Forskjell mellom versjoner av «Helreið Brynhildar»
Hopp til navigering
Hopp til søk
Eddukvæði
Sæmundar-Edda
m |
|||
Linje 5: | Linje 5: | ||
! Denne teksten finnes i flere utgaver på følgende språk ► !! [[Fil:Original.gif|32px|link=Helreið Brynhildar]] !! !! [[Fil:Norsk.gif|32px|link=Brynhild på helferd]] !! [[Fil:Dansk.gif|32px|link=Brynhilds Helfart]] !! [[Fil:Svensk.gif|32px|link=Brynhilds färd till Hel]] !! | ! Denne teksten finnes i flere utgaver på følgende språk ► !! [[Fil:Original.gif|32px|link=Helreið Brynhildar]] !! !! [[Fil:Norsk.gif|32px|link=Brynhild på helferd]] !! [[Fil:Dansk.gif|32px|link=Brynhilds Helfart]] !! [[Fil:Svensk.gif|32px|link=Brynhilds färd till Hel]] !! | ||
|- | |- | ||
− | ! !! | + | ! !! [[Fil:Original.gif|32px|link=Helreið]] !! !! [[Fil:Norsk.gif|32px|link= Bryhilds helferd (Helreiþ Bryhildar)]] !! [[Fil:Dansk.gif|32px|link=Brynhilds Helridt (Olaf Hansen)]] !! [[Fil:Svensk.gif|32px|link=Brynhilds Hel-färd (NFS)]] !! |
|- | |- | ||
! !! !! !! !! [[Fil:Dansk.gif|32px|link=Brynhilds Helridt (F.W.Horn)]] !! [[Fil:Svensk.gif|32px|link=Brynhilds ridt till Häl (PAG)]] !! | ! !! !! !! !! [[Fil:Dansk.gif|32px|link=Brynhilds Helridt (F.W.Horn)]] !! [[Fil:Svensk.gif|32px|link=Brynhilds ridt till Häl (PAG)]] !! |
Revisjonen fra 24. apr. 2014 kl. 07:57
Velg språk | Norrønt | Islandsk | Norsk | Dansk | Svensk | Færøysk |
---|---|---|---|---|---|---|
Denne teksten finnes i flere utgaver på følgende språk ► | ||||||
Sæmundar-Edda
GUÐNI JÓNSSON
bjó til prentunar
Eftir dauða Brynhildar váru gör bál tvau, annat Sigurði, ok brann þat fyrr, enn Brynhildr var á öðru brennd, ok var hon í reið þeiri, er guðvefjum var tjölduð. Svá er sagt, at Brynhildr ók með reiðinni á helveg ok fór um tún, þar er gýgr nökkur bjó. Gýgrin kvað:
- 1.
- "Skaltu í gögnum
- ganga eigi
- grjóti studda
- garða mína,
- betr semði þér
- borða at rekja
- heldr en vitja
- vers annarrar.
- 2.
- Hvat skaltu vitja
- af Vallandi,
- hvarfúst höfuð,
- húsa minna?
- Þú hefir, Vár gulls,
- ef þik vita lystir,
- mild af höndum
- manns blóð þvegit."
Brynhildr kvað:
- 3.
- "Bregðu eigi mér,
- brúðr ór steini,
- þótt ek værak
- í víkingu;
- ek mun okkur
- æðri þykkja,
- hvars menn eðli
- okkart kunna."
Gýgrin kvað:
- 4.
- "Þú vart, Brynhildr
- Buðla dóttir,
- heilli verstu
- í heim borin;
- þú hefir Gjúka
- of glatat börnum
- ok búi þeira
- brugðit góðu."
Brynhildr kvað:
- 5.
- "Ek mun segja þér
- svinn ór reiðu
- vitlaussi mjök,
- ef þik vita lystir,
- hvé gerðu mik
- Gjúka arfar
- ástalausa
- ok eiðrofa.
- 6.
- Hétu mik allir
- í Hlymdölum
- Hildi undir hjalmi
- hverr er kunni.
- 7.
- Annar hét Agnarr,
- Auðu bróðir,
- er véttr engi
- vildi týja.
- 8.
- Lét hami vára
- hugfullr konungr
- átta systra
- undir eik borit;
- var ek vetra tolf,
- ef þik vita lystir,
- er ek ungum gram
- eiða seldak.
- 9.
- Þá lét ek gamlan
- á Goðþjóðu
- Hjalmgunnar næst
- heljar ganga;
- gaf ek ungum sigr
- Auðu bróður;
- þar varð mér Óðinn
- ofreiðr of þat.
- 10.
- Lauk hann mik skjöldum
- í Skatalundi
- rauðum ok hvítum,
- randir snurtu;
- þann bað hann slíta
- svefni mínum,
- er hvergi lands
- hræðask kynni.
- 11.
- Lét hann um sal minn
- sunnanverðan
- hávan brenna
- her alls viðar;
- þar bað hann einn þegn
- yfir at ríða,
- þanns mér færði gull,
- þats und Fáfni lá.
- 12.
- Reið góðr Grana
- gullmiðlandi,
- þars fóstri minn
- fletjum stýrði;
- einn þótti hann þar
- öllum betri
- víkingr Dana
- í verðungu.
- 13.
- Sváfu við ok unðum
- í sæing einni,
- sem hann minn bróðir
- of borinn væri;
- hvárki knátti
- hönd yfir annat
- átta nóttum
- okkart leggja.
- 14.
- Því brá mér Guðrún
- Gjúka dóttir,
- at ek Sigurði
- svæfak á armi,
- þar varð ek þess vís,
- er ek vildig-a-k,
- at þau véltu mik
- í verfangi.
- 15.
- Munu við ofstríð
- alls til lengi
- konur ok karlar
- kvikvir fæðask;
- við skulum okkrum
- aldri slíta
- Sigurðr saman.
- Sökkstu, gýgjar kyn."