Maríu jartegnir - Af presti einvm i Danmork

Fra heimskringla.no
Revisjon per 1. okt. 2021 kl. 07:55 av August (diskusjon | bidrag)
(diff) ← Eldre revisjon | Nåværende revisjon (diff) | Nyere revisjon → (diff)
Hopp til navigering Hopp til søk
Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif Dansk.gif


Noen spesialtegn vises ikke på iPhone/iPad.


Maríu jartegnir


(Af presti einvm i Danmork)


C. R. UNGER

Christiania 1871


A


Sꜳ atbvrðr giorðiz svðr i Danmork Mariv messv dag hinn fyrra, at einn virðvligr prestr savng messv. En þat var i þann tima svmars er svðr i lavnd erv eitrkvikendi þav er kav(n)gvrvavor heita. Ok þꜳ er sva var komit messvnni er prestr hellt upp forninni en siðan kalekinvm, þꜳ fell kavngvrvofva ein fvll af eitri i kalekinn. Prestr þotti mikil hættvng ꜳ at bergia forninni, með þvi at hann vissi at eitr var j, ok var ok ofvss at fara með avðrv visi en honvm semði. Skytr siþan avllv sinv mali þangat er almattigr gvð er, ok þangat er drottning var himins ok iarðar gvðs moðir Maria, ok hefvir þangat allt sitt travst, at hvn mvn honvm hialpa með gvðs miskvnn, ok legr ꜳ þꜳ hættv, at hann bergir avllv saman, ok bregðr honvm engan veg við. Lavk siðan tiðvm ok for til matar. En aðr hann tæki til matarins, þꜳ kleyiaði honum hinn minnzti fingr ꜳ hinni hægri hendi framanverðr. þvi næst kom þar vpp bola ok þꜳ blaðra, þꜳ spreingði hann blavðrvna, ok for þar v́tt kavngvrvafvan, ok var þꜳ eptir drogir eitrsinns i holldinv, ok hin sæla Maria let prestinvm ecki mein at verða, ok lofvðv allir gvð ok sæla Mariam fyrir iartegnn þessa. Þessa iartegnn var Pall byskup vannr at segia, þar sem hann var stadr Mꜳriv messv hina fyrri, en hann kvat segia ser Absalon erkibyskvp, en prestr sꜳ sagði honvm, er gior var við iartegnin. En litlu aðr hafði orðit en hann færi til vigslv.