Helgakviða Hundingsbana I - Revisjonshistorikk

Carsten på 7. jul. 2022 kl. 09:04

2022-07-07T09:04:10Z

Carsten på 19. jan. 2019 kl. 17:25

2019-01-19T17:25:19Z

Jesper på 5. feb. 2017 kl. 14:28

2017-02-05T14:28:56Z

Jesper på 12. des. 2015 kl. 16:45

2015-12-12T16:45:43Z

JJ.Sandal på 22. des. 2013 kl. 17:36

2013-12-22T17:36:42Z

Vis endringer

Carsten på 10. sep. 2013 kl. 14:31

2013-09-10T14:31:20Z

Iwan på 1. feb. 2013 kl. 08:59

2013-02-01T08:59:24Z

JJ.Sandal: Helgakviða Hundingsbana I

2013-01-12T08:42:19Z

Helgakviða Hundingsbana I

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes i flere utgaver på følgende språk ► !! [[Fil:Original.gif|32px|link=Helgakviða Hundingsbana I]] !! !! [[Fil:Norsk.gif|32px|link=Fyrste kvædet um Helge Hundingsbane]] !! [[Fil:Dansk.gif|32px|link=Förste Sang om Helge Hundingsbane]] !! [[Fil:Svensk.gif|32px|link=Första kvädet om Helge Hundingsbane]] !!
|-
! !! !! !! [[Fil:Norsk.gif|32px|link=Kvæde om Helge Hundingsbane I. (Helga kviþa Hundingsbana þeirra ok Hǫþbrodds)]] !! [[Fil:Dansk.gif|32px|link= Kvadet om Helge Hundingsbane og Hødbrodd (Olaf Hansen)]] !! [[Fil:Svensk.gif|32px|link=Första kvädet om Helge Hundingsbane (NFS)]] !!
|-
! !! !! !! [[Fil:Norsk.gif|32px|link=Kvadene om Helge Hundingsbane (JJA)]] !! !! [[Fil:Svensk.gif|32px|link=Första kvädet om Hälge Hundingsbane (PAG)]] !!
|-
! !! !! !! !! !! [[Fil:Svensk.gif|32px|link=Qvädet I. om Helge Hundingsbana (AAA)]] !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson|GUÐNI JÓNSSON]] bjó til prentunar

<big>'''Helgakviða Hundingsbana I'''</big></center>

Hér hefr upp kvæði frá Helga Hundingsbana ok þeira Höðbrodds.

<blockquote>
1.
 Ár var alda,
 þat er arar gullu,
 hnigu heilög vötn
 af Himinfjöllum;
 þá hafði Helga
 inn hugumstóra
 Borghildr borit
 í Brálundi.

 2.
 Nótt varð í bæ,
 nornir kómu,
 þær er öðlingi
 aldr of skópu;
 þann báðu fylki
 frægstan verða
 ok buðlunga
 beztan þykkja.

 3.
 Sneru þær af afli
 örlögþáttu,
 þá er borgir braut
 í Bráluni;
 þær of greiddu
 gullin símu
 ok und mánasal
 miðjan festu.

 4.
 Þær austr ok vestr
 enda fálu,
 þar átti lofðungr
 land á milli;
 brá nift Nera
 á norðrvega
 einni festi,
 ey bað hon halda.

 5.
 Eitt var at angri
 Ylfinga nið
 ok þeiri meyju,
 er munúð fæddi;
 hrafn kvað at hrafni,
 - sat á hám meiði
 andvanr átu -:
 "ek veit nökkut.

 6.
 Stendr í brynju
 burr Sigmundar
 dægrs eins gamall,
 nú er dagr kominn;
 hvessir augu
 sem hildingar,
 sá er varga vinr,
 vit skulum teitir."

 7.
 Drótt þótti sá
 döglingr vera,
 kváðu með gumnum
 góð ár komin;
 sjalfr gekk vísi
 ór vígþrimu
 ungum færa
 ítrlauk grami.

 8.
 Gaf hann Helga nafn
 ok Hringstaði,
 Sólfjöll, Snæfjöll
 ok Sigarsvöllu,
 Hringstöð, Hátún
 ok Himinvanga,
 blóðorm búinn
 bræðr Sinfjötla.

 9.
 Þá nam at vaxa
 fyr vina brjósti
 almr ítrborinn
 ynðis ljóma;
 hann galt ok gaf
 gull verðungu,
 sparði eigi hilmir
 hodd blóðrækinn.

 10.
 Skammt lét vísi
 vígs at bíða;
 þá er fylkir var
 fimmtán vetra,
 ok hann harðan lét
 Hunding veginn
 þann er lengi réð
 löndum ok þegnum.

 11.
 Kvöddu síðan
 Sigmundar bur
 auðs ok hringa
 Hundings synir,
 því at þeir áttu
 jöfri at gjalda
 fjárnám mikit
 ok föður dauða.

 12.
 Lét-at buðlungr
 bótir uppi
 né niðja in heldr
 nefgjöld fáa;
 ván kvað hann mundu
 veðrs ins mikla
 grára geira
 ok gremi Óðins.

 13.
 Fara hildingar
 hjörstefnu til,
 þeirar er lögðu
 at Logafjöllum;
 sleit Fróða frið
 fjánda á milli;
 fara Viðris grey
 valgjörn of ey.

 14.
 Settisk vísi,
 þá er vegit hafði
 Alf ok Eyjólf,
 und arasteini,
 Hjörvarð ok Hávarð,
 Hundings sonu;
 farit hafði hann allri
 ætt geirmímis.

 15.
 Þá brá ljóma
 af Logafjöllum,
 en af þeim ljómum
 leiftrir kómu,
 -- -- --
 hávar und hjalmum
 á Himinvanga,
 brynjur váru þeira
 blóði stokknar,
 en af geirum
 geislar stóðu.

 16.
 Frá árliga
 ór úlfíði
 döglingr at því
 dísir suðrænar,
 ef þær vildi heim
 með hildingum
 þá nótt fara;
 þrymr var alma.

 17.
 En af hesti
 Högna dóttir,
 - líddi randa rym, -
 ræsi sagði:
 "Hygg ek, at vér eigim
 aðrar sýslur
 en með baugbrota
 bjór at drekka.

 18.
 Hefir minn faðir
 meyju sinni
 grimmum heitit
 Granmars syni,
 en ek hef, Helgi,
 Höðbrodd kveðinn
 konung óneisan
 sem kattar son.

 19.
 Þó kemr fylkir
 fára nátta,
 nema þú hánum vísir
 valstefnu til
 eða mey nemir
 frá mildingi."
</blockquote>

Helgi kvað:

<blockquote>
20.
 "Uggi eigi þú
 Ísungs bana;
 fyrr mun dolga dynr,
 nema ek dauðr séak."

 21.
 Sendi áru
 allvaldr þaðan
 of land ok um lög
 leiðar at biðja,
 iðgnógan
 Ógnar ljóma
 brögnum bjóða
 ok burum þeira.

 22.
 "Biðið skjótliga
 til skipa ganga
 ok ór Brandeyju
 búna verða."
 Þaðan beið þengill,
 unz þingat kómu
 halir hundmargir
 ór Heðinseyju.

 23.
 Ok þar af ströndum
 ór Stafnsnesi
 beit her út skriðu
 ok búin gulli;
 spurði Helgi
 Hjörleif at því:
 "hefir þú kannaða
 koni óneisa?"

 24.
 En ungr konungr
 öðrum sagði,
 seint kvað at telja
 af Trönueyri
 langhöfðuð skip
 und líðöndum,
 þau er í Örvasund
 útan fóru.

 25.
 "Tolf hundruð
 tryggra manna;
 þó er í Hátúnum
 halfu fleira
 víglið konungs;
 ván erum rómu."

 26.
 Svá brá stýrir
 stafntjöldum af,
 at mildinga
 mengi vakði,
 ok döglingar
 dagsbrún séa
 ok siklingar
 sneru upp við tré
 vefnistingum
 á Varinsfirði.

 27.
 Varð ára ymr
 ok járna glymr,
 brast rönd við rönd,
 reru víkingar;
 eisandi gekk
 und öðlingum
 lofðungs floti
 löndum fjarri.

 28.
 Svá var at heyra,
 er saman kómu
 kolgu systir
 ok kilir langir,
 sem björg eða brim
 brotna myndi.

 29.
 Draga bað Helgi
 há segl ofar,
 varð-at hrönnum
 höfn þingloga,
 þá er ógurlig
 Ægis dóttir
 stagstjórnmörum
 steypa vildi.

 30.
 En þeim sjalfum
 Sigrún ofan
 folkdjörf of barg
 ok fari þeira;
 snerisk ramliga
 Rán ór hendi
 gjalfrdýr konungs
 at Gnipalundi.

 31.
 Sat þar um aftan
 í Unavágum,
 flaust fagrbúin
 fljóta knáttu;
 en þeir sjalfir
 frá Svarinshaugi
 með hermðar hug
 her könnuðu.

 32.
 Frá góðborinn
 Goðmundr at því:
 "Hverr er landreki,
 sá er liði stýrir
 ok hann feiknalið
 færir at landi?"

 33.
 Sinfjötli kvað
 - slöng upp við rá
 rauðum skildi,
 rönd var ór gulli;
 þar var sundvörðr,
 sá er svara kunni
 ok við öðlinga
 orðum skipta --:

 34.
 "Segðu þat í aftan,
 er svínum gefr
 ok tíkr yðrar
 teygir at solli,
 at sé Ylfingar
 austan komnir
 gunnar gjarnir
 fyr Gnipalundi.

 35.
 Þar mun Höðbroddr
 Helga finna
 flugtrauðan gram
 í flota miðjum,
 sá er oft hefir
 örnu sadda,
 meðan þú á kvernum
 kystir þýjar."
</blockquote>

Guðmundr kvað:

<blockquote>
36.
 "Fátt mantu, fylkir,
 fornra spjalla,
 er þú öðlingum
 ósönnu bregðr;
 þú hefir etnar
 ulfa krásir
 ok bræðr þínum
 at bana orðit,
 oft sár sogin
 með svölum munni,
 hefr í hreysi
 hvarleiðr skriðit."
</blockquote>

Sinfjötli kvað:

<blockquote>
37.
 "Þú vart völva
 í Varinseyju,
 skollvís kona,
 bartu skrök saman;
 kvaztu engi mann
 eiga vilja,
 segg brynjaðan,
 nema Sinfjötla.

 38.
 Þú vart, in skæða,
 skass, valkyrja,
 ötul, ámátlig
 at Alföður;
 mundu einherjar
 allir berjask,
 svevís kona,
 of sakar þínar.

 39.
 Níu áttu vit
 á nesi Ságu
 ulfa alna,
 ek var einn faðir þeira."
</blockquote>

Guðmundr kvað:

<blockquote>
40.
 "Faðir var-at-tu
 fenrisulfa
 öllum ellri,
 svá at ek muna,
 síz þik geldu
 fyr Gnipalundi
 þursa meyjar
 á Þórsnesi.

 41.
 Stjúpr vartu Siggeirs,
 látt und stöðum heima,
 vargljóðum vanr
 á viðum úti;
 kómu þér ógögn
 öll at hendi,
 þá er bræðr þínum
 brjóst raufaðir;
 gerðir þik frægjan
 af firinverkum."
</blockquote>

Sinfjötli kvað:

<blockquote>
42.
 "Þú vart brúðr Grana
 á Brávelli,
 gullbitluð vart
 gör til rásar;
 hafða ek þér móðri
 marg skeið riðit
 svangri und söðli,
 simul, forbergis."
</blockquote>

Guðmundr kvað:

<blockquote>
43.
 "Sveinn þóttir þú
 siðlauss vera,
 þá er þú Gullnis
 geitr molkaðir,
 en í annat sinn
 Imðar dóttir
 tötrughypja.
 Vill þú tölu lengri?"
</blockquote>

Sinfjötli kvað:

<blockquote>
44.
 "Fyrr vilda ek
 at Frekasteini
 hrafna seðja
 á hræum þínum

 en tíkr yðrar
 teygja at solli
 eða gefa göltum;
 deili gröm við þik."
</blockquote>

Helgi kvað:

<blockquote>
45.
 "Væri ykkr, Sinfjötli,
 Sæmra miklu
 gunni at heyja
 ok glaða örnu,
 en sé ónýtum
 orðum at bregðask,
 þótt hringbrotar
 heiftir deili.

 46.
 Þykkja-t mér góðir
 Granmars synir,
 þó dugir siklingum
 satt at mæla;
 þeir hafa markat
 á Móinsheimum,
 at hug hafa
 hjörum at bregða."

 47.
 Þeir af ríki
 renna létu
 Svipuð ok Sveggjuð
 Sólheima til
 dala döggótta,
 dökkvar hlíðir;
 skalf Mistar marr
 hvar er megir fóru.

 48.
 Mættu þeir tyggja
 í túnhliði,
 sögðu stríðliga
 stilli kómu;
 úti stóð Höðbroddr
 hjalmi faldinn,
 hugði hann jóreið
 ættar sinnar:
 "Hví er hermðar litr
 á Hniflungum?"
</blockquote>

Guðmundr kvað:

<blockquote>
49.
 "Snúask hér at sandi
 snævgir kjólar,
 rakka-hirtir
 ok ráar langar,
 skildir margir,
 skafnar árar,
 göfugt lið gylfa,
 glaðir Ylfingar.

 50.
 Ganga fimmtán
 folk upp á land,
 þó er í Sogn út
 sjau þúsundir;
 liggja hér í grindum
 fyr Gnipalundi
 brimdýr blásvört
 ok búin gulli;
 þar er miklu mest
 mengi þeira;
 mun-a nú Helgi
 hjörþing dvala."
</blockquote>

Höðbroddr kvað:

<blockquote>
51.
 "Renni rökn bitluð
 til Reginþinga,
 en Sporvitnir
 at Sparinsheiði,
 Mélnir ok Mýlnir
 til Myrkviðar;
 látið engi mann
 eftir sitja,
 þeira er benlogum
 bregða kunni.

 52.
 Bjóðið ér Högna
 ok Hrings sonum,
 Atla ok Yngva,
 Alf inum gamla,
 þeir ró gjarnir
 gunni at heyja;
 látum Völsunga
 viðrnám fáa."

 53.
 Svipr einn var þat,
 er saman kómu
 fölvir oddar
 at Frekasteini;
 ey var Helgi
 Hundings bani
 fyrstr í fólki,
 þar er firar börðusk,
 æstr á ímu,
 alltrauðr flugar;
 sá hafði hilmir
 hart móðakarn.

 54.
 Kómu þar ór himni
 hjalmvítr ofan,
 - óx geira gnýr, -
 þær er grami hlífðu;
 þá kvað þat Sigrún,
 sárvitr fluga
 - át hálu skær
 af hugins barri -:

 55.
 "Heill skaltu, vísi,
 virða njóta,
 áttstafr Yngva,
 ok una lífi,
 er þú fellt hefir
 inn flugartrauða
 jöfur, þann er olli
 ægis dauða.

 56.
 Ok þér, buðlungr,
 samir bæði vel
 rauðir baugar
 ok in ríkja mær;
 heill skaltu, buðlungr,
 bæði njóta
 Högna dóttur
 ok Hringstaða,
 sigrs ok landa.
 Þá er sókn lokit.
</blockquote>

{{DEFAULTSORT:Helgakvida Hundingsbana I}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 11: / Linje 11: @@
 !  !!  !!  !!  !! [[Fil:Dansk.gif|32px|link=Første Kvad om Helge Hundingsbane (F.W.Horn)]] !! [[Fil:Svensk.gif|32px|link=Qvädet I. om Helge Hundingsbana (AAA)]] !!
 |-
-!  !!  !!  !!  !! [[Fil:Dansk.gif|32px|link=Det første kvad om Helge Hundingsbane]] !!   !!
+!  !!  !!  !!  !! [[Fil:Dansk.gif|32px|link=Det første kvad om Helge Hundingsbane]] !! [[Fil:Svensk.gif|32px|link=Första kvädet om Helge Hundingsbane (KL)]]  !!
 |-
 !  !!  !!  !!  !! [[Fil:Dansk.gif|32px|link=Helge Hundingsbane, første Kvad (V.B.Hjort)]] !!   !!

@@ Linje 5: / Linje 5: @@
 ! Denne teksten finnes i flere utgaver på følgende språk ► !! [[Fil:Original.gif|32px|link=Helgakviða Hundingsbana I]] !!  !! [[Fil:Norsk.gif|32px|link=Fyrste kvædet um Helge Hundingsbane]] !! [[Fil:Dansk.gif|32px|link=Förste Sang om Helge Hundingsbane]] !! [[Fil:Svensk.gif|32px|link=Första kvädet om Helge Hundingsbane]] !!
 |-
-!  !!  !!  !! [[Fil:Norsk.gif|32px|link=Kvæde om Helge Hundingsbane I. (Helga kviþa Hundingsbana þeirra ok Hǫþbrodds)]] !! [[Fil:Dansk.gif|32px|link= Kvadet om Helge Hundingsbane og Hødbrodd (Olaf Hansen)]] !! [[Fil:Svensk.gif|32px|link=Första kvädet om Helge Hundingsbane (NFS)]] !!
+!  !! [[Fil:Original.gif|32px|link=Vǫlsungakviða]] !!  !! [[Fil:Norsk.gif|32px|link=Kvæde om Helge Hundingsbane I. (Helga kviþa Hundingsbana þeirra ok Hǫþbrodds)]] !! [[Fil:Dansk.gif|32px|link= Kvadet om Helge Hundingsbane og Hødbrodd (Olaf Hansen)]] !! [[Fil:Svensk.gif|32px|link=Första kvädet om Helge Hundingsbane (NFS)]] !!
 |-
 !  !!  !!  !! [[Fil:Norsk.gif|32px|link=Kvadene om Helge Hundingsbane (JJA)]] !! [[Fil:Dansk.gif|32px|link=Helge Hundingsbane I (FM)]] !! [[Fil:Svensk.gif|32px|link=Första kvädet om Hälge Hundingsbane (PAG)]] !!

@@ Linje 9: / Linje 9: @@
 !  !!  !!  !! [[Fil:Norsk.gif|32px|link=Kvadene om Helge Hundingsbane (JJA)]] !! [[Fil:Dansk.gif|32px|link=Helge Hundingsbane I (FM)]] !! [[Fil:Svensk.gif|32px|link=Första kvädet om Hälge Hundingsbane (PAG)]] !!
 |-
-!  !!  !!  !!  !!  !! [[Fil:Svensk.gif|32px|link=Qvädet I. om Helge Hundingsbana (AAA)]] !!
+!  !!  !!  !!  !! [[Fil:Dansk.gif|32px|link=Første Kvad om Helge Hundingsbane (F.W.Horn)]] !! [[Fil:Svensk.gif|32px|link=Qvädet I. om Helge Hundingsbana (AAA)]] !!
 |-
 |}