Háttatal (Carmina Scaldica)

Fra heimskringla.no
Hopp til: navigasjon, søk
Har du husket å støtte opp om ditt favoritt kulturprosjekt? → Bli en Heimskringla-venn og gi et bidrag til Heimskringla.no.

Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif Dansk.gif
Original.gif


Carmina Scaldica


Udvalg af norske og islandske skjaldekvad ved Finnur Jónsson
G.E.C. Gads Forlag - København 1929


Snorri Sturlason
Háttatal


68.
Fremstr vas Skúli.
Skala lof dvala,
semk mildum gram
mœrð fjölsnœrða.
Meirr skalk stœri
styrs hróðr fyrir
(kærr vask harra)
hers gnótt bera.

69.
Kunn bjók kvæði
konungs bróður þjóð
(þann veitk þengil)
þrenn (fjölmennan).
Framm skal hin fjórða
fólkglaðs vaða
ljóselds lagar
lofun friðrofa.

70.
Mitt es of mœti
mart lag bragar
áðr ókveðit
oddbraks spakan;
hlýtr grams geta
greppr óhneppra
skýrr skrautfara.
Skjöldunga ungr.

95.
Munðak mildingi,
þás Mœra hilmi
fluttak fjogur kvæði,
fimtán stórgjafar.
Hvar viti áðr orta
með œðra hætti
mærð of menglötuð
maðr und himins skautum?

96.
Ort 's of ræsi,
þanns rýðr granar
vargs ok ylgjar
ok vápn litar;
þat mun æ lifa,
nema öld farisk,
bragninga lof,
eða bili heimar.

97.
Lyptak ljósu
lofi þjóðkonungs;
upp es fyr ýta
jarls mærð borin;
hverr myni heyra
hróðr gjöflata
seggr svá kveðinn
seims ok hnossa.

98.
Veitk verðari
þás vell gefa,
bröndum beita
ok búa snekkjur,
hæra hróðrar
en heimdrega,
unga jöfra,
en auðspöruð.

99.
Þeir ró jöfrar
alvitrastir,
hringum hæstir,
hugrakkastir,
vellum verstir,
vígdjarfastir,
hirð hollastir,
happi næstir.

100.
Gløggva grein
hefk gört til bragar,
svá es tírœtt hundrað talit;
hróðrs ørverðr
skala maðr heitinn vesa,
ef svá fær alla háttu ort.

101.
Sóttak fremð,
sóttak fund konungs,
sóttak ítran jarl,
þás ek reist,
þás ek renna gat
kaldan straum kili,
kaldan sjá kili.

102.
Njóti aldrs
ok auðsala
konungr ok jarl,
þat es kvæðis lok.
Falli fyrr
fold í ægi,
steini studd,
en stillis lof.


HEIMSKRINGLA er et privat initiativ. Prosjektet mottar ikke noen form for offentlig støtte. Vi har kun utgifter og ingen faste inntekter. Kostnader til teknisk drift og utstyr bæres av privatpersoner. Alle økonomiske bidrag mottas derfor med stor takk. Ønsker du eller ditt foretak å støtte prosjektet økonomisk? Ta gjerne kontakt med oss, eller bruk vårt norske kontonummer 97105024499. Du kan også støtte oss via vårt Vipps-nummer 78431. For utenlandske bidrag bruk vårt IBAN-nummer NO6897105024499, med SWIFT-kode: DNBANOKK eller SEPA-kode: SKIANOBB. En kan også overføre penger til HEIMSKRINGLA via PayPal eller vippse via mobilen til 78431. Vi selger også fast annonseplass på venstre sidemeny til rimelig pris. Alle bidragsytere krediteres med navn for sine bidrag.