt mönnum)
- Kálfr við Bókn austr sjálfa;
- gátut Gríðar Sóta
- gólig föng til jóla;
- kendr vart fyrstr at fundi
- fléttu-grjóts ok spjóta.
- 2. Öld fekk illt ór deildum,
- (Erlingr vas þar finginn)
- óðu björt í blóði
- borð fyr Útstein norðan;
- ljós es raun at ræsir
- ráðinn varð frá láði;
- lögðusk lönd und Egða;
- lið þeira frá’k meira.
- 3. Austr réð allvaldr rista
- ótála haf stáli;
- varð at vitja Garða
- Vígmóðr Haralds bróðir;
- enn, (um iðnir manna
- emk-a-k tamr at samna
- skrökkvi) at skilnað ykkarn
- skjótt lézt þú Knút of sóttan.
- 4. Áttu Engla dróttni
- ógnrakkr gjafir þakka
- jarls-niðr, komtú yðru
- ótála vel máli;
- þér lét fold, áðr fœrir
- (frest urðu þess) vestan,
- (líf þitt es-a lítit),
- Lundúna-gramr fundit.
- 5. Jörð rétt vígi at varða
- vígreifr fyr Óleifi;
- brauzt við bragning nýztan
- bág; þat kveð’k mik frágu;
- fyrr gekkt á stað Stikla
- stórverkr, enn óð merki;
- satt es, at sókn of veittir,
- snjallr unz gramr vas fallinn.
- 6. Hafa lézt unga jöfra
- erfð, er til réð hverfa;
- satt es at sitja knátti
- Sveinn at Danmörk einni;
- kendut, Kálfr, til landa
- kappfúsum Magnúsi
- (olluð ér at stillir
- jörð of fekk) ór Görðum.
- 7. Þér frá’k, Þórbergs hlýri,
- (þess gerðusk ér verðir)
- (helt því, unz hann of spillti)
- Haralds bróður-son góðan;
- vöktu öfundmenn ykkrir
- iðula róg í miðli;
- óþörf lézk mér arfa
- Áláfs í þeim málum.
- 8. Frágum Finns hvé mági
- fylgdut, Kálfr, um dylgjur;
- ok léztú á sjá snekkjur
- snarla lagt at jarli;
- áræði vannt eyða
- álfúrs, syni Brúsa
- hlœði-suðr, enn hléðut
- heift-minnigr Þórfinni.