Hárbarðsljóð - Revisjonshistorikk

Carsten på 5. jul. 2022 kl. 05:43

2022-07-05T05:43:08Z

Carsten på 17. jan. 2019 kl. 08:20

2019-01-17T08:20:36Z

Jesper på 22. apr. 2014 kl. 17:15

2014-04-22T17:15:06Z

Carsten på 16. mar. 2014 kl. 16:37

2014-03-16T16:37:52Z

Jesper på 4. jan. 2014 kl. 10:26

2014-01-04T10:26:01Z

JJ.Sandal på 22. des. 2013 kl. 18:17

2013-12-22T18:17:46Z

Vis endringer

Jesper på 16. jan. 2013 kl. 07:21

2013-01-16T07:21:50Z

Jesper på 16. jan. 2013 kl. 07:17

2013-01-16T07:17:25Z

JJ.Sandal: Hárbarðsljóð

2013-01-12T07:55:28Z

Hárbarðsljóð

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes i flere utgaver på følgende språk ► !! [[Fil:Original.gif|32px|link=Hárbarðsljóð]] !! !! [[Fil:Norsk.gif|32px|link=Hårbardsljod]] !! [[Fil:Dansk.gif|32px|link=Sangen om Harbard]] !! [[Fil:Svensk.gif|32px|link=Sången om Harbard]] !! [[Fil:Faeroysk.gif|32px|link=Hárbarðsljóð (á føroyskum)]]
|-
! !! !! !! [[Fil:Norsk.gif|32px|link=Hårbardskvadet]] !! [[Fil:Dansk.gif|32px|link=Sangen om Hárbard]] !! [[Fil:Svensk.gif|32px|link=Harbardssången (NFS)]] !!
|-
! !! !! !! [[Fil:Norsk.gif|32px|link=Haarbardskvad (Hárbarþsljóþ)]] !! [[Fil:Dansk.gif|32px|link=Harbard og Tor]] !![[Fil:Svensk.gif|32px|link=Sången om Hårbard (PAG)]] !!
|-
! !! !! !! !! [[Fil:Dansk.gif|32px|link=Sangen om Harbard (Olaf Hansen)]] !! [[Fil:Svensk.gif|32px|link=Harbards sång (AAA)]] !!
|-
! !! !! !! !! [[Fil:Dansk.gif|32px|link=Hårbardsvise (C. A. E. Jessen)]] !! !!
|-
! !! !! !! !! [[Fil:Dansk.gif|32px|link=Sangen om Haarbard (F.W.Horn)]] !! !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson|GUÐNI JÓNSSON]] bjó til prentunar

<big>'''Hárbarðsljóð'''</big></center>

Þórr fór ór Austrvegi ok kom at sundi einu. Öðrum megin sundsins var ferjukarlinn með skipit. Þórr kallaði:

<blockquote>
1.
 "Hverr er sá sveinn sveina,
 er stendr fyr sundit handan?"
</blockquote>

Ferjukarlinn kvað:

<blockquote>
2.
 "Hverr er sá karl karla,
 er kallar of váginn?"
</blockquote>

Þórr kvað:

<blockquote>
3.
 "Fer þú mik um sundit,
 fæði ek þik á morgun;
 meis hef ek á baki,
 verðr-a matr in betri;
 át ek í hvíld,
 áðr ek heiman fór,
 síldr ok hafra;
 saðr em ek enn þess."
</blockquote>

Ferjukarlinn kvað:

<blockquote>
4.
 "Árligum verkum
 hrósar þú, verðinum;
 veizt-at-tu fyrir görla,
 döpr eru þín heimkynni,
 dauð, hygg ek, at þín móðir sé."
</blockquote>

Þórr kvað:

<blockquote>
5.
 "Þat segir þú nú,
 er hverjum þykkir
 mest at vita,
 at mín móðir dauð sé."
</blockquote>

Ferjukarlinn kvað:

<blockquote>
6.
 "Þeygi er sem þú
 þrjú bú góð eigir;
 berbeinn þú stendr
 ok hefr brautinga gervi,
 þatki, at þú hafir brækr þínar."
</blockquote>

Þórr kvað:

<blockquote>
7.
 "Stýrðu hingat eikjunni,
 ek mun þér stöðna kenna, -
 eða hverr á skipit,
 er þú heldr við landit?"
</blockquote>

Ferjukarlinn kvað:

<blockquote>
8.
 "Hildolfr sá heitir,
 er mik halda bað,
 rekkr inn ráðsvinni,
 er býr í Ráðseyjarsundi;
 bað-at hann hlennimenn flytja
 eða hrossaþjófa,
 góða eina
 ok þá, er ek görva kunna;
 segðu til nafns þíns,
 ef þú vill um sundit fara!"
</blockquote>

Þórr kvað:

<blockquote>
9.
 "Segja mun ek til nafns míns,
 þótt ek sekr séak,
 ok til alls eðlis:
 Ek em Óðins sonr,
 Meila bróðir,
 en Magna faðir,
 þrúðvaldr goða,
 við Þór knáttu hér dæma!
 Hins vil ek nú spyrja,
 hvat þú heitir."
</blockquote>

Ferjukarlinn kvað:

<blockquote>
10.
 "Hárbarðr ek heiti,
 hylk um nafn sjaldan."</blockquote>

Þórr kvað:

<blockquote>11.
 "Hvat skaltu of nafn hylja,
 nema þú sakar eigir?"
</blockquote>

Hárbarðr kvað:

<blockquote>
12.
 "En þótt ek sakar eiga,
 þá mun ek forða fjörvi mínu
 fyr slíkum sem þú ert,
 nema ek feigr sé."
</blockquote>

Þórr kvað:

<blockquote>
13.
 "Harm ljótan
 mér þykkir í því
 at vaða um váginn til þín
 ok væta ögur minn;
 skylda ek launa
 kögursveini þínum
 kanginyrði,
 ef ek kæmumk yfir sundit."
</blockquote>

Hárbarðr kvað:

<blockquote>
14.
 "Hér mun ek standa

 ok þín heðan bíða;
 fannt-a þú mann in harðara
 at Hrungni dauðan."
</blockquote>

Þórr kvað:

<blockquote>
15.
 "Hins viltu nú geta,
 er vit Hrungnir deildum,
 sá inn stórúðgi jötunn,
 er ór steini var höfuðit á;
 þó lét ek hann falla
 ok fyrir hníga.
 Hvat vanntu þá meðan, Hárbarðr?"
</blockquote>

Hárbarðr kvað:

<blockquote>
16.
 "Var ek með Fjölvari
 fimm vetr alla
 í ey þeiri,
 er Algræn heitir;
 vega vér þar knáttum
 ok val fella,
 margs at freista,
 mans at kosta."
</blockquote>

Þórr kvað:

<blockquote>17.
 "Hversu snúnuðu yðr konur yðrar?"
</blockquote>

Hárbarðr kvað:

<blockquote>
18.
 "Sparkar áttu vér konur,
 ef oss at spökum yrði;
 horskar áttu vér konur,
 ef oss hollar væri;
 þær ór sandi
 síma undu,
 ok ór dali djúpum
 grund of grófu;
 varð ek þeim einn öllum
 efri at ráðum;
 hvílda ek hjá þeim systrum sjau,
 ok hafða ek geð þeira allt ok gaman.
 Hvat vanntu þá meðan, Þórr?"
</blockquote>

Þórr kvað:

<blockquote>
19.
 "Ek drap Þjaza,
 inn þrúðmóðga jötun,
 upp ek varp augum
 Alvalda sonar
 á þann inn heiða himin;
 þau eru merki mest
 minna verka,
 þau er allir menn síðan of séa.
 Hvat vanntu þá meðan, Hárbarðr?"
</blockquote>

Hárbarðr kvað:

<blockquote>
20.
 "Miklar manvélar
 ek hafða við myrkriður,
 þá er ek vélta þær frá verum;
 harðan jötun
 ek hugða Hlébarð vera,
 gaf hann mér gambantein,
 en ek vélta hann ór viti."
</blockquote>

Þórr kvað:

<blockquote>
21.
 "Illum huga
 launaðir þú þá góðar gjafar."
</blockquote>

Hárbarðr kvað:

<blockquote>
22.
 "Þat hefr eik,
 er af annarri skefr,
 of sik er hverr í slíku.
 Hvat vanntu þá meðan Þórr?"
</blockquote>

Þórr kvað:

<blockquote>
23.
 "Ek var austr
 ok jötna barðak
 brúðir bölvísar,
 er til bjargs gengu;
 mikil myndi ætt jötna,
 ef allir lifði
 vætr myndi manna
 undir Miðgarði.
 Hvat vanntu þá meðan, Hárbarðr?"
</blockquote>

Hárbarðr kvað:

<blockquote>
24.
 "Var ek á Vallandi
 ok vígum fylgdak,
 atta ek jöfrum,
 en aldri sættak;
 Óðinn á jarla,
 þá er í val falla,
 en Þórr á þrælakyn."
</blockquote>

Þórr kvað:

<blockquote>
25.
 "Ójafnt skipta
 er þú myndir með ásum liði,
 ef þú ættir vilgi mikils vald."
</blockquote>

Hárbarðr kvað:

<blockquote>
26.
 "Þórr á afl ærit,
 en ekki hjarta;
 af hræðslu ok hugbleyði
 þér var í hanzka troðit,
 ok þóttisk-a þú þá Þórr vera;
 hvárki þú þá þorðir
 fyr hræðslu þinni
 hnjósa né físa,
 svá at Fjalarr heyrði."
</blockquote>

Þórr kvað:

<blockquote>
27.
 "Hárbarðr inn ragi,
 ek mynda þik í hel drepa,
 ef ek mætta seilask um sund."
</blockquote>

Hárbarðr kvað:

<blockquote>
28.
 "Hvat skyldir um sund seilask,
 er sakir ro alls engar?
 Hvat vanntu þá, Þórr?"
</blockquote>

Þórr kvað:

<blockquote>
29.
 "Ek var austr
 ok ána varðak,
 þá er mik sóttu
 þeir Svárangs synir;
 grjóti þeir mik börðu,
 gagni urðu þeir þó lítt fegnir,
 þó urðu þeir mik fyrri
 friðar at biðja.
 Hvat vanntu þá meðan, Hárbarðr?"
</blockquote>

Hárbarðr kvað:

<blockquote>
30.
 "Ek var austr
 ok við einhverja dæmðak,
 lék ek við ina línhvítu
 ok launþing háðak;
 gladdak ina gullbjörtu,
 gamni mær unði."
</blockquote>

Þórr kvað:

<blockquote>
31.
 "Góð átt þú þér mankynni þar þá."
</blockquote>

Hárbarðr kvað:

<blockquote>
32.
 "Liðs þíns
 væra ek þá þurfi, Þórr,
 at ek helda þeiri inni línhvítu mey."
</blockquote>

Þórr kvað:

<blockquote>
33.
 "Ek munda þér þá þat veita,
 ef ek viðr of kæmumk."
</blockquote>

Hárbarðr kvað:

<blockquote>
34.
 "Ek mynda þér þá trúa,
 nema þú mik í tryggð véltir."
</blockquote>

Þórr kvað:

<blockquote>
35.
 "Emk-at ek sá hælbítr
 sem húðskór forn á vár."
</blockquote>

Hárbarðr kvað:

<blockquote>
36.
 "Hvat vanntu þá meðan, Þórr?"
</blockquote>

Þórr kvað:

<blockquote>
37.
 "Brúðir berserkja
 barðak í Hléseyju;
 þær höfðu verst unnit,
 vélta þjóð alla."
</blockquote>

Hárbarðr kvað:

<blockquote>
38.
 "Klæki vanntu þá, Þórr,
 er þú á konum barðir."
</blockquote>

Þórr kvað:

<blockquote>
39.
 "Vargynjur þat váru,
 en varla konur,
 skelldu skip mitt,
 er ek skorðat hafðak,
 ægðu mér járnlurki
 en eltu Þjalfa.
 Hvat vanntu meðan, Hárbarðr?"
</blockquote>

Hárbarðr kvað:

<blockquote>
40.
 "Ek vark í hernum,
 er hingat gerðisk
 gnæfa gunnfana,
 geir at rjóða."
</blockquote>

Þórr kvað:

<blockquote>
41.
 "Þess viltu nú geta,
 er þú fórt oss óljúfan at bjóða."
</blockquote>

Hárbarðr kvað:

<blockquote>
42.
 "Bæta skal þér þat þá
 munda baugi,
 sem jafnendr unnu,
 þeir er okkr vilja sætta."
</blockquote>

Þórr kvað:

<blockquote>
43.
 "Hvar namtu þessi
 in hnæfiligu orð,

 er ek heyrða aldregi
 in hnæfiligri?"
</blockquote>

Hárbarðr kvað:

<blockquote>
44.
 "Nam ek at mönnum
 þeim inum aldrænum,
 er búa í heimis skógum."
</blockquote>

Þórr kvað:

<blockquote>
45.
 "Þó gefr þú gott nafn dysjum,
 er þú kallar þær heimis skóga."
</blockquote>

Hárbarðr kvað:

<blockquote>
46.
 "Svá dæmi ek of slíkt far."
</blockquote>

Þórr kvað:

<blockquote>
47.
 "Orðkringi þín
 mun þér illa koma,
 ef ek ræð á vág at vaða;
 ulfi hæra
 hygg ek þik æpa munu,
 ef þú hlýtr af hamri högg."
</blockquote>

Hárbarðr kvað:

<blockquote>
48.
 "Sif á hó heima,
 hans muntu fund vilja,
 þann muntu þrek drýgja,
 þat er þér skyldara."
</blockquote>

Þórr kvað:

<blockquote>
49.
 "Mælir þú at munns ráði,
 svá at mér skyldi verst þykkja,
 halr inn hugblauði,
 hygg ek, at þú ljúgir."
</blockquote>

Hárbarðr kvað:

<blockquote>
50.
 "Satt hygg ek mik segja;
 seinn ertu at för þinni,
 langt myndir þú nú kominn, Þórr,
 ef þú litum færir."
</blockquote>

Þórr kvað:

<blockquote>
51.
 "Hárbarðr inn ragi,
 heldr hefr þú nú mik dvalðan."
</blockquote>

Hárbarðr kvað:

<blockquote>
52.
 "Ása-þórs hugða ek
 aldregi mundu
 glepja féhirði farar."
</blockquote>

Þórr kvað:

<blockquote>
53.
 "Ráð mun ek þér nú ráða;
 ró þú hingat bátinum,
 hættum hætingi,
 hittu föður Magna."
</blockquote>

Hárbarðr kvað:

<blockquote>
54.
 "Farðu firr sundi,
 þér skal fars synja."
</blockquote>

Þórr kvað:

<blockquote>
55.
 "Vísa þú mér nú leiðina,
 alls þú vill mik eigi um váginn ferja."
</blockquote>

Hárbarðr kvað:

<blockquote>
56.
 Lítit er at synja,
 langt er at fara;
 stund er til stokksins,
 önnur til steinsins,
 haltu svá til vinstra vegsins,
 unz þú hittir Verland;
 þar mun Fjörgyn
 hitta Þór, son sinn,
 ok mun hon kenna hánum áttunga brautir
 til Óðins landa."
</blockquote>

Þórr kvað:

<blockquote>
57.
 "Mun ek taka þangat í dag?"
</blockquote>

Hárbarðr kvað:

<blockquote>
58.
 "Taka við víl ok erfiði,
 at upprennandi sólu,
 er ek get þána."
</blockquote>

Þórr kvað:

<blockquote>
59.
 "Skammt mun nú mál okkat,
 alls þú mér skætingu einni svarar;
 launa mun ek þér farsynjun,
 ef vit finnumk í sinn annat."
</blockquote>

Hárbarðr kvað:

<blockquote>
60.
 "Far þú nú,
 þars þik hafi allan gramir."
</blockquote>

{{DEFAULTSORT:Harbardsljod}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 5: / Linje 5: @@
 ! Denne teksten finnes i flere utgaver på følgende språk ► !! [[Fil:Original.gif|32px|link=Hárbarðsljóð]] !!  !! [[Fil:Norsk.gif|32px|link=Hårbardsljod]] !! [[Fil:Dansk.gif|32px|link=Sangen om Harbard]] !! [[Fil:Svensk.gif|32px|link=Sången om Harbard]] !! [[Fil:Faeroysk.gif|32px|link=Hárbarðsljóð (á føroyskum)]]
 |-
-!  !!  !!  !! [[Fil:Norsk.gif|32px|link=Haarbardskvad (Hárbarþsljóþ)]] !! [[Fil:Dansk.gif|32px|link=Sangen om Hárbard]] !! [[Fil:Svensk.gif|32px|link=Harbardssången (NFS)]] !!
+!  !! [[Fil:Original.gif|32px|link=Hárbarðsljóð (FJ)]] !!  !! [[Fil:Norsk.gif|32px|link=Haarbardskvad (Hárbarþsljóþ)]] !! [[Fil:Dansk.gif|32px|link=Sangen om Hárbard]] !! [[Fil:Svensk.gif|32px|link=Harbardssången (NFS)]] !!
 |-
 !  !!  !!  !!  !! [[Fil:Dansk.gif|32px|link=Harbard og Tor]] !![[Fil:Svensk.gif|32px|link=Sången om Hårbard (PAG)]] !!

@@ Linje 120: / Linje 120: @@
 ::10.
 ::"Hárbarðr ek heiti,
-::hylk um nafn sjaldan."::&nbsp;
+::hylk um nafn sjaldan."
 Þórr kvað:

@@ Linje 11: / Linje 11: @@
 !  !!  !!  !!  !! [[Fil:Dansk.gif|32px|link=Sangen om Harbard (Olaf Hansen)]] !! [[Fil:Svensk.gif|32px|link=Harbards sång (AAA)]] !!
 |-
-!  !!  !!  !!  !! [[Fil:Dansk.gif|32px|link=Hårbardsvise (C. A. E. Jessen)]] !!  !!
+!  !!  !!  !!  !! [[Fil:Dansk.gif|32px|link=Hårbardsvise (C. A. E. Jessen)]] !! [[Fil:Svensk.gif|32px|link=Sången om Harbard (KL)]] !!
 |-
 !  !!  !!  !!  !! [[Fil:Dansk.gif|32px|link=Sangen om Haarbard (F.W.Horn)]] !!  !!

@@ Linje 18: / Linje 18: @@
 |-
 !  !!  !!  !!  !! [[Fil:Dansk.gif|32px|link=Harbards Sang (B.C.Sandvig)]] !! !!
 |-
 |}

@@ Linje 16: / Linje 16: @@
 |-
 !  !!  !!  !!  !! [[Fil:Dansk.gif|32px|link=Harbards-Ljod (FM)]] !!  !!
 |-
 |}