Anhang II (Gammel norsk Homiliebog)

Fra heimskringla.no
Hopp til: navigasjon, søk
Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif


For at alle norrøne tegn som blir brukt i denne artikkelen skal vises korrekt må du ha fonttypen OldNordicTimes installert på din PC eller Mac. OldNordicTimes skal lagres i Fonts i Windows eller installeres i fontboken i Mac OS.


Gammel norsk Homiliebog


Anhang II


indeholdende bogstavret Aftryk af det Blad i Cd. Arn. Magn. 237 fol., hvorefter Lacunen ovenfor S. 18113-18324 er udfyldt.


. . . . es mer hafþe vitrazk[1]. Þa com annarr engell á mót hǫ́nom, oc mǽlte viþ hann. Renn þu aftr oc seg sveine þessom at eyþasc mon iorsalaborg. En allz þat es víst at englar senda engla til manna. þa es eigi einsýnt at sa engell es isaia spamanne vitraþesc vǽre hęlldr einn af logǫndum. an sendr af þeim ýr 8þro fýlke. En þo vas hann maclega callaþr einn af logǫndom. þviat hann framþe þeirra ęmbǽtte þa es hann bra ęlde á varrar spamannz. oc brende synþer af munne hans. Sva sem englar mego engla senda. þa mego oc sva þeir englar es sender ero. taca nǫmfn af hinom es þa sendo. ef þeir fremia hinna þionosto. þo at þeir se ýr 8þro fylke sender. Þat sannar oc daniel spamaþr at fę́re se englar sender í heim. en fleíre loue goþ á himnom. þviat hann qvad sva at orþe. þusund þusunda þionaþe goþe. oc tio þusundom sinna hundraþ þusunda stoþo fyr hǫ́nom. Annat es at þiona goþe. en annat es standa fyr goþe. þeir þiona goþe. es fara þangat es hann sender þa. en þeir standa fyr goþe es hverge hefiasc fra auglite hans. oc of valt ero staþfaster i navisto hans. Þusund þusunda þionaþe hǫnom. en tio þusundom sinna hundraþ þusunda stoþo fyr h8nom þuiat fę́re ero sender hingat í heim at fremia goþs þionosto. en fleire standa of valt i auglite hans a himne. En þeir es sender ero coma hingat i heim til syslo sinnar. en þo missa þeir aldrege goþs dyrþar fyr augom sér. þviat goþdóms mǫ́ttr es allr i 8llom stǫþom. oc mego af þvi hverge þess sender vesa es eigi haue þeir goþ fyr augom sér þo at þeir sé í einom staþ sénn. En eigi es englom dvǫl at fǫr sinne. þviat þeir fara á eino augabragþe [i] miþle himens oc iarþar. sva skiot[t] sem maþr má renna hug sinom. Oc f[r]emia þeir syslo sina ósýnelega sv[a] sem (þeir) ero sialuer ósýneleger. En þo [m]ego englar vitrasc mǫnnom syneleg[a] þa es þeir vilia vocǫndom eþa souǫndom i necqverre licamlegre asióno þeirre es þeir taca i lofte. oc eyþesc sú asióna í lofte þa es þeir fara til himens. En til þess vitrasc englar sýnelega stundom. at vér scylem trua ósýnelegom crafte þeirra. þviat til þess geórasc allar synelegar iarteiner. at ver truem ósýnelegom. En allz ver hǫlldom idag hǫtiþ þa es Michael engell vitraþe at halda scylde. þa scolom ver reóþa necqvat scyrra of dýrþ þessa engels at ver vitem hvert ver eigom traust under hǫnom ef ver viliom calla a hann oss til arnaþarorþs. þviat helgar ritningar segia hann a margar lunder af goþe umb fram of aþra engla vegsamaþan oc settan h8fþingia annarra engla. Sia engell heuer offt vittrazk spamonnom. oc synda þeim ó orþna hlute. oc þægþar beoner þeirra fyr goþe. sva sem hann mǽlte sialfr viþ daniel spamann. Ec em sa engell. es feórer beóner yþrar goþe. Þessa engels dyrþ sa ioan i himna syn sinne. oc mę́lte. Engell stóþ hia altare oc hafþe gollect røykelsesker i hende. oc vas hǫnom sellt mart reykelse. þat ero beóner heilagra. at hann geórþe dýrlegan ilm fyr gollego altare. þat es fyr auglite goþs. Af þui scolom ver offt calla engla goþs til fulltíngs oss. þuiat þeir þęgia beóner oc efla oss a sino arnaþarorþe. Sia engell Michael es settr h8fþinge paradisar. oc heuer hann vellde yuer allar ander réttlátra. at leipa þǽr i paradisum fra quolom. Af þvi es goþ beþenn i hveriom liesǫ́ngue. at hann sende Michaelem engel amót ǫndom manna. at leiþa þǽr til friþar fra vellde di8fla. Af þvi scolom ver at hyllasc þenna engel í beónom. oc í góþgeorningom. at hann sę́tte ander órar viþ goþ meþ sino fulltinge. Sia engell scal coma a enom efstom dagom amót antacriste. oc drepa hann meþ elldingo. oc fyr fara vellde hans. þvi es hann hafþe aþr i gegn goþs vinom. Af þvi biþiom ver þenna engel goþs at hann arne oss sigrs af goþe i gegn ovinom órom. oc stoþve fiandr óra synelega oc osynelega. Af þvi es oss nauþsyn at dyrca helga engla i beonom órom. oc calla á þá til fulltíngs i allre freistne várre. þviat ver megom eongo goþs of afla. ne yuer freistne stiga 8n goþs crafte. oc engla fulltinge. Varþhallz engell es sendr hveriom manne til fulltings þa es hann es skirþr. sa es mannenn efle til goþra hluta og hliue viþ illo. En es maþrenn vycr efter teygingo fiándans. oc geórer synþer. þa hverfr fra hǫnom varþhallz engell óglaþr. en engell andscotans keomr í staþ hans. sa es mannenn fyser of vallt til synþa. oc til galeyses. En ef goþs miscunn gefr mannenom at iþrasc synþa af 8llo hiarta. þa keomr aftr varþhallz engell til þess mannz fagnande. oc recr braut fra hǫnom andscota engel þann es hann hafþe tældan. oc efler hann mannenn i annat sinn til endr bótar lífs. En af þvi vitroþosc forþom synelega varþ hallz englar helgom feþrom oc spamǫnnom. at ver scylem þvi trua. at oss fylgia oc varþhallz englar. slict et sama sem þeim. ef ver viliom efter þeirra deómom liua. Rennom ver oc þa oft hug órom til himnescra fagnaþa. oc fysomsc af 8llom hug til engla dyrþar. en minnomsc þo at ver erom molld oc asca. oc hreinsom oss í tára brunne af synþa saHre. Sa es litet lán heuer. þione hann trulega goþe i litlo lane. oc geue 8þrom góþ deóme sinna verca. at hann se maclegr eorendreche goþs. Sa es mikit lán heuer. vese hann ǫrr viþ n8nga sína af miclo lane at hann mege verþa h8uoþ 8rr goþs. Synom ver góþ systken n8ngom órom crafta verc oc veitom upphalld ostyrkiom meþ várcunn. at ver fyllem liþ himnescra crafta. Stǫndom ver hraustlega i gegn freistne fiánda oc h8fom allt costgæue til þess at firra[2] n8nga ora synþom. at ver megem likiasc velldes englom. hreinsom ver hiǫrto ór. af onytom hugrenningom. sva at eigi at eins lęiþrettesc vander menn af órom deómom. hęlldr batne oc góþer. at ver verþem gliker h8fþingiom oc drottnom. H8lldom ver iamfngirne í 8llom hlutom. oc vesom . . . .




Fotnoter:

  1. Bogstavet z har i dette Ord og flere Gange senere en eiendommelig Form: ligesom et c, til hvis øvre Kant der er føiet et s.
  2. frira Cd.