Jesper på 9. mai 2023 kl. 17:50

2023-05-09T17:50:50Z

Carsten på 1. jun. 2022 kl. 08:31

2022-06-01T08:31:38Z

Carsten på 23. jan. 2019 kl. 13:34

2019-01-23T13:34:09Z

Carsten på 7. sep. 2018 kl. 05:34

2018-09-07T05:34:12Z

JJ.Sandal på 22. des. 2013 kl. 16:24

2013-12-22T16:24:04Z

Vis endringer

Carsten på 15. sep. 2013 kl. 08:23

2013-09-15T08:23:35Z

JJ.Sandal: Oddrúnarkviða

2013-01-12T09:59:14Z

Oddrúnarkviða

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes i flere utgaver på følgende språk ► !! [[Fil:Original.gif|32px|link=Oddrúnarkviða]] !! !! [[Fil:Norsk.gif|32px|link=Oddrungråten]] !! [[Fil:Dansk.gif|32px|link=Oddruns Klage]] !! [[Fil:Svensk.gif|32px|link=Oddruns gråt]] !!
|-
! !! !! !! [[Fil:Norsk.gif|32px|link= Oddrunsgraad (Oddrúnargrátr)]] !! [[Fil:Dansk.gif|32px|link=Oddruns Klage (Olaf Hansen)]] !! [[Fil:Svensk.gif|32px|link=Oddruns klagan (NFS)]] !!
|-
! !! !! !! !! !! [[Fil:Svensk.gif|32px|link=Oddruns klagan (PAG)]] !!
|-
! !! !! !! !! !! [[Fil:Svensk.gif|32px|link=Oddruns gråt (AAA)]] !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson|GUÐNI JÓNSSON]] bjó til prentunar

<big>'''Oddrúnarkviða'''</big></center>

'''Frá Borgnýu ok Oddrúnu.'''

Heiðrekr hét konungr. Dóttir hans hét Borgný. Vilmundr hét sá, er var friðill hennar. Hon mátti eigi fæða börn, áðr til kom Oddrún Atlasystir. Hon hafði verit unnusta Gunnars Gjúkasonar. Um þessa sögu er hér kveðit:

<blockquote>1.
 Heyrða ek segja
 í sögum fornum,
 hvé mær of kom
 til Mornalands;
 engi mátti
 fyr jörð ofan
 Heiðreks dóttur
 hjalpir vinna.

 2.
 Þat frá Oddrún
 Atla systir,
 at sú mær hafði
 miklar sóttir;
 brá hon af stalli
 stjórnbitluðum
 ok á svartan
 söðul of lagði.

 3.
 Lét hon mar fara
 moldveg sléttan,
 unz at hári kom
 höll standandi;
 svipti hon söðli
 af svöngum jó,
 ok hon inn of gekk
 endlangan sal,
 ok hon þat orða
 alls fyrst of kvað:

 4.
 "Hvat er frægst
 hér á foldu,
 eða hvat er hlézt
 Húnalands?"</blockquote>

Ambótt kvað:

<blockquote>"Hér liggr Borgný
 of borin verkjum,
 vina þín, Oddrún,
 vittu, ef þú hjalpir."</blockquote>

Oddrún kvað:

<blockquote>5.
 "Hverr hefir vísir
 vamms of leitat?
 Hví eru Borgnýjar
 bráðar sóttir?"</blockquote>

Ambótt kvað:

<blockquote>6.
 "Vilmundr heitir
 vinr haukstalda,
 hann varði mey
 varmri blæju
 fimm vetr alla,
 svá hon sinn föður leyndi."

 7.
 Þær hykk mæltu
 þvígit fleira,
 gekk mild fyr kné
 meyju at sitja;
 ríkt gól Oddrún,
 rammt gól Oddrún,
 bitra galdra
 at Borgnýju.

 8.
 Knátti mær ok mögr
 moldveg sporna,
 börn þau in blíðu
 við bana Högna;
 þat nam at mæla
 mær fjörsjúka,
 svá at hon ekki kvað
 orð it fyrra:

 9.
 "Svá hjalpi þér
 hollar véttir,
 Frigg ok Freyja
 ok fleiri goð,
 sem þú feldir mér
 fár af höndum."</blockquote>

Oddrún kvað:

<blockquote>10.
 "Hnék-at ek af því
 til hjalpar þér,
 at þú værir þess
 verð aldregi;
 hét ek ok efndak,
 er ek hinig mælta,
 at ek hvívetna
 hjalpa skyldak,
 þá er öðlingar
 arfi skiptu."</blockquote>

Borgný kvað:

<blockquote>11.
 Ær ertu, Oddrún,
 ok örvita,
 er þú mér af fári
 flest orð of kvatt,
 en ek fylgðak þér
 á fjörgynju,
 sem vit bræðrum tveim
 of bornar værim."</blockquote>

Oddrún kvað:

<blockquote>12.
 "Man ek, hvat þú
 mæltir enn um aftan,
 þá er ek Gunnari
 gerðak drekku;
 slíks dæmi kvað-at-tu
 síðan mundu
 meyja verða
 nema mér einni."

 13.
 Þá nam at setjask
 sorgmóð kona
 at telja böl
 af trega stórum:

 14.
 "Var ek upp alin
 í jöfra sal,
 - flestr fagnaði -
 at fira ráði;
 unða ek aldri
 ok eign föður
 fimm vetr eina,
 svá at minn faðir lifði.

 15.
 Þat nam at mæla
 mál ið efsta
 sjá móðr konungr,
 áðr hann sylti:
 mik bað hann gæða
 gulli rauðu
 ok suðr gefa
 syni Grímhildar.

 16.
 En hann Brynhildi
 bað hjalm geta,
 hana kvað hann óskmey
 verða skyldu;
 kvað-a hann ina æðri
 alna mundu
 mey í heimi,
 nema mjötuðr spillti.

 17.
 Brynhildr í búri
 borða rakði,
 hafði hon lýði
 ok lönd um sik;
 jörð dúsaði
 ok upphiminn,
 þá er bani Fáfnis
 borg of þátti.

 18.
 Þá var víg vegit
 völsku sverði
 ok borg brotin,
 sú er Brynhildr átti;
 var-a langt af því
 heldr válítit,
 unz þær vélar
 vissi allar.

 19.
 Þess lét hon harðar
 hefndir verða,
 svá at vér öll höfum
 ærnar raunir;
 þat mun á hölða
 hvert land fara,
 er hon lét sveltask
 at Sigurði.

 20.
 En ek Gunnari
 gatk at unna,
 bauga deili,
 sem Brynhildr skyldi.

 21.
 Buðu þeir árla
 bauga rauða
 ok bræðrum mínum
 bætr ósmáar;
 bað hann enn við mér
 bú fimmtían,
 hliðfarm Grana,
 ef hann hafa vildi.

 22.
 En Atli kvaðsk
 eigi vilja
 mund aldrigi
 at megi Gjúka;
 þeygi vit máttum
 við munum vinna,
 nema ek helt höfði
 við hringbrota.

 23.
 Mæltu margir
 mínir niðjar,
 kváðusk okkr hafa
 orðit bæði;
 en mik Atli kvað
 eigi mundu
 lýti ráða
 né löst gera.

 24.
 En slíks skyli
 synja aldri
 maðr fyr annan,
 þar er munúð deilir.

 25.
 Sendi Atli
 áru sína
 um myrkvan við
 mín at freista;
 ok þeir kómu þar,
 er þeir koma né skyldu-t,
 þá er breiddum vit
 blæju eina.

 26.
 Buðum vit þegnum
 bauga rauða,
 at þeir eigi
 til Atla segði,
 en þeir hvatliga
 heim skunduðu
 ok óliga
 Atla sögðu.

 27.
 En þeir Guðrúnu
 görla leyndu því,
 at hon heldr vita
 halfu skyldi.

 28.
 Hlymr var at heyra
 hófgullinna,
 þá er í garð riðu
 Gjúka arfar;
 þeir ór Högna
 hjarta skáru,
 en i ormgarð
 annan lögðu.

 29.
 Var ek enn farin
 einu sinni
 til Geirmundar
 gerva drykkju;
 nam horskr konungr
 hörpu sveigja,
 því at hann hugði mik
 til hjalpar sér
 kynríkr konungr,
 of koma mundu.

 30.
 Nam ek at heyra
 ór Hléseyju,
 hvé þar af stríðum
 strengir gullu;
 bað ek ambáttir
 búnar verða,
 vilda ek fylkis
 fjörvi bjarga.

 31.
 Létum fljóta
 far sund yfir,
 unz ek alla sák
 Atla garða.

 32.
 Þá kom in arma
 út skævandi
 móðir Atla,
 - hon skyli morna -,
 ok Gunnari
 gróf til hjarta,
 svá at ek máttig-a-k
 mærum bjarga.

 33.
 Oft undrumk þat,
 hví ek eftir mák,
 linnvengis Bil,
 lífi halda;
 er ek ógnhvötum
 unna þóttumk
 sverða deili,
 sem sjalfri mér.

 34.
 Sattu ok hlýddir,
 meðan ek sagðak þér
 mörg ill of sköp
 mín ok þeira;
 maðr hverr lifir
 at munum sínum;
 nú er of genginn
 grátr Oddrúnar."</blockquote>

{{DEFAULTSORT:Oddrunarkvida}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 5: / Linje 5: @@
 ! Denne teksten finnes i flere utgaver på følgende språk ► !! [[Fil:Original.gif|32px|link=Oddrúnarkviða]] !!  !! [[Fil:Norsk.gif|32px|link=Oddrungråten]] !! [[Fil:Dansk.gif|32px|link=Oddruns Klage]] !! [[Fil:Svensk.gif|32px|link=Oddruns gråt]] !!
 |-
-!  !!  !!  !! [[Fil:Norsk.gif|32px|link= Oddrunsgraad (Oddrúnargrátr)]] !! [[Fil:Dansk.gif|32px|link=Oddruns Klage (Olaf Hansen)]] !! [[Fil:Svensk.gif|32px|link=Oddruns klagan (NFS)]] !!
+!  !! [[Fil:Original.gif|32px|link= Oddrúnargrátr]] !!  !! [[Fil:Norsk.gif|32px|link= Oddrunsgraad (Oddrúnargrátr)]] !! [[Fil:Dansk.gif|32px|link=Oddruns Klage (Olaf Hansen)]] !! [[Fil:Svensk.gif|32px|link=Oddruns klagan (NFS)]] !!
 |-
 !  !!  !!  !!  !! [[Fil:Dansk.gif|32px|link=Oddruns Klagesang (F.W.Horn)]] !! [[Fil:Svensk.gif|32px|link=Oddruns klagan (PAG)]] !!

@@ Linje 9: / Linje 9: @@
 !  !!  !!  !!  !! [[Fil:Dansk.gif|32px|link=Oddruns Klagesang (F.W.Horn)]] !! [[Fil:Svensk.gif|32px|link=Oddruns klagan (PAG)]] !!
 |-
-!  !!  !!  !!  !!  !! [[Fil:Svensk.gif|32px|link=Oddruns gråt (AAA)]] !!
+!  !!  !!  !!  !! [[Fil:Dansk.gif|32px|link=Oddrunes Klage (FM)]] !! [[Fil:Svensk.gif|32px|link=Oddruns gråt (AAA)]] !!
 |-
 |}

@@ Linje 12: / Linje 12: @@
 |-
 !  !!  !!  !!  !! [[Fil:Dansk.gif|32px|link=Oddruns Klage (V.B.Hjort)]] !!  !!
 |-
 |}