Annálar (Flateyjarbók)

Flateyjarbók, utsnitt fra Annálar.

Flateyjarbók

Her hefr annꜳl fra heims vpphafi ok taulu Jeronimi prestz

Gvd skapadi alla skepnu senn enn hann syndi hana a sex dogum ok heita þat verkdagar. hinn siỏndi heitir huilldardagr. enn hann greindi skepnuna i .ij. greinir ok .xx. Enn fyrsta dag kollum ver drottinsdag. þa syndi gud .vij. luti þat er efni omotad. engla. lios. himna hina efri. þat hafa spekingar kallat elld. jord. vatn. ok vind. Annan dag syndi hann einn lut þat er festingarhimin. Þridia dag syndi hann .iiij. luti. sio. fræ. graus. ok vidu. Fiorda dag syndi gud þria luti. sol. tungl. ok stiornur. Fimta dag syndi hann þria luti. siokykuendi oll. dyr ok fugla. Setta dag syndi hann .iiij. luti. smala. dyr jardar. skriddyr. ok mann. A enum siỏnda degi fylldi gud alla skepnu sina ok setti hann þann huilldardag. ok hefir verolldin sua siþan stadit at ꜳ .vij. dogum fylliz huer vika eftir adra. merkia þeir ok .vij. giafir ens helga anda.

Alldatal Beda prestz

Fra vpphafi heims þessa til hingatburdar vors herra Jesu Cristi voru fim þushundir ꜳra hundrat ꜳra. niu tigir ok .ix. ꜳr. Þessa tolu samþyckir Beda prestr. ok þessa hefir ok helldr heilug kristni almennilig. Sua segir Joseph(us). Þa er Salomon hof musteris smid þa var lidit fra vpphafi veralldar þriar þushundir .c. ok .ij. ꜳr. enn fra flodinu þushundrat .cc. ok .xv. ꜳr. enn fra þui er Abraham kom til Cananeam af Mesopothameam þushundrat ok .xx. ꜳr. enn fra ferd Moyse yfir Rauda haf fimm hundrat ok .ij. ꜳr. Musteri hof hann at gera ꜳ fiorda ꜳri rikis sins ok vard fullkomit ꜳ .vij. ꜳrum. enn Liber regum segir vart fim hundrat. Enn þa er þadan leid fiogur .cccc. ok .lxx. ꜳra vard mustared nidr brotid ok brent af Babilonismonnum. þa var lidit fra þui er Adam var skapadr þriar þushundir .v. hundrat .xiij. ꜳr .vj. mꜳnadir ok .x. dagar.

Sva segir Hysteria Scolastica. Þa er vorr herra holdgadiz var lidit fra vpphafi veralldar fimm þushundir .c. .xc. ok .ix. ꜳr. enn Roma hafdi stadit .vij. hundrat ok .lxx. ara enn Olimpiadis .iiij. ꜳr.

Alldatal

Fra andlati Romuli til andlꜳtz Julij Cesaris .vij. hundrat ok .iiij. enn hann rikti fimm tigu ok sex ꜳr. konungar i Roma .cc. ok .xl. consules .cccc. .lx. ok .iiij. Sua segir Josephus. Fra Saul konungi til nidrbrotz Jorsalaborgar væri .v. hundrat .xiiij. ꜳr. .vi. manadir ok .x. dagar. Fysti alldr heims af Adam til Noa flods ok er i honum at ebreskra manna tolu þushundrat .vi. hundrat .l. ok .v. ꜳr. enn .lxx. tulka segia .ij. þushundir ok .iiij. hundrat ꜳra. Annar heimsalldr fra Noa flodi til Abrahams telia ebreskir menn þushundrat .cc. .xx. ok .ij. ꜳr. enn tulkar telia þushundrat .lxx. ok viij. ꜳr. Hinn þridi heimsalldr fra Abraham til Dauids. sa hefir i ser at ebreskra manna tolu niu hundrat .xl. ok .ij. ꜳr. enn tulkar segia .ij. minna. Hinn fiordi heimsalldr fra Dauid til herleidingar Juda. segia þar ebrescer menn i .cccc. .lxx. ok .v. ꜳr. enn tulkar .xij. meira. Sua segir Hysteria Scolastica at þa er Sedechias konungr var tekinn ok blindadr enn Jorsalaborg nidrbrotin ok musterid brent hafdi Juda riki stadit eftir sogn Josephi .ccccc. .xiiij. ꜳr .vj. manudr ok .x. daga. enn eftir konunga (bok) i biblea eigi full fimm hundrat. Hinn fimta heimsalldr fra herleidingu Juda til holldganar Jesu Cristi .ccccc. .lxxx. ok .v. ꜳr.

Tala

Sva telr hinn heilagi Jeronimus prestr i sinni cronica þeirri er hann skrifadi sialfr sinni hendi. at fra vpphafi heims til Noa flods væri .ij. þushundir .cc. .xl. ok .ij. ꜳr. Enn þa er Noi geck i orkina var et .xviij. ꜳr solar alldar enn hinn .xiiij. (vetr) pacta alldar. þat var miduikudagr. enn tungl var .ix. natta. Noe var i orkinni .x. nattum meirr enn eitt ꜳr. þadan geck hann drottinsdag ok var þa tungl .ix. natta ok .xx. Enn fra Noa flodi þushundrat .lxx. ok .ij. ꜳr til Abrahams. enn fra Abraham til holldganar vors herra Jesu Cristi væri .ij. þushundir ok .xv. ꜳr. enn þat var et siotianda ꜳr solar alldar enn et niunda pacta alldar. þat var drottinsdag ok einnætt tungl. Þetta allt saman verda | fim þushundir .c. niu tigir ok niu ꜳr. Maria var þa fiortan vetra at alldri er gud kom med henni at vera. hann var med henni .cc. daga. .lxx. ok .v. daga vnz hann let higat berazst. þat var eftir midia nꜳtt fyrir drottinsdag enn tiunda vetr pacta alldar enn tungl ellifu natta. Þa er gud var skirdr vatzskirn var (hann) ꜳ þritughanda vetri. þat var annan dag viku. sa var hinn fyste vetr pacta alldar enn hinn attiandi solar alldar ok var tungl fiogurra nꜳtta ok tuttugu. enn sumir telia at hann væri skirdr þa er hann var þritugr ok væri þridi dagr viku. en hinn .xix. vetr solar alldar enn annar pacta alldar. tungl fimm nꜳtta ok .xx. Sua er talt at gud væri i þessum heimi fiortan vetr ok .xx. ok atta daga ens niunda tigar ok stundir .xv. vnz hann tok liflꜳt at noni fostudag langa. sa var hinn fimti pacta alldar enn annar ok tuttugt(i) solar alldar. Þriar stundir var Jesus a crossi andadr. enn likami hans var i grỏf fiorar stundir ok .xx. þa var tungl .xvij. natta. Þa lidu .xl. daga ok atta stundum minnr vnz gud steig til himna fimta dag viku stund fyrir midiann dag. þa var tungl .vij. natta ok .xx. Þadan lidu .x. dagar ok þrimr stundum minnr vnz gud sendi helgann anda postulum sinum. þat var drottinsdag. þa var tungl .vij. natta. I pacta aulld er ver kollum tunglaulld eru nitian ꜳr. enn i solar olld atta ar ok .xx. enn i miklu aulld atta tunglalldir ok .xx. solar alldir .xix. verdr þat fimm hundrat .xxx. ok .ij. ꜳr.

Fra Julio ok Romueria hofþingium

Þa er lidit var fra vpphafi veralldar fimm þushundir .c. .v. tigir ok .iiij. ꜳr tok rikisstiorn med einvalldi yfir Romverium ok ollum heime Julius Cesar er Gaius het odru nafni. Þa hafdi Romueria riki stadit vndir konungum .cc. .xl. .ij. ar. enn vndir consulibus .cccc. .lx. ok .iiij. ꜳr a hinu tuttugta ꜳri solar alldar ok a þrettanda tunglalldar. ok af honum hafa Romueria keisarar þat nafn tekit at heita Cesares. Þessi Julius var fystr einvalldzhofþingi yfir ollum heime ok rikti fimm ꜳr at sogn Petri commestoris. Þa var lidit fra þui er Romaborg var smidut af Romulo siau hundrat ok .v. ꜳr.

Flateyjarbók, utsnitt fra Annálar.

[46 f. Chr.] d i. Julius Gaius Cesar rikti .v. ꜳr enn sami ok fyrr segir.

c b .h a n. g e.

f. .e Octouianus Cesar Augustus rikti .lx. ara .vj. man. ok .x. daga.

e d q.

[40] c.i b .a a. f g f .e e r. d i. c b. b a n.

g .n Herodis Ascalonita rikti .xxx. ara ok viij. ꜳr.

f .e

[30] e k. d c i b .a

a f. Egiptaland vard skattgillt vndir Romueria ok uar settr Cornelius Gaius skalld stiornarmadr yfir ok af þessu telia nockurir menn þetta id fysta einualldzꜳr Augusti keisara yfir ollum heime. nu eru lidin .xx. er siþan riki Julij hofz.

g .f fe r. d b. c. b. b o. a g n.

[20] f s. e k. d .k cb o. a f.

g .f Bu(r)dar tid sancte Marie modur drottins.

f l. ed .k | c .b b o.

[10] a .g gf s. e k.

d .k nu eru .xl.

c p. ba f. g .f f l. e .l

dc .b Holldgan drottins a fostudag eptir sogn Dionisij ok Elpricij.

b g. Burdr drottins a drottinsdegi.

a .g komu Austrvegskonunga(r) til Jesum.

g t. Sueinar voru drepnir i Bethlem af Herode Ascalonita.

fe c. d .c

c p. Andadiz Herodes konungr Aschalonite.

b .p Archilaus son Herodis tok riki ok styrdi .ix. ꜳr.

ag t. f l.

[10 e. Chr.] e l. d q. cb g.

a .g Jesus sat in templo domini millum spekinga frodra.

g t. nu eru .lx.

f d.

ed .c Andadiz Augustus Octouianus cesar enn Tiberius tok riki ok styrdi .xx. ar ok .iij.

c p. Herodes tetrarcha son Herodis gamla tok riki eftir Archelaum brodur sinn.

b .p a v.

[20] gf l. e .l d q. c h. ba .g g m. f m.

e .d Pilatus tok skipan af Octouiano Tiberio at vera hofþingi yfir Judea. hans riki stod .x. ꜳr i samt.

dc h. b .h

[30] a v. Johannis baptista bodadi vatzskirn.

g e. Cristus var skirdr af Johanne in Jordan.

fe .d Drottinn gerdi vin or vatni i bæ Galilee enn Herodes Antephas setti Johannem baptistam i myrquastofu.

d q. Jonn baptista halshogginn.

c h. Pining drottins vors ok vpprisa ok gryting Stephani prothomartiris .lxxx.

b .a Jacobus frater domini vigdr til byskups yfir Jorsalaborg af postulum. sat hann i þeim byskupsstoli .xxx. ara. leidretting Pꜳls postula. þa dreifdust postular til ymisra herada stada ok borga.

ag m.

f m. Pilatus drap sik sialfr i Roma.

e r. Petr postuli setti byskupsstol sinn i Anthiocia.

d .l Gaius Caligula rikti .iij. ꜳr .x. man. .vij. daga. Herodes Agrippa son Aristobolis hofz til rikis.

[40] cb .h a v.

g e. Pining Jacobi apostoli brodur Johannis.

f .e Vppnumning sancte Marie. Claudius rikti .xiij. ꜳr ok .viij. man.

ed q. Petrus postuli setti byskupsstol sinn i Roma.

c .q Claudius keisari vann Bretland vndir Romueria orostulaust a fꜳm dogum ok Orkneyiar. Enn Paulus ok Barnabas voru valdir i postula taulu. þa skiptuz postular til landa ok ortu credo in dominum. Þa var sulltr mikill vm allann heim ok mestr a Gydingalandi | er fyrir var sagdr af helgum anda Agabo spamanni vid Antiochiam.

(b .a) Andadiz Herodes Agrippa. hann var konungr a Gydingalandi .xx. ok .vi. ar þar til er heriat var a Gydingaland.

a n. gf .m e r.

[50] d i. Claudius konungr rak alla Gydinga af Romaborg.

c .i

ba n. Sulltr i Roma.

g e. Pining Philippi apostoli.

f .e

e k. Hundrad.

dc .i

b .a Nero rikti .xiiij. ar .vij. manadi .xx. daga ok .vij.

a f. Festus vard hofdingi a Gydingalandi ok sendi Pal postula bundinn til Romaborgar. Her hefz hinn fysti ofridr a kristnum monnum.

g .f Pꜳll postuli kom til Romaborgar.

[60] fe r. Lucianus meistari do af ædablodi ok Seneca meistari Neronis med sama dauda ok þar med eitri at bodi Neronis.

d i. c .b b o.

ag .n Pining Marci gudspiallamanz.

f .e Pining Jacobi fratris domini. þa voru ok pindir Processus ok Martinianus.

e k. d .k

cb a. Pindir Timotheus ok Apollinaris. Pindar Felix Constancia ok Perpetua.

a f.

[70] g .f Pining Petri ok Pauli apostolorum. Linus paue .xij. ꜳr.

f s. Galba eitt ꜳr.

ed b. Vespasianus rikti .ix. ꜳr .xi. man. .xxiij. daga. Titus ok Vespasianus brutu nidr alla Jorsalaborg eftir þui sem vorr herra sagdi fyrir þa er kom þannigh.

c .b b o.

a .o Þa er Titus sat vm Jorsalaborg spurdi hann at Vespasianus fadir hans var vordinn keisari i Roma. vard hann sua feginn at fotr hans þrutnadi sua at hann nytti ecki skoklædi. Enn Josephus hertugi Juda gaf þat rad at leida skylldi fyrir hann skiotlega þann mann er hann var miok reidr. ok er hann sa þann mann vard hann þegar heill. Nu er lidit fra vpphafi heims fim þushundir .cc. .lxx. ok .v. ꜳr. enn fra hegatburdinum .lxx. ok .vi. ꜳr.

[76] gf s. Her hefz hinn fysti vetr i gomlu aulld. enn lidnar fra vpphafi heims fimm vetrum fꜳtt i tiu enu gomlu alldir.

e k. d .k e p.

[80] ba f.

g .f Titus son Vespasiani rikti .ij. ꜳr ok .ij. man.

f l. Cletus papa .xij. ꜳr þessi er Anacletus.

e .l Domitianus son Vespasiani .xv. ꜳr ok fim manadi.

dc .b b o. a .g g t. fe k. d .k

[90] c p. Cristz ꜳr niutigir.

b g. ag .f

f l. Clemens papa rikti .xx. ꜳr. man. .ij. daga .x.

e .l

d .c Annar vfridr kristnum monnum.

cb g. Pining Dionisii byskups.

a .g

g t. Nerua rikti eitt ꜳr .vj. man. ok viij. d(aga).

| f d.

[100] ed .d Traianus rikti .xix. ꜳr .vi. man. .xv. daga. Cristz ar .c. ok oll tiræd.

c p. Pindr Clemens papa. Anacletus papa rikti .xij. ar. man. .i. daga .x.

b .p a v. gf l. e .l

d q. Vppnuming Johannis postula ok gudspiallamannz.

c h.

ba .g Euaristus papa .xiij. ꜳr. man. .vij. daga .ij. segia sumir hann fyrr hafa verit.

g t.

[110] f d. Cristz ar .x. ok .c.

e .d Alexander papa rikti .x. ar. man. .vi. daga .ij.

dc .p b .p a v. g m. fe .l d q. c h.

b .h Adrianus helius rikti eitt ꜳr ok .xx. hann let endr bæta Jorsalaborg ok kalla hana Heliam af sinu nafni.

[120] ag m. Cristz ar .c. ok .xx. ar.

f .m Pindr Alexander papa. Sixtus papa rikti .x. ar. man. .iij. daga .xxi.

e .d d i.

cb .h A þessum timum færdi Aquila fystr eftir burdin biblo or ebresku i girzsku.

a v. g e. f .e

ed q. Antonius rikti .xx. ꜳr.

c h.

[130] b .a Thelesporus papa rikti .xi. ꜳr. man. .iij. daga .xxij. Cristz ꜳr .c. ok .xxx.

a n.

gf .m Lucellus konungr var skirdr enn fyrsti konungr i Englandi enn kristnudu landit byskupar Figamius ok Dinamis.

e r. d i. c .i ba v. g e. f .e e r.

[140] dc q. Ignius papa rikti .iiij. ar. man. .iii. daga viij. Cristz ar .c. ok .xl.

b .a a n. g .n

fe r. Pius papa .xi. ꜳr. man. .iiij. daga .xxi.

d i. c .i b o.

ag e. Antonius Marcus rikti .xix. ar. man. .i. hann gaf vpp Lucio Severo halft Romveria riki frænda sinum. þat hafdi engi keisari fyrr gert at tuiskipta rikinu siþan einvalld kom i Romam.

f .e

[150] e k. Cristz ar .c. ok .l.

d .k Sother papa.

cb .a a f.

g .f Eleutherius papa .xi. ar. man. .vj. daga .v.

f s. Andlat Lucij Engla konungs.

ed l. | c .b b o. a .o

[160] gf .e. Cristz ar .c. ok .lx.

e k.

d .k Antonius Marcus Verus Aurelius rikti .xix. ar ok einn man. hann gaf Seuero frænda sinum halft Romueria riki sem fyrr segir ok andadiz a þessu ari.

c .b ba f. g .f f s. e c. dc .b b o.

[170] a .o Cristz ar .c. ok .lxx.

g t. fe k. d .k c p. b g. ag .f f l. e .l d .c

[180] cb o. Cristz ar .c. ok .lxxx.

a .g Commodus Uerus Antonius Aurelius rikti .xiij. ar.

g t. f l. ed .k c p. b g. a .g gf l. e .l

[190] d .c Cristz ar .c. ok .lxxxx.

c h. ba .g g t.

f d. Helias þragiarn rikt(i) .vi. man. Zepherinus papa .xv. ar. man. .ij. daga .x.

e .d Seuerinus þragiarn rikti .xuiij. ar .iij. man.

dc p. b .p a v. g m.

[200] fe .l Cristz ar .cc.

d q. c h. b .h ag t. f d. e .d d q.

cb .p Færdi Simachus biblo or ebresku i girzscu.

a v. Calixtus papa .v. ar. man. .ij. daga .x.

[210] g m. Cristz ar .cc. ok .x.

f e. ed q.

c h. Antonius Caricula Marcus Bassus rikti .vij. ar. man. .iij.

b .h Marcus Aurelius rikti .vi. ar. Vrbanus papa .iij. ar. man. .xi. .xij. daga.

a n. Þa fanz i Jerusalem almennilig færing biblo.

gf .m e .d

| d i. Antherus papa .xij. ar man. einn. daga .xv.

c .i

[220] ba v. Cristz ar .cc. ok .xx. Macrinus Opilius .i. ar. man. .ij.

g e. Marcus Antonius Aurelius Uerus rikti .iiij. ar.

f .e e r. dc h.

b a. Alexander Aurelius Seuerus .xiij. ar. a hans dogum var Origenis prestr. hann cristnadi Mammeam modur Alexandri keisara. hann var agætr madr.

a n. g .n fe r.

d i. Pindr Calixtus papa.

[230] c .i Cristz ar. .cc. .xxx. Poncianus papa. .xv. (ar). man. .ij. daga .ij.

b o. ag e.

f .e Færdi Origenes biblo or ebrezcu i girzscu.

e r.

d .k Fabianus papa .xiiij. ar. man. .ix. daga. .xi.

cd .a a n.

g .n Julius Maximus rikti .iij. ar. hann gerdi hinn setta vfrid cristnum monnum eftir hinn fysta er Nero keisari hof.

f s.

[240] ed i. Cristz ar .cc. .xl.

c .i Gordianus rikti .vij. ar.

b o. a f. gf .e c k. d .k c .b ba f.

g .f Fedgar .ij. kristnir er Philippus het huarrtueggi þeir voru keisarar .vij. ar.

[250] f s. Cristz ar .cc. ok .l. Cornelius papa .iij. (ar). man. .ij. daga .x.

e c. Stephanus papa .iij. ar. man. .ij. daga .x.

dc .b

b o. Lucius papa .iij. ar. man. .iij. daga .iij.

a .o Decius rikti .ij. ar. man. .vi. hann drap huarntueggia Philippum ok braut Romaborg.

g t.

fe k. Pindr Cornelius papa.

d .k Gallus Verus Hostilius med Volusciano syni sinum voru keisarar .ij. ar. .iiij. man. Origenis prestr andadiz þa er hann var .lxx. ok er hann grafinn i borginni Thyro.

c .b Valerianus ok Gallienus son hans riktu .xv. ar.

b g.

[260] ag .f Cristz ar .cc. ok .lx.

f s.

e c. Pindr Stephanus papa ok Lucius papa.

d .c

cb o. Pindr Sixtus papa ok Laurentius erchidiakn af Decio Cesare hann var Romahofþingi ok eigi hafdr i keisaratolu.

a .o g t.

f l. Dionisius papa .ij. ar. man. .iij. daga .vij.

ed .k c p.

[270] b g. Cristz ar .cc. ok .lxx. Felix papa .ij. ar. man. .x. daga .xxv.

a .g gf l. e .l

d .c Claudius keisari rikti .i. ar ok .ix. man.

c h.

ba .g Aurelius keisari rikti .v. ar. .vj. man.

g t.

| f l. Siluester papa .xxiij. (ar). man. .x. dagar .xi.

[280] dc p. Cristz ar .cc. ok .lxxx.

b g. Tacitus rik(ti) .vj. man. Florianus .ij. man. .xxx. daga.

a .g Probus rikti .vj. ar ok .iiij. man.

g m. Taius papa .xi. ar.

fe .l d c. c h b .h

ag t. Carus med sonum sinum Karino ok Mimeriano .ij. ar.

[290] e .d Cristz ar .cc. ok .lxxxx. Deocletianus rikti .xx. ar. a hans dogum hefir mestr vfridr verit kristnum domi. Þa voru af lifi teknir i Romaborg ok þeim herudum er þar liggia til .xvij. þusundir manna fyrir guds nafn. Þa voru þessir menn pindir i þeim timum Gaius papa Sebastianus. Tiburtius. Pantaleon. Vitus. Modestus. Vincentius Cosinas. Damianus. Erasmus. Marcellinus. Petrus. ok Mauritius ok hans felagar .ccc.

d q. cd .p a v.

g m. Marcellus papa .ix. ar. .ij. man. .xxv. daga.

f .m ed q. c h. b .h a n.

[300] gf d. Cristz ar .ccc.

e .d d q.

c .i Marcellinus .v. ar. .vij. man. .xxi. dag.

ba v. Pining sancte Katerine af Maxentio.

g m.

f .e Maximus son Deocletiani ok Maxentius son Maximiani kolluduz keisar(ar) fimm ar þa voru pindir Marcellus papa. Ciriacus Thimotheus.

e r.

dc h. Tiundi ufridr cristnum monnum. Eusebius papa .ij. ar.

b .h

[310] a n. Constantius ok Galerius riktu .i. ar. Cristz ar .ccc. ok .x.

g .n Constantinus en mikli son Helenu rikti .xxx. ara .x. man. J þann tima var Siluester papa ok rikti .xiiij. ar. Constantinus gaf alla Romaborg vndir pauavalld. hann let gera Constantinopolim er ver kollum Miklagard. A hans dogum var Arrius prestr ok hof villu þa vt af Alexandria at hann taldi son guds ok helgan anda minna vera gudi fedr. Hann sagdi son ok helgan anda skepnu enn eigi skapara ok eyddi sua allri þrenningu guddoms. hann villdi trua a gud i einingu. Þa var byskupaþing i Niceaborg ok komu þar .ccc. ok .xviij. byskupar. þa var fyrirdæmd villa Arii. a þui þingi var settr allr cristinn domr.

fe .d d i. c .i b .a ag e. f .e e r. d b.

[320] cb .a Cristz ar .ccc. .xx.

a n. g .n f s. ed i. c .i b o. a f. | gf .e e r.

[330] d .k Cristz ar .ccc. .xxx.

c .b ba n.

g .n Andadiz heilagr Nicholaus byskup.

f s. e k. dc .i b o. a f. g .f

[340] fe k. Cristz ar .ccc. .xl.

d .k

c .b Constantius son Constantini rikti .xviij. ar med brædrum sinum ok Constans.

b g. ag .f f s. e c. d .c cb o. a .o

[350] g t. Cristz ar .ccc. ok .lx.

f l. ed .k c .b b g. a .g gf s. e c. d .c c p.

[360] ba .o Cristz ar .ccc. .lx.

g t. Bein hins heilaga Luce ewangeliste voru flutt i Miklagard med helgum dome Andree apostoli.

f l. e .l

cd p. Julianus nidingr Claudius rikti .ij. ar. man. viij.

b g.

a .g Jouinianus rikti viij. man.

g m. Valentianus ok Valens .xi. ar. ok var Valens Surleus sidan paue .xviij. ar. ok var villumadr ok brendr i elldi.

fe .l Damasius papa rikti .xxx. ok atta ar.

d .c

[370] c h. Cristz ar .ccc. .lxx. Andadiz Hilarius byskup af Peituborg ok var agætr af kenningum sinum ok jarteinagerd.

b .h Adalrikr konungr Gothorum gerde vfrid cristnum monnum.

af t.

f l. Valentinianus sigradi Saxa i Fraklandi.

e .d

d p. Vigdr heilagr Martinus til Turonisborgar.

cb g.

a .g Valentinianus keisari do med þeim atburd at ædr hans sprack ok vard eigi blod stemt.

g m. Valens brodir Valentiniani med Gratiano ok Valentiniano brodur sinum.

f .m Andadiz Athanasius byskup i Alexandria er componeradi quicumque uult .iij. ar.

[380] ed .c Cristz ꜳr .ccc. .lxxx.

c h. Gratianus son Valentiniani var valdr til keisara med brodur sinum Valentiniano var hann keisari .vj. ar.

b .h

a v. Andadiz Basilius hinn mikli byskup i Cesarea.

gf d. e .d.

d q. Kennimanna fundr fiolmennr i Miklagardi ad radi Damasi papa. voru þar | .c. ok .l. byskupa ok vtal annarra kennimanna. þar var Macedonius villumadr fyrirdæmdr.

c .q Theodosius hinn yngri var keisari eftir andlat Gratiani. ok rikti .xj. ar.

ba v.

g m. A þessu ari var fæddr i Emaus a Jorsalalandi sueinn sa er tuiskiptr var vpp fra nafla ok hafdi .ij. briost ok .ij. hofud ok .ij. skilningar(vit). ok þa opt er annar ꜳt ok drack ꜳt annar ecki ne drack. ok stundum vakti þa annar er annar suaf. stundum borduz þeir sin a milli. þeir lifdu nær .ij. vetr ok lifdi annar fiorum dogum lengr enn annar.

[390] f m. Cristz ꜳr .ccc. .lxxxx.

e r. Hinn helgi Augustinus byskup var skirdr af Ambrosio byskupi ok sneriz fullkomliga fra Manicheorum.

dc h. Hofud Johannis baptista var flutt til Miklagardz af Theodosio keisara.

b .h Johannes einsetumadr birtiz.

g e.

fe .d Sirinus papa .xv. ar. Paula ok Eustachia dottir hennar gerduz Cristz ambattir vid Bethleem.

g e.

fe .d Andadiz Thomas didimus i Alexandria.

d q.

c .i Archedius ok Honorius synir Theodosij riktu .xiij. ꜳr.

b .a

[400] ag m. Cristz ar .cccc. andadiz Marteinn byskup Turonisborgar.

f .e Andadiz Ambrosius Mediolanensis.

e r. Vigdr Anastasius papa ok rikti .iij. ar.

d i.

cb .h Kennimanna fundr i Alexandria moti kenningu Origenis.

a n. Vigdr Jnnocentius papa ok rikti .iij. ar. Hann dæmdi Pelagium ok Celestinum villumenn.

g .n

f .e Seuerus Sulphicius gerdi bok af lifnadi heilaga Martini.

ed i. Sincius papa .xv. ar.

c .i Jon gullmunnr crisostomus var rekinn af patriarchastol sinum i Constanstinopoli ok sendr i vtlegd af Archadio keisara syni Archadij konungs af atkalli Eudexio konu hans. ok þar do hann. þa var Archadius konungr banns(ettr) af Jnnocentio papa.

[410] b .a Cristz ar .cccc. .x.

a f.

gf .e Honorius brodir Archadij ok Theodosius sonr Archadij r(iktu) .xv. ar.

e r. Zesimus papa eitt ar.

d b.

c .b Bonifacius papa .iij. ar.

ba n. Valentinianus ok Theodosius riktu .ix. ar.

g .n

f s. birtiz heilagr domr Stephani.

e k. Franzeisar skipudu ser konung Pharamund sun Marthomiri. hann rikti .xvj. ar.

[420] dc .i Cristz ar .ccc. .xx. Celestinus papa viij. ar. Nidrbrot Rema af Hilario konungi Gothorum.

b o. Andadiz Bonifacius papa .viij. kal. septembris.

a f. Franzeisar skipudu ser laug.

g .f Andadiz sanctus Jeronimus prestr i Bethleem ꜳ atta ari hins tiunda tigar alldrs sins. hann færdi biblo af ebrescu i latinu. enn margir hafa fært biblo or ebreseu i girzscu. J þann tima var sendr til Skotlandz Patrekr sun Choel systur Marteins byskups. hann cristnadi Jrland. þa var ok kennimanna fundr.

fe r. Theodosins einn saman rikti .vj. ar ok .xx.

d .k A þessum tima kom einn fiandi a fund Juda vt i Kipr ok sagdiz vera Moyses ok baud þeim at leida þa yfir hafit ok a Jorsalaland. enn þeir trudu honum ok geingu a hafit med honum ok tynduz flestir. enn þeir toku tru er litit þagu.

c .b Andadiz sanctus Augustinus i Affrica agætr kennimadr. hann gerdi mar(gar) bækr.

b o. Theodosius Archadius brodursun Theodosij magni var einn saman keisari .vj. ar ok .xx. enn adr rikti hann med Honorio faudurbrodur sinum .xv. ar.

ag .n Eudoxia kona Theodosij færdi helgan dom Stephani til Roms.

f s. Sixtus papa viij. ar.

[430] e k. Cristz ar .cccc. .xxx.

d .k Leo papa .i. ar ok .xx.

cb o. a f. g .f | f l. de .k c .b b g. a .g

[440] gf s. Cristz ar .cccc. .xl.

e c. d .c c p. ba .o g t.

f l. Andadiz sanctus Brictius byskup Turonisborgar.

e .l

dc .b Vauknudu .vij. sofendr eptir .c. .lxxxx. ok .ij. ar sins suefns ok at sannadri ok styrktri tru sannrar vpprisu þa sofnudu þeir med drottni vid Effesum. Vigdr Eystochius byskup yfir Turonem enn næsti eftir Brictium byskup.

b g.

[450] a .g Cristz ar .cccc. .l.

g t. fe c.

d .c Martinianus ok Valentinianus riktu .vij. ar. J þann tid fanz hofud sancti Johannis baptiste a Jorsalalandi sem hann sialfr visadi til munkum .ij.

c p.

b .p Hinn fimti kennimanna fundr i Kalcedonia. a þeim fundi var Leo papa ok med honum .dc. ok .xxx. byskupa. þar var Euticen villumadr fyrirdæmdr.

Ag t.

f l. Jlarius papa .vj. ar.

e .l

d q. Leo hinn elldri var keisari .vj. ar er kalladr var Bessica. hann var coronadr af Anatholio patriarcha. þa var tekinn or iordu heilagr domr Martini byskups. þa birtiz Simeon standandi i stopli i Antiochia.

[460] cb g. Cristz ar .cccc. .lx. Leo rikti .xvj. ar.

a .g Sunplicius papa .xv. ar.

g m. f .m ed .c c h. b .h a v. gf l. e .d

[470] d q. Cristz ar .cccc. .lxx.

c h. ba .g g m. f .m e r.

dc h. Zeno magr Leonis keisara rikti .xvij. ar.

b .h a v.

g e. Þa fanz likami Barnabe apostoli ok gudspiall Mathei postula af sialfum honum ritad eftir sialfs hans tilvisan. J þann tima eignadiz Theodoricus Gothorum Romam. hann var vafidr i Arrius villu.

[480] fe .d Cristz ar .cccc. .lxxx.

d q.

c .q A þessum tima var Þidrekr konungr. Felix papa .ix. ar ok .xi. man.

b .a ag m. f .m e r. d i. cb .h a n. |

[490] g e. Cristz ar .cccc. .lxxxx.

f e

ed q. Anastasius keisarig rikti. .xx. .vij. ar. hann var vafidr i Euticius villu.

c .i b .a a f. gf .e e r. d .i c .b

[500] ba n. J þenna tima var skirdr Chlodoueus hinn fysti Fracka konungr af Remigio erchibyskupi af Reinsborg þuiat hann bardiz vid þyuerska menn.

g .n Þa var Ormhillda pafe.

f .e

e k. Anastasius papa .ij. ar.

dc .i b .a

a f. Simachus papa .xv. ar.

g .f fe r.

d b. Andlat Benedicti ꜳbota.

[510] c .b Cristz ar .d. ok .x.

b o.

ag .n Hormista papa .ix. ar.

f s. e k. d .k cb o. a f. g .f

f l. Justinus hinn elldri rikti viij. ar. A hans dogum suelti Theodoricus konungr Johannem paua i hel ok hann drap .ij. hofþingia romuerska. annan Simachum ok Boetium. Litlu sidar vard Theodoricus braddaudr.

[520] ed k. Cristz ar .d. .xx.

c .b Johannes papa .ij ar.

b o. a .g

gf s. Felix papa .iiij. manadi.

e k. Frakland fyst cristnat. þa uar Jonn pafi yfir Romuerium ok hann cristnadi Frakland.

d .k

c p. Bonifacius papa .ij. ar.

ba f. Justinianus hinn mikli rikti .xxx. ok viij. ar. hann let gera lỏgbok þa er heitir Codex Justiniani ok adra Nouellum. Hann let gera i Miklagardi hina agætuzstu kirkiu er heitir Agiosophia.

g .f

[530] f l. Cristz ar .d. .xxx.

e .l

dc .b Jncipit ciclus Dionisij abbatis.

b g. a .g g t.

fe c. Jartegn sællar Marie vid Theophilum i Sikiley.

d .c c p. b .p

[540] ag t. Cristz ar .d. .xl. Johannes papa .ij. ar.

f l. Hofz hatidarhalld purificationis Marie virginis i Miklagardi. þa var þar manndaudr mikill.

e .l Var sen cometa ok syndiz himinn brenna i hioli ok fell blod or himni ok kom eftir manndaudr mikill. Andadiz Arthurus Engla konungr ok Theodora drottning.

d q. Vard landskialfti mikill vm allan heim.

cb d. Agapitus papa eitt ar ok .ix. manadi.

a .g Seueri(n)us papa .ij. ar.

| g t. Vigilius papa .xvij. ar.

f d. Enn setti kennimanna fundr var settr i Miklagardi af Vigilio papa moti villu Theodori ok ollum odrum villumonnum.

ed .c c p.

[550] b .p Cristz ar .d. .l.

a v.

gf l. Andlat Artus ens rika Engla konungs.

e .l Landskialfti vard i Miklagardi ogurligr ok odrum nalægum borgum ok hellz .xl. daga.

d q. c h. ba .g g m. f .m

e .d Syndiz a himni figura vaxin sem spiot.

[560] dc h. Cristz ar .d. .lx.

b .h a v. g e.

fe .d Pelagius papa .ix. ar.

d q. Justinianus enn minni sonarson Justiniani hann rikti .xi. ar.

c h. b .a ag m. f .m

[570] e r. Cristz ar .d. .lxx.

d l. Þa var Gregorius sendimadr Pelagii papa til Miklagardz.

cb .h

a v. Johannes papa .xiij.

g e. Tiberius Constantinus rikti .xij. ar.

f .e

ed q. Gregorius skirdi bok Johannis sua sem papa baud.

c .q b .a a n.

[580] gf .m Cristz ar .d. .lxxx.

e r. d i.

c .i Mauritius rikti eitt ar ok .xx.

ba n. g e. f .e e k.

dc .i Enn heilagi Gregorius samsetti Omelias .xl. De Job .xxx. ok .v. Jn Ezechiele .xx. Pastoralie. Librum dialogorum et Antiphonarium nocturnalem et diurnalem. Gregorius var papa .xiij. ar ok .vj. man.

b .a

[590] a f. Cristz ar .d. .lxxxx.

g .f fe r. d i. c .b b o.

ag .n Gregorius papa sendi Augustinum byskup at cristna England. hann hafdi byskupsstolinn i Cantia.

f .e e k. d .k

[600] cb .a Cristz ar .dc.

a f. g .f f s.

ed b. Focas rikti viij. ar.

| c .b Andadiz Gregorius papa.

b o. Fabienus papa eitt ar.

a .o Bonifacius papa viij. man.

gF S. Bonifacius papa vl. ar viij. man. Vpphaf gomlu alldar.

e k. J laug leidd allra heilagra messa af Bonifacio papa ok Foca keisara.

[610] d .k Cristz ar .dc. .x.

c p. ba f.

g .f Heraclius rikti .xx. ok .vij. ar. hann drap Kosthroum konung ok tok af honum crossinn helga er hann hafdi adr hertekit or Jorsalaborg ok flutti Heraclius hann aftr i sama stad. ok þar af er halldin crossmessa a haustid.

f l.

e l. Deus dedit papa .iij. ar.

dc .b b o.

a .g Bonifacius papa .v. ar.

g t.

[620] fe k. Cristz ar .dc. .xx.

d .k c p.

b .g Seuerinus papa .ij. man.

ag .f Honorius papa .xx. ar. Keolerik konungr Englands rikti .vj. ar.

f l. e .l d .c

cb g. Ysoderus byskup spanlenzskr skein i kenningum. Eduin Engla konungr var skirdr af Paulino byskupi a .xi. ari rikis sins. þa var lidit .c. ok .lxxx. ara fra þui er enskir menn vnnu Bretland.

a .g

[630] g t. Cristz ar .dc. .xxx. Cheoleulf konungr i Englandi rikti .xiij. ar. Eraclius flutti crossinn sem fyr segir.

f d. ed .c c p. b .p a v. gf l. e .l d q. c h.

[640] ba .g Constantinus son Heraclij ok Eudoxio var keisari .iij. man. Sidan var Heraklonas med Martina modur sinne. hon hafdi drepit Constantinum med eitri.

g t. Cristz ar .dc. .xl.

f d. Constantinus son hins fyrra Constantini rikti viij. ar ok .xx.

e .d Pining Osualdi konungs sonar Elphrads konungs Nordimbra i Englandi.

dc p. Kenigils Engla konungr brodir Cheleulfs rikti .xx. ok .xi. ar ok var skirdr af Birino byskupi. þenna sendi Honorius papa at boda guds erendi. a þui ari andadiz Honorius papa en vigdr var Johannes papa ok rikti eitt ar.

b .p Vigdr Martinus papa.

a v. Constantinus let færa Martinum pafa i vtlegd ok þar do hann.

g m. fe .l d q.

[650] c h. Cristz ar .dc. .l.

b .h Osuenus konungr brodir hins helga Osualldz var veginn i Bretlandi.

ag m. f .m e d. d i. cb .h a v. g e.

f .e Eugenius papa .iij. ar.

ed q. Cristz ar .dc. .lx.

| c h.

b .a Vitalianus papa .xiiij. ar.

a n. gf .m e r. d i. c .i ba v. g e.

[670] f .e Cristz ar .dc. .lxx. Constantinus son Constantini hins fyrra var keisari med brædrum sinum Tiberio ok Eraclio ok Tiberio syni sinum .xvij. ar.

e r. dc .q b .a

a n. Kineualk rikte .xx. ok .xi. ar.

g .n fe r.

d i. Adeodetus papa .iij. ar.

c .i b o.

[680] ag e. Cristz ar .dc. .lxxx. Bonus papa .v. ar.

f .e e k. d .k

cb .a Vard sulltr ok manndaudr mikill a Syrlandi ok þa var færdr heilagr domr Benedicti ok Scolastice systur hans af Montacassin i Klumz i Franz.

a f. Andlat ens heilaga Nicholei archiepiscopi Mirrensisborger.

g .f Agatha papa .ij. ar.

f s. Justinianus son Constantini rikti .x. ar.

ed l. Pindr Kilianus byskup med felogum sinum. Sergio papa .l. ar.

c .b Leo papa .x. man.

[690] b o. Cristz ar .dc. .lxxxx. Benedictus papa .x. man. Jn þann tima var sanctus Cuthbertus i Englandi.

a .o Johannes papa eitt ar. Tiberius keisari rikti .vij. ar ok Absimarus.

gf .e Konon papa .xj. manadi.

e k. Sergius papa .xiij. ar.

d. k c .b ba f.

g .f Leo er odru nafni het Leontius .iij. ar.

f s. Elquine .ij. ar.

e c. Justinianus i annat sinn .vj. ar. hann let hoggua Leonem ok Tiberium er riki hans hofdu ser eignat.

dc .b Andadiz Cuthbertus byskup. Tiberius er odru nafni het Absimarus rikti .vij. ar.

b o. Þa var Constantinus papa i Roma.

a .o Philippus rikti .vij. ar ok drap Justinianum.

g t. fe k.

d .k Johannes papa .iij. ar.

c p. Justinianus rikti .vj. ar. Sexgurga drottning rikti i Englandi eitt ar.

b g. Eskuinie rikti yfir Englandi .ij. ar. Sisinnius papa .vj. ar.

ag .f

f l. Kineuino rikte yfir Englandi .ix. ar.

[710] e .l Cristz ar .dcc. .x.

d .c cb o. a .g g t. f l. ed .k c p.

b g. Theodosins rikti eitt ar. Kriduellda .iij. ar.

a .g Leo rikti .xv. ar ok .xx. Kiadualde .xxx. ok .vij. ar.

[720] gf l. Cristz ar .dcc. .xx.

| e .l A þeim dogum færdi Liudbrandr Lungbarda konungr bein Augustini vtan af Sardnia i Papiam ok let itarliga vm bua i Petrskirkiu.

d .c c h.

ba .g Tiberius rikti .vij. ar.

g t. f d. e .d dc p. b .p

[730] a v. Cristz ar .dcc. .xxx.

g m. Andadiz Beda prestr i Englandi.

fe .l Gregorius papa .x. ar.

d q. c h. b .k ag t. f d. e .d d q.

[740] cb .p Cristz ar .dcc. .xl.

a v.

g m. Andadiz Leo keisari. Fæddr Karlamagnus. Zacharias papa .x. ar.

f .e Constantinus son Leonis var keisari .xxx. ara .ij. man. .vj. ok .xx. daga.

ed q. c h. b .h a n.

gf .m Andadiz Bonifacius erchibyskup.

e .d

[750] d i. Cristz ar .dcc. .l.

c .i Sprack i sundr iord i Mesopotamia ok kom þar vpp kykuendi eitt vaxit sem mull ok sagdi fyrir med mannz mali aganga þioda or eydimorku Arabie.

ba v. Stephanus papa .v. ar.

g e. f .e e r. dc h. b .a

a n. Adalradr Engla konungr .xiii. ar.

g n.

[760] fe r. Cristz ar .dcc. .lx.

d i. Paulus papa .x. ar.

c .i b o. ag e. f .e e r. d .k cb .a

a n. Karlamagnus son Pippins konungs tok riki eftir fedr sinn i Fraklandi med Karolo brodur sinum ok riktu badir samen .iij. ar en Karlamagnus einn eptir þat .xl. ok .iij. ar.

[770] g .n Cristz ar .dcc. .lxx.

f s. Sighibert eitt ar. Stephanus papa .iiij. man.

ed i. Karlamagnus vann Jtaliam. Kinetulp .xxix. (ar).

c .i Adrianus papa .xxij. ar.

b o. a f.

gf .e Leo Adrianus son Constantini rikti .v. ar.

e k. d .k c .b

[780] | ba f. Cristz ar .dcc. .lxxx.

g .f Hirene rikti med syni sinum .x. ar.

f s. e c. dc .b b o. a .o g t.

fe k. Constantius rikti .vij. ar.

d .k

[790] c .b Cristz ar .dcc. .lxxxx.

b g. ag .f f s. e c.

d c. Leo papa .xx. ar. man. .v. .xij. daga.

cb o. Hirena drottning rikti annat sinn .v. ar.

a .o Romanorum Jnperalis.

g t. f l.

[800] ed .k Cristz ar .dccc.

c p. Karlamagnus Fracca konungr son Pippins konungs var vigdr til keisara yfir Roma ok krunadr af Leone pafa a enu .xiij. ari ok .xx. rikis sins. Hann var keisari .xiij. ar ok kalladr þa Karlamagnus Augustus. Hann var fystr keisari fyrir nordan fiall.

b g. Nichiphorus .x. ar.

a .g Sidan Pippin tok konungdom yfir Romuerium at vilia Stephani pafa hurfu þeir vndan Miklagardz konungi ok hafa alldri vndir vorit sidan.

gf l. Briktricus .iij. ar.

e .l d .c c h.

ba .g Var fluttr likami Bartholemei postula af eyinne Libertania i Benevent.

g t. Hofz riki Ragnars lodbrokar.

f l. Cristz ar .dccc. .x. Drap Fridreks Frisa hofþingia ok Gudraudar Jota konungs.

e .d

dc p. Segia sumir her hefiaz riki Ragnars lodbrokar.

b g. Andadiz Karlamagnus keisari. Hloduer Lodouicus hinn milldi son hans var keisari eftir hann .xx. ok .vij. ar.

a .g Andadiz Leonis tertius papa. Vigdr Stephanus papa i Romaborg. þessi hinn milldi paui for til Fraklandz ok frelsti þadan marga hertekna menn ok sendi þa aptr til sinna fostrlanda. enn at lidnum .vi. manudum huarf hann aptr til Romaborgar ok tok sott þa er hann leiddi til dauda.

g m. Paschalis papa.

fe .l

d .c Robertus .xxv. ara Stephanus papa.

c h. b .h

[820] ag t. Cristz ar .dccc. .xx. Vigdr Pascalis papa. Hann fann helgan dom Cecilie meyiar eftir hennar tilvisan vafdan gulligum dukum rodnum i hennar blodi ok færdi hennar helgan dom ok helgan dom Valeriani festarmannz hennar ok Tiburtij brodur hans ok Maximi ok Vrbani paua i kirkiu þa hina somu er hann hafdi smidat þeim til dyrdar.

f f. J Tyrklandi syndiz einn hrædiligr hoggormr Cespes med .l. fota aftr en halfum þridia tigi fram. Jn Saxonia tellus in modum aggeris limite unius (leuge) intumuit.

e .d

d q. Eugenius papa .iiij. ar. Þa var i Fraklandi sua mikil hrid vm sumarit vm solstodu skeid at sua mikit frodamæti fell or loptinu med hagli at eigi var skemra en .xvj. fota langt enn .vj. fota breitt en .ij. fota þykt.

cb .p Haralldr Dana konungr var skirdr af Lodue Ludouico keisara med konu sinni ok sonum i borginni Meyinzsu ok siþan þa hann i len part af Frislandi med odrum sæmdum.

a v. g m.

f m. Valentinus papa .xi. ar. J Vaskonie rigndi or lopti kornum þeim er likuzst | voru hueiti vtan þat at þau voru nockuru skemri.

ed q. Hofz missætti ok ofridr medal Hloduers keisara ok sona hans ok annarra rikismanna.

c h. Gregorius papa.

[830] b .h Cristz ar .dccc. .xxx.

a n. Eugenius papa .iiij. ar.

gf d. Vigdr Augustinus byskup hinn fysti erchibyskup yfir Hamsborg.

e .d

d q. Skipadr Lodouicus keisari at bodi Gregorij papa ok med samþycki annarra byskupa at hatidardagr allra heilagra skylldi halldinn vera i vpphafi Nouembris manadar a Fraklandi ok Germania eftir þui sem Roma helldr eftir skipan Bonifacij pafa.

c .i

ba v. Nordmenn or Vallandi heriudu j Frakland ok toku mikinn skatt af Frisum.

g m.

f .e Sætt Lodouici keisara ok Lotharij soner hans. Drap Ragnars sona.

e r. Andadiz Loduer Lodouicus keisari.

[840] dc h. Cristz ar .dccc. .xl.

b. h Lotharius son Lodouici rikti .xvj. ar ok .xx.

a n. Bardagi med Lothario keisara ok brædrum hans Karoli ok Lodouia ok hofdu þeir sigr. þa var brend Hamsborg.

g .n

fe .d Sergius papa .iij. ar. Karolus hinn skỏllotti son Lodeuici keisara var konungr yfir Fraklandi .xviij. ar ok .xx. Lodouicus brodir hans var konungr yfir Germania .xiij. ar ok .xx.

d i. Drap Ragnars lodbrokar.

c .i Leo papa viij. ar.

ag e. Fæddr Haralldr hinn harfagri.

f .e

[850] e r. Cristz ar .dccc. .l.

d b.

cb .a Benedictus papa .ij. ar. Adelulphus rikti .i. ar .vj. man.

a n.

g n. Adalualldus rikti .v. ar i Englandi.

f s. A þessu ari kom elldr or himni ok vard fyrir einn madr ok brann sa allr enn klædi hans voru eftir obrunnin. Lotharius keisari skipti riki med sonum sinum fyrir þa sok at hann hafnadi heime ok geck i klaustr ok andadiz siþan.

ed i. Hinn helgi Jathmundr var konungr i Englandi .xiij. ar enn Lodouicus sun Lotharij var vigdr til keisara af Sergio papa. hann rikti eitt ar ok .xx. enn Lotharius hafdi Lothori(n)giam.

c. a Nicolaus papa .iij. ar.

b o. Vpphaf rikis Haralldz harfagra.

a f. Adalbrict brodir Adalulfs .v. ar rikti hann i Englandi. Orosta Guthorms ok Hareks Jotakonungs. þar fell allt konunga kyn nema sueinn einn er Harekr het.

gf .e De cronica Bremensium.

e r. Juar beinlausi kom i England. Adalradr Engla konungr rikti .v. ar. Vigdr Rembertus byskup. A þessum tima rikti Sigfredr med Halfdani brodur sinum i Danmork. J þenna tima voru vppi margir konungar þeir er striddu a Frakland ok voru bædi ættadir af Noregi ok Danmork. Sigfredr Eirekr Hiordungr Rodulfr ok Ynguar edr Juarr sen Ragnars lodbrokar er var grimazstr.

d .k c .b ba n.

g .n Andadiz Ansgarius byskup Hamborgar.

f s.

e k. Adrianus papa .v. ar.

dc .i Vard Haralldr hꜳrfagri einualldzkonungr yfir Noregi.

b o. Elfradr riki styrdi Englandi .vij. ar (ok) .xx. daga(!) .vj. man.

[870] a f. Cristz ar .dccc. .lxx. Pining sancti Jathmundi Engla konungs. Jngolfr Arnarson kom til Jslandz.

g .f Andadiz Eirekr Suiakonungr. Biorn son hans tok riki ok styrdi .l. ara. Andadiz Hlỏduer konungr.

fe k. Basilius Girkia konungr sendi Lodovico (regi) Germanorum margar ok mikils verdar præsentur. ein af þeim var mikill partr af crossi drottins ok medal annarra luta var ein(n) cristallus vndarliga mikill pryddr gulli ok gimsteinum.

d .k Johannes papa.

c .b Sua er sagt at i þenna tima rigndi blodi .iij. daga ok .iij. nætr i Brixie | i Jtalia ok þa kom fyrir nordan fiall i Franz herr af locustis þeim er hofdu .vj. vængi ok .ij. fætr ok .ij. tenn steini bardari. ok eyddi þetta miok landit ok þar fylgdi sultr sua mikill at nær do þridiungr af ollu folki.

b g. Johannes papa .x. ꜳr.

ag .f Andadiz Lodouicus keisari.

f s. Eptir andlat Lodouici keisara sonar Lotharij for Karolus hinn skollotti Fraka konungr fodurbrodir hans til Roms ok vard vel vingadr af Romuerium sakir margra godra giafa er hann veitti þeim ok vard siþan vigdr til keisara af Johanne papa ok var keisari .ij. ar. Þa syndiz cometa su er skein ok var geislandi ok kom eftir mikill ok voueifligr vatna voxtr j Junio manadi sua at eitt mikit þorp er var i Saxlandi þat er fiarri var anni ok forsum tok vt af vatnaganginum med monnum ok kuikfe dyrum ok alldintriam husum ok herbergium ok kirkium sua vandliga at med ollu sꜳz engi likendi til at þat herat hefdi adr bygt verit.

e c.

d .c Karl konungr son Lodouici konungs Germanorum tok keisaradom ok var keisari .ij. ar. þa vard missætti med Johanne papa ok Romuerium sua at þeir toku hann ok kostudu inn. enn þat stodadi ecki þuiat hann komz vt ok flydi a brot af Roma ok for i Franz.

[880] cb o. Cristz ar .dccc. .lxxx. Sol vard myrk a niundu tid dag(s) sua at sa stiornur a himni. þa andadiz Lodouicus. Eftir hann voru konungar i Fraklandi Karlamagnus ok Lodouicus brædr Karoli hins yngra.

a .o Karolus hinn yngri var vigdr til keisara af Johanne papa i Romaborg ok var keisari .x. ar. adr hafdi hann konungr verit .ij. ar.

g t.

f l. Karl keisari heriadi Nordmandi. Andadiz Lodouicus Fraka konungr.

ed .k

c .b Andadiz Karolus Franka konungr.

o g. Karolus keisari tok riki i Fraklandi .v. ar. ok reis i moti ofridi Nordmanna. Marinus papa .i. ar. Godefridus konungr Nordmanna var drepinn med flærd af keisara. Andadiz Basilius keisari i Miklagardi. Leo son hans var keisari .vj. vetr.

a. g Settuz Nordmenn vm Paris. Gongurolfr vann Nordmandi.

gf s. Karolus matti eigi reka af ser ofrid Nordmanna ok sættuz þeir.

e c. Leidzla Karla keisara.

[890] d .c Cristz ar .dccc. .lxxxx. Karl keisari fyrirleet riki sitt.

c p. Arnulphus son Karlomagni konungs brodurson Karoli keisara var þa keisari .xij. ar. Nordmandi brendu borgina Tetras ok eyddu landit allt til þeirra borga er sua hetu Virdunum ok Tullium.

ba .o Odo son Rodbertz var þa konungr yfir Franz .v. ar.

g t. Adrianus papa eitt ar.

f l. Stephanus papa .vj. ar.

e .l dc p.

b g. Karolus son Lodeuici stama rikti yfir Franzeisum .xx. ok .vij. ar. Gongurolfr son Rognualldz jarls tok tru af ordum Karls Franka konungs. Siþan gifti konungrinn honum dottur sina er Gilla het ok tok med henni allt Neustriam. er þat mikit riki. Hann var fystr hofþingi ok hertugi yfir Nordmandi ok var þa kalladr Robertus. þa var Eduardr konungr yfir Englandi .xx. ok .iiij. vetr.

a .g Haralldr harfagri skipti riki med sonum sinum.

g m.

[900] fe .l Cristz ar .dcccc. Formosus papa .v. ar.

d .c

c h. Arnulfus keisari andadiz af lyski. Stephanus papa .iij. ar. Orosta Arnalldz ok Dana ok fellu margar þushundir.

b .h Lodouicus son Arnulphi keisara rikti .x. ar. A þui var Theodorus papa. þar næst Johannes.

ag t. Benedictus papa .ij. ar. Haralldr blaton Gormsson tok riki i Danmork.

f l. Leo papa. þenna Leonem tok Cristophorus prestr hans ok setti i myrkuastofu eftir .xxx. (daga) vigslu Leonis. at .ij. manadum lidnum andadiz hann. þessi Cristiphorus vard siþan papa .vij. man.

e .d Sergius papa .vij. ar.

d p. cb g. a .g

[910] g m. Cristz ar .dcccc. .x.

f m.

ed .c Andadiz Lodouicus konungr Germanie hann feck eigi keisara vigslu sakir marg(r)ar fiolskylldu.

c h. Konradr son Konrads hofþingia tok riki ok red .vij. ar. Hann feck eigi keisara vigslu.

b .h

a v. Anastasius papa .ij. ar.

gf d.

e .d Lande papa .vij. ar.

d q. Fæddr Hakon Adalsteins fostri. Andadiz Þorolfr Mostrarskegg. fæddr Þorsteinn þorskabitr son hans.

| c q. Andadiz Konradr konungr. Johannes papa .xiiij. ar.

ba v. Heinrekr s(onar)son Othonis hertuga af Saxlandi rikti .xviij. ar .vij. man.

g m.

f .m Andadiz Biorn Suia konungr. Eirekr sigrsæli ok Olafr son hans toku þa riki.

e r. Kom af blodi drottins til Englandz. þat var þesshattar blod sem fram flaut af likneski drottins þui sem Gydingar pindu a Syrlandi.

dc h. Johannes papa var settr i myrkuastofu af riddorum Gundonis. Siþan var hann þrongdr med þeirri pisl er ceruicale heitir er var vafit at munni honum hægindi.

b .h Rodolfr son Rikgardar hertuga Borgundie var kosinn til konungs yfir Frakland ok rikti .xiij. ꜳr.

a n.

g e. Vlfliotr kom med log til Jslandz.

fe .d Haralldr harfagri gerdi Eirek blodaux son sinn yfirkonung annarra sona sinna. Fæddr Haralldr grafelldr son Eireks.

d q.

[930] e .i Cristz ar .dcccc. .xxx. Rafn Hængsson tok lỏgsogn a Jslandi.

b .a Andadiz Haralldr harfagri. Eirekr blodaux tok riki i Noregi.

ag m. Fall Gudraudar ok Olafs konungs sona Haralldz harfagra. Leo papa.

f .e Hakon Adalsteins fostri kom i Noreg ok tok þar konungdom ok gaf konungsnafn Tryggua ok Gudrodi.

e r. Otto son Heinreks konungs feck dottur Edmundar Engla konungs. Eirekr blodỏx uard landflotti or Noregi fyrir Hakoni brodur (sinum).

d i. J borginne Gemmse spratt vpp brunnr ok flaut or laugr litr sem blod. Þat bodadi fyrir yfirgnæfanda nidrbrot fyrr nefndrar borgar ok var nidrbrotin a þui ari af Affrikanis. Edmundr brodir Adalsteins konungs var konungr .vj. ar ok .xj. man. Stephanus papa .ij. ar. Vtkuoma Þorbiarnar surs.

cb .h

a n. Andadiz Heinrekr keisari ok var grafinn i fialli einu ok or þui sama fialli gaus vpp jardelldr i morgum stodum med ogurligum loga.

g .n Otto sun Heinreks keisara ok Matthilldar dottur Thiodreks Saxa konungs var keisari .xviij. ar ok .xx. Andadiz Rodolfr Franka konungr. Lodouicus son fyrr nefndz Karoli tok þa riki eftir hann ok styrdi .xvij. ar. Fæddr Þorgrimr fadir Snorra.

f .e Johannes papa .iiij. ar.

[940] ed i. Cristz ar .dcccc. .xl.

c .i Edradr .ix. ar ok .vj. vikur.

b .a Vig Þorkels soner Sigmundar er Vigaglumr vỏ.

a f. Leo papa .iij. ar. Vilhialmr son Gongurolfs var suikinn i Fraklandi ok veginn af Aldoni er audru nafni het Sirto. son þessa Vilhialms var Rikgardr.

gf .e

e r. Stephanus papa .iij. ar.

d b. Jathuighr rikti .iij. ar.

c .b

ba n. Marinus papa. .iij. ar.

g .n Jatgeir .xvj. ar. Otto keisari heriadi i Danmork. Þa var skirdr Haralldr Gormsson ok Gunnhilldr kona hans ok Sueinn son hans.

[950] f s. Cristz ar .dcccc. .l. Eduigr rikti .iij. ar. vard Þorarinn Ragabrodir logmadr a Jslandi.

c k. Agapitus papa .x. ar.

dc .i

b o. Fall Gamla konungs. Edgeir brodir Eduigs rikti .xvj. ar .ij. man. .ij. daga.

a f. J Jtalia syndiz cometa med vndarligum mikilleik. kom eftir sultr mikill.

g .f Andadiz Lodouicus Franka konungr.

fe r. Johannes papa t' .xxxi'.

d k. Fæddr Haralldr grænski.

c .b Synduz krossar a klædum manna. Sueinn tyiuskegg tek riki ok striddi vid fedr sinn.

b o.

[960] ag .n Cristz ar .dcccc. .lx. Fall Hakonar Adalsteins fostra. Haralldr grafelldr Eiriksson ok brædr hans toku riki.

f s. Johannes papa .ix. ar.

e k. Drap Sigurdar Hladaiarls. Vpphaf rikis Hakonar blotiarls Sigurdarsonar. Blundketils brenna.

d .k Var koronadr Otto hinn mikli keisari. hann braut Danavirki. Drap Þorgrims faudur Snorra.

cb o. Fæddr Snorri godi.

a f. Andadiz Tungu Oddr ok Þordr gellir.

g .f Eduardr rikti .iij. ar.

f l.

ed .k Drap Gudrodar konungs Biarnarsunar ok Tryggua konungs Olafssunar. enn fæddr Olafr Trygguasun.

cc .b Benedictus papa .ij. ar.

[970] b g. Cristz ar .dcccc. .lxx. Vard logmadr Þorkell mꜳni. Leo papa .i. ar.

a .g Johannes papa .vj. ar.

gf s. Compositio libelli Helphoidei.

| Adelradr brodir Eduardi .xxx. ok atta ar.

d .c Vig Broddhelga. Otto hinn raudi .x. ar.

c p. Fall Haralldz konungs grafelldar ok Gullharalldz Knutzsonar at Halsi i Limafirdi. Oaulld hin fyrri.

ba o. Einualld Hakonar blotiarls i Noregi.

g t. Olafr Trygguason kom i Gardariki. Orrosta a Dinganesi. Benedictus papa eitt ar.

f l. Voru senar elldinger fylkingar a himni vm alle nott .v. kal. Nouembris.

e .l Fæddr Þorkell Eyiulfsson. Bonifacius papa .i. ar.

[980] dc .b Cristz ar .dcccc. .lxxx. Bonifacius papa .i. man.

b g. Fridrekr byskup kom til Jslandz. Benedictus papa .ix. ar.

a .g Haralldr Gormsson heriadi i Noreg.

g t. Hrisateigs bardagi.

fe c. Kirkiugerd Þoruards Spakbauduars sunar. Otto hinn yngri .xviij. ar.

d .c Vtanferd Fridreks byskups. Fall Haralldz Gormssuner. Þorgeirr legifer.

t p. Lodouicus rikti i Franz .i. ar. Olafr Trygguason for or Gardariki. Bygging Grænlandz.

b .p Hugi Tapiz rikti i Franz .ix. ar. Vig Geitis.

ag t. Andadiz sanctus Dunstanus erchibyskup i Cantia. Adaldagr Brimabyskup.

f l. Bardagi i Boduarsdal. Johannes papa .viij. manadi.

[990] e .l Cristz ar .dcccc. .lxxxx. Johannes papa .iiij. man.

d q. Johannes papa .x. ar.

cb g. Olafr Trygguason var skirdr i Syllingum.

a .g Orrosta a Hiorungavogi.

g m. Drap Haralldz grænska faudr Olafs ens helga.

f .m Fæddr Olafr hinn helgi. Vpphaf rikis Olafs Trygguasonar i Noregi. Drap Hakonar blotiarls.

ed .c Olafr konungr bodadi cristni i Vik austr. Vig Arnors or Skogum.

c h. Olafr konungr sendi Þangbrand prest til Jslandz at boda cristni. Bardagi i Eyuindardal.

b .h Olafr hinn helgi skirdr. cristnadir Þrændir. Fæddr Knutr hinn riki.

a v. Drap Gudraudar konungs Eirekssunar. Olafr konungr cristnadi Halogaland.

[1000] gf l. Cristz ar .m. Vpphaf rikis Jatmundar konungs en(s) helga Engla konungs. Fall Olafs konungs Trygguasunar. Þa var enn mesti landskialfti i vtlondum. Þa var kristni logtekin a Jslandi. Vard logmadr Grimr or Skogum. Andadiz Otto enn þridi keisari. Eirekr jarl ok Sueinn jarl Hakonarsynir toku riki i Noregi. Andadiz Hugi Tapiz Franka konungr. Rodbert son hans rikti i Franz .xxx. ara. Vrdu vndr at Froda.

e .d Nials brenna.

d q. Gregorius papa eitt ar. Brians orrosta a Jrlandi.

c h. Johannes .i. ar. Heinrekr keisari rikti .xxij. ar. Drap Kiartans Olafssunar. And(adiz) Grimr logmadr.

ba .g Siluestr papa .x. ar. Andlat Otto vnga. Þorfinnr jarl Sigurdarson rikti i Orkneyium .lij. ar. Vard Skapti Þoroddzsun logmadr. Vpp(haf) rikis Knutz hins rika.

g m. Andadiz Sueinn tiuguskegg.

f .m Johannes papa .v. ar. Olafr konungr ste a herskip. Vig Bolla.

(e R. Olafr hinn helgi for i hernad. Orrosta Olafs konungs ok Sota vikings. Olafr konungr var i Leginum i Suiþiod.)

dc h. Olafr enn helgi ok Adelradr vnnu Lundunaborg. Veginn Vigastyrr.

b .h Jatmundr rikti .ix. ar. Sergius papa .iiij. ar.

[1010] a v. Knutr riki rikti .xx. ok .ix. ar. Vig Hallz Gudmundarsonar. Cristz ar .mx.

g e. Bardagi a Þinguelli. Knutr Dana konungr heriadi i England. Drap Jatmundar konungs.

fe .d Eirekr jarl for til Englandz ok vann Lundunaborg. Hakon jarl son hans tok riki i Noregi.

d q. Benedictus papa .i. ar. Andadiz Eirekr Hakonarson. Heidarvig. Olafr enn helgi kom or vestrviking.

c .q Olafr enn helgi kom i Noreg. Hakon jarl fanginn ok for or landi.

b .a Vpphaf rikis Olafs konungs ens helga. Bardagi fyrir Nesium. Drap Asgautz.

ag m. Drap Eilifs gautzska.

f .m Drap Hroa skialga Gudleiks girzska ok Þorgautz skarda. Fangnir .v. konungar a Vpplondum.

e r. Andadiz Sigurdr konungr syr. Biorn stallari Olafs konungs for til Suiþiodar ok gerdi sætt med konungum. Jngigerdr dottir Olafs konungs suænska var fest Olafi konungi. Brugdit sætt konunga. Hrærekr konungr kom til Jslandz.

d i. Olafr enn helgi feck Astridar dottur Olafs konungs. Drepinn Einarr jarl rangmunnr.

[1020] cb .h Cristz ar .mxx. Olafr konungr cristnadi Halogaland. Hrærekr andadiz ok Olafr Suia konungr en Onundr son hans tok riki.

a n. Þorfinnr jarl ok Brusi jarl gafu Orkneyiar i valld Olafs konungs. Fæddr Magnus godi.

g e. Þa er ruduvetr. Rænt(r) Asbiorn selsbani. Andadiz Heinrekr konungr.

f e. Johannes papa .ix. ar. Konradr rikti .xiiij. ar. Druknadi Þorkell Eyiolfsson. Drap Selþoris. Olafr konungr cristnadi Vaurs ok Valldres.

ed q. Orrosta i Anne helgu. Drap Vlfs jarls. Drap Asbiarner selsbana ok Þorsteins Kuggasonar.

| c .i Knutr konungr kalladi til rikis i Noregi.

b .a Drap Karla. Fundr Olafs Noregs konungs ok Onundar Suia konungs i Elfui. Fall Erlings af Jadri. Drap Þoralfs or Dimun.

a f. Orrosta med Olafi konungi ok Knuti konungi enum rika.

gf e. Knutr enn riki kom i Noreg ok feck konungsnafn ok setti yfir Hakon jarl. Haurdaknutr tok konungdom i Danmork.

e r. Olafr konungr for i Gardariki. Tyndiz Hakon jarl Eirekssun.

[1030] d i. Cristz (ar) .mxxx. Fall Olafs konungs ens helga a Stiklastodum .iiij. kal. Augusti a miduikudag. Þa var hann halffertugr at alldri. Sueinn Alfifuson tok riki i Noregi.

c .b Kom vpp helgi Olafs konungs. Andadiz Snorri godi. Vard Steinn logmadr.

ba n. Fall Tryggua Olafssonar. Vigdr Alibrandr erchibyskup til Brima.

g .n Benedictus papa.

f .e Var Þorkell Eyiolfsson lỏgmadr.

e k. Andadiz Knutr enn riki. Magnus enn godi var tekinn til konungs i Noregi en Haralldr Knutzson i Englandi.

dc .i Vilhialmr bastardr vard hertugi fyrir sunnan sio i Nordmandi. Andlat Sueins konungs Alfiuusonar ok Haurdaknutz Dana konungs.

b .a Andadiz Gunhilldr dottir Knutz konungs.

a f. g .f

[1040] fe r. Cristz ar .mxl. Heinrekr enn milldi keisari rikti .xvij. ar. Andadiz Haralldr Knutzson Engla konungr en Hordaknutr brodir hans tok riki ok styrdi .ij. ar.

d b. Drap Adalsteins abota. Andadiz Ynguar vidforli. Andadiz Hordaknutr. Orrosta a Hlyskogsheidi ok brend Jomsborg. Eignadiz Magnus godi Danmork enn Jatuardr hinn helgi England.

c .b

b o. Pining ens helga Halluardi. Andadiz Adalbrandr erchibyskup i Brimum. Vigdr Adalbertus ok var erchibyskup .xxx. vetra. Magnus konungr atti orrostu vid Suein Vlfsson.

ag .n

f s. Benedictus papa. Heinrekr keisari enn mikli Konrꜳdsson rikti .xl. ok .ix. ar. hann atti Gunnhilldi dottur Knutz rika. Haralldr Sigurdarson kom til Suiþiodar. Helganesbardagi med Magnusi konungi ok Sueini Vlfssyni.

e k. Haralldr Sigurdarson kom til Noregs. þa gaf Magnus konungr honum halft riki vid sik i Noregi.

d .k Andadiz Magnus konungr godi. Einvalld Haralldz konungs Sigurdarsunar i Noregi enn Sueins konungs Vlfssunar i Danmork. Tekinn vpp heilagr domr Jatmundar konungs. Frostavetr enn mikli. Sua segir Sæmundr prestr enn frodi at þa væri sua mikil frost at vargur runnu a isi milli Noregs ok Danmerkr.

cb o. Gregorius papa .ij. ar.

a f.

[1050] g .f Cristz ar .ml. Clemens papa viij. ar. Drap Einars þambarskelfis ok Eindrida sunar hans.

f l. Damisius papa .v. ar.

ed .k Leo papa .v. ar.

c .b A þessu ari fanz likami Pallantis sonar Euandri i murnum med þessu letri.

Filius Euandri Pallas que(m) lancea Turni

Militis occidit more suo iacet hic.

Þat trua menn at þessi vers voru eigi þa dictud i fystu er Pallas var i vegginn lagidr. þuiat þa var nyfundit at eins latinustafrof. helldr hyggia menn at þau hafi ger verit af einu edr nockuru odru fornu skalldi. Sa likami var ridinn þeim smyrslum er þa natturu bera at þa er holldit þornar þa helldr et ytzsta skinnit saman sinunum en sinarnar beinunum ok nair ei funa. Mikilleikr sarsins þess sem var fyrir briosti hans honum veitt af Turno var halfs fimta fotar langt. loganda liosker fanz at hofdi honum. þat lios matti ei slockuaz fyrir nockurskonar ablæstri eigi fyrir adreifing nockurs vokua. helldr gerdi nockur madr glugg a lioskerinu ok let kueikinn verda þar vtdreginn. ok þegar sloknadi liosit er þat var gert. Likaminn var lagidr vid borgarvegginn ok var hann i sinum mikilleik hærri enn borgarveggrinn. Enn eftir lidna nockura daga var þessum likam kastad vt i regn. ok sua sem hann voknadi losnadi hann i sundr sem annarra manna likami bædi at skinni ok sinum.

b o. Vard Gellir logmadr.

a .g

gf s. Andadiz Heinrekr keisari enn milldi. Vigdr Jsleifr byskup til Jslandz son Gizsurar huita af Adalberto erchibyskupi i Brimum. hann var fystr byskup i Skalhollti. þa var hann halffimtugr at alldri. Oaulld i cristni. Fæddr Sæmundr enn frodi.

e k. Heinrekr keisari rikti .l. ara. Vtkuoma Jsleifs byskups Victor papa .ij. ar.

| d .k

c p. Nichulas papa .ij. ar.

[1060] ba f. Cristz ar .mlx. Stephanus papa .i. manud. Benedictus papa .vij. man. Andadiz Heinrekr Fraka konungr. Philippus son hans rikti .xl. ok .ix. vetr. Andadiz Bernardus hertugi af Brunsvik fadir Adalulfs hertuga er atti Vlfhilldi dottur Olafs konungs ens helga.

g .f

f l. J þenna tima var vigdr Alexander papa i Roma. hann var papa .ix. ar. Orosta fyrir Nizse med Haralldi ok Sueini.

e .l

dc .b Sætt Haralldz konungs ok Sueins konungs. Bardagi med Haralldi konungi ok Hakoni jarli j Huita.

b g. Strid med Haralldi konungi ok Vpplendingum.

a .g Andadiz Eduardr godi Engla konungr. Haralldr Gudinason rikti þar .ix. man. .xiij. daga. Sen cometa a paschum. Haralldr konungr Sigurdarson fell a Englandi i orrostu fyrir Haralldi Gudinasyni. Magnus son hans tok riki i Noregi. Vilhialmr bastardr hertugi af Normandi heriadi til Englandz ok felldi i orrostu Haralld Gudinason. Siþan vard Vilhialmr bastardr konungr i Englandi .xx. ok .iiij. ar. Vard logmadr Kolbeinn Flosason.

g t. Vpphaf rikis Olafs kyrra i Noregi. Fæddr Ari hinn frodi.

fe c. Romanus Diogenes rikti .iiij. ar.

d .c

[1070] c p. Cristz ar .mlxx.

b .p

ag l. Andadiz Adalulfr hertugi af Brunsvik. Vard Gellir logmadr i annat sinn.

f l. Gregorius papa .xij. ar. Andadiz Gellir Þorkelsson.

e .l

d q. Andadiz Valþiofr jarl. Vard Gunnar logmadr.

cb g. Andadiz Sueinn konungr Vlfsson Dana konungr. Haralldr hein son hans tok riki. Sæmundr en frodi kom or skola ok hinn heilagi Jonn Augmundzsun.

a .g Vard Siguatr logmadr.

y t. Sniovetr enn mikli.

f d.

[1080] ed .c Cristz ar .mlxxx. Andadiz Jsleifr byskup ok Haralldr hein ok Elphinus aboti. Knutr enn helgi vard konungr i Danmork.

c p. Vpphaf rikis Kirialax Grickia konungs. hann rikti .xx. ok .xviij. vetr.

b p. Var vigdr Gizsor byskup til Skalholltz af Hardeuigio Magadaburgencij erchibyskupi at radi Gregorij pafa þuiat Lematus erchibyskup er þessa vigslu atti at gera var i forbodum heilagrar kirkiu.

a v. Vtkuoma Gizsorar byskups.

gf l. Vard Markus logmadr.

e .l Andadiz Gregorius papa.

d q.

c h. Victor papa .vi. man. Fluttr heilagr domr sæls Nicholai i Bꜳr viij. Jdus Maji. Pining Knutz Dana konungs hins helga. Olafr brodir hans tok riki i Danmork. Andadiz Vilhialmr bastardr Engla konungr. Vrbanus papa .xij. ar.

ba .g

g m. Vilhialmr r(a)udi son Vilhialms bastardar rikti i Englandi .xi. ar.

[1090] f m. Cristz ar .mlxxxx. Andadiz Hallr i Haukadal.

e .d Eftir Heinrek mikla var Heinrekr.

dc h.

b .h Andadiz Olafr kyrri. Hakon ok Magnus toku riki i Noregi.

a v. Andadiz Hakon konungr. Magnus konungr berbeinn let af lifi taka Steigarþori.

g e. Andadiz Olafr Dana konungr. Eirekr Dana konungr enn godi tok riki i Danmork. Vrbanus papa hafdi þing vid Claramontem.

fe .d Hofz Jorsalaferd af Nordrlondum.

d q. Tiundargialld i log tekin(!) a Jslandi.

c h. Exordium Cisternensis ordinis. Sigurdr son Magnus berfættz hafdi riki i Orkneyium .vij. ar.

b .a Cristnir menn vnnu Jorsalaborg.

[1100] ab m. Cristz ar .mc. Pascalis papa .xviij. ar. man. .vj. Andadiz Goderdus Jorsala konungr ok Vilhialmr Engla konungr. Heinrekr konungr brodir hans rikti þar .xx. ar ok .xv. Sigurdr var jarl i Orkneyium.

f .m Coronadr Ballduini Jorsala konungr i Bethleem. Drap Magnus jarls. Andadiz Eirekr eygodi.

e r. Fall Magnus konungs berfættz a Jrlandi.

d l. Tok riki i Noregi Sigurdr Eysteinn ok Olafr enn Nichulas i Danmork.

cb .h Erchistoll i Danmork var settr. Vigdr Jonn byskup enn helgi til Hola. Elldz vppkuoma en fysta i Heklufelli. Var blod sed fliota af braudi. Joladag var vedr sua grimt at menn mattu eigi komaz til kirkiu. enn þeir er vid leitudu tynduz sumir i ꜳni Fulda.

a v. Sandfallzvetr. Heinrekr rikti .xvij. ar.

g e. Hakon jarl Palssun ok Pall jarl sun hans riktu .xix. ar i Orkneyium. Sigurdr konungr for til Jorsala.

| f e. Vard Vlfhedinn logmadr a Jslandi.

ed q. Hertekinn Paschalis pafi af Heinreki keisara.

c q. Loduis digri Franka konungr rikti .xx. ok viij. ꜳr. Sigurdr konungr kom til Jorsala.

[1110] b .a Cristz ar .mcx. Paschalis papa lauss lꜳtinn ok þeir cardinales ok byskupar sem herteknir voru med honum i Petrs kirkiu i Roma. Andadiz Teitr prestr.

a n. Hinn helgi Bernardus aboti geck i klaustr.

gf .m Andadiz Þuridr spakona dottir Snorra goda.

e r. Ferd Eireks byskups.

d .i Fæddr Huamsturla.

c .i Pindr enn heilagi Magnus jarl i Orkneyium.

ba n. Andadiz Olafr konungr Magnusson enn vngi.

g e. Laugfundr a þui ꜳri. Vard Bergdorr laugmadr.

f .e Andadiz Paschalis papa. Arnalldr patriarche i Jerusalem ok Kirialax Grickia konungr ok Ballduini Jorsala konungr ok Philippus Suia konungr. Vigdr Gelasius papa ok Þorlakr Runolfssun til Jslandz. Þa andadiz ok Gizsurr byskup enn .iiij. kal. Maij. Þa braut knorr vndir Eyiafiollum. Þa tok vedr vpp Holltavatn ok bar allt i brott. Þa syndiz himinn opnaz paschadag med sua miklu liosi at tungls lios vard at engu þat er þa atti mikit at vera ok stod sua .iiij. stundir dags. or glugg þessa lioss sa menn hanga kross med gulli ok gimsteinum. J þorpi Formasensi sa menn mikinn fiolda vopnadra riddara rida vr fialli einu til samtals ok at noni aptr i fiallit. Þa treystiz einn af heradsmonnum velsignadr med hræzslu at fara nær þeim ok særdi einn af flocki þeirra at segia huat manna þeir væri. Enn hann suarar ok mællti. vær erum eigi sionhuerfingar sem þer ætlit ok eigi riddaralid sem ydr syniz helldr sꜳlur riddara þeirra er fellu fyrir skommu. enn vopn ok herbunadr er ver hofdum i lifi til misgiorda þat er oss nu efni til pisla. ok allt er þat elldligt er þer siait oss hafa. þo at þer megit þat eigi likamligum augum greina. Þa þrutnadi fotr a sueini einum med miklum þrota ok blꜳma. en vm sidir sprack sullrinn ok foru or morg korn rugar ok afra ok byggs. þetta er kallat vndra ꜳr.

e k. Andadiz Gelasius papa. Vigdr Kalixtus papa. Vig Þorsteins Halluardzsunar.

[1120] dc .i Cristz ar .mcxx. Særdr Haflidi Mꜳrssun a alþingi. Þa onduduz eigi færi menn af sott enn þa voru til þings komnir. ok var þat þing fiolment.

b .A Andadiz enn helgi Jonn Hola byskup. Eirekr byskup af Grænlandi for at leita Vinlandz. Sætt Haflida ok Þorgils.

a f. Andadiz Eysteinn konungr. Vigdr Ketill byskup til Hola af Ozsuri erchibyskupi i Lundi.

g .f Grimuþraung. Særdr Þordr Ꜳskelssun ok Teitr. Vard Gudmundr laugmadr.

fe r. Andadiz Kalixtus papa. Vigdr Honorius papa enn Arnalldr byskup til Grænlandz. Deila Ketils ok Þordar.

d i. Lotharius rikti .xij. ar i Franz. Vỏdlaþings mꜳl.

c .b Andadiz Heinrekr keisari. Þrir byskupar a Jslandi. Steingrimr i isum.

b o. Fanz heilagr domr Mathie oostula. Suarfdæla skærur.

ag .n Drepinn Karl i Flꜳndr af riddurum sinum i kirkiu. Vig Þoris prestz Simunarsonar.

f .e Anaclestus striddi til pauadoms ok sat viij. vetr i pafa sæti. Auerkar vid Þorstein Hauskulldzson. Vig Saulfa ok Serks Gudthormssunar.

[1130] e k. Cristz ar .mcxxx. Vigdr Jnnocentius papa. Pining ens heilaga Knutz hertuga i Danmork. Andadiz Sigurdr konungr Jorsalafari. Magnus son hans ok Haralldr gilli toku riki i Noregi. Andadiz Haflidi Mꜳrssun.

d .k Bardagi med Nichulasi Dana konungi ok Eireki eymuna a Jalangrsheidi.

cb a. Bardagi i Fotvik a Skany ok ꜳ Fyrileif. Ecliphsis solis.

a f. Andadiz Þorlakr byskup Runolfssun ok Sæmundr prestr enn frodi. Fæddr Þorlakr enn helgi. Sett klaustr ꜳ Þingeyrum. Blindadr Magnus konungr.

g .f Fall Nichulas Dana konungs Magnus sonar hans ok .vi. byskupa. Eirekr tok riki i Danmork. þa eyddi hann Roiskelldu. Vigdr Magnus Einarssun til Skalaholltz af Ozsuri erchibyskupi. Þetta er Mugavetr.

f s. Liflꜳt Reinalldz byskups af Stafangri. Andadiz Heinrekr konungr. Stefnir systurson hans tok riki i Englandi. Eirekr eymuni let drepa Haralld brodur sinn ok sonu hans .ij. Vndr i Konungahellu. Vig Þoris Steinmodssunar. Vard Rafn logmadr.

ed b. Andadiz Loduer digri Franka konungr. Rognualldr jarl vann Orkneyiar. Sigurdr slembir son Magnus berfætz drap Haralld gilla i Biorgyn. Jngi kryplingr ok Sigurdr munnr synir Haralldz gilla toku riki i Noregi.

c .b Andadiz Ozsur erchibyskup i Danmork. Drap Haralldz kesiu. Hernadr Eireks konungs eymuna i Noreg. Þa var brend Halluardz kirkia ok allr bærinn i Oslu. Orrosta i Portyriu ok i Mynni ok Krokaskogi.

b o. Konrꜳdr keisari rikti .xv. ꜳr. Drap Beinteins Kolbeinssunar. Vig Eireks konungs eymuna.

a .o Fall Magnus blinda. Daudi Sigurdar slembis. Eirekr lamb tok riki i Danmork. Vpphaf rikis Loduers Franka konungs.

[1140] GF S. Cristz ar .mcxl. Vpphaf gomlu alldar. Andadiz Hugi munkr ok heilagr Victoris i Paris. Vig Þorarins Eydisarsunar. Vard Finnr logmadr. Huarf skip Snæbiarnar.

e k. Eysteinn konungr kom af Jrlandi ok tok riki i Noregi med brædrum sinum. Huarf skip Hallsteins herkiu.

| d k. Eyiolfr Þordisarsun kom til Jrlandz. Ræntr Þorualldr audgi.

c p. Eirekr lamb ok Olafr son Haralldz kesiu baurduz þrysuar a einum degi.

ba f. Celestinus papa .v. mꜳn. Lucius papa .vj. man. Andadiz Vigfuss Jonssun.

g f. Fall Olafs Haralldzsonar kesiu. Andadiz Ketill byskup. Huarf skip Liotzsuna.

f l. Eugenius papa .vij. ꜳr. Vtanferd Biarnar byskupsefnis. Vig Þorgrims assa. Vard Gunnarr logmadr.

c .l Andadiz Eirekr konungr lamb. Sueinn suidaudi son Eireks eymuna ok Knutr Magnusson voru teknir til konunga i Danmork. Vigdr Biorn byskup til Hola af Askeli erchibyskupi.

dc .b Bæiarbruni i Hitardal. þar letz Magnus byskup Einarssun ok .lxx. .ij. menn med honum. Andadiz Vilmundr aboti at Þingeyrum ok Ari prestr Þorgilsson enn frodi.

b o. Andadiz hinn helgi Malachias erchibyskup a Jrlandi. Leidzsla Duggals a Jrlandi. Vig Markus Mardarsunar a alþingi. Hallr prestr Teitzsun kosinn til byskups. Andadiz Þorsteinn ranglatr.

[1150] a .g Cristz ar .mcl. Vigdr Jon knutr til Grænlandz. Andadiz Hallr prestr Teitzsun. Þordr prestr. Jngimundr Jllhugason. Jon Þoruardarson. Orrosta vid Slangaþorp. Knutr flydi.

g t. Andadiz Reidarr erchibyskup. Kosinn Klængr til byskups. Jorsalaferd Rognualldz jarls ok Erlings skacka. Eysteinn konungr heriadi til Englandz. Andadiz Þorgils Oddasun. Elldr i Trolladyngium Huskrid. Manndaudr. Andadiz Snorri Biarnarsun. Særdr Valldamar i Roiskelldu.

fe k. Andadiz Konradr keisari. Hann var eigi koronadr. Vigdr Klængr til byskups i Skalhollt af Askeli erchibyskupi i Lundi. Nichulas kardinali kom i Noreg. Þa var settr erchistoll i Noregi ok var Jonn byskup af Stafangri fystr erchibyskup i Nidarosi. Þa var ok settr byskupsstoll i Hamarkaupangi ok var Arnalldr biskup þar fystr yfir af Grænlandi. Tekinn af vopnaburdr i kaupstaudum i Noregi. Sottarvetr. Vig Knutz konungs Magnussonar. Eirekr enn helgi rikti .x. ar i Suidiod.

d .k Andadiz Eugenius papa. Vigdr Anastasius papa ok var .j. ar ok .iij. man. .xxv. daga. Andadiz heilagr Bernardus aboti i Claravalle a Jrlandi. Fridrekr keisari rikti .xxx. ok .vij. ar. Vfridr i Englandi med Stefni konungi ok Heinriki hertuga af Normandi. ok vard þat at sætt med þeim at Heinrekr skylldi vera næstr konungdomi eftir hann i Englandi. Brottferd Jons Sigmundarsonar.

c p. Andadiz Anastasius papa. Siþan var Nichulas Albanensis kosinn er var kardinali til pafa ok het siþan Adrianus. Sætt Loduis Franka konungs ok Heinreks hertuga af Nordmandi. Ok litlu siþar andadiz Stefnir Engla konungr. Eftir hann var Heinrekr konungr i Englandi enn heilagr Thomas erchidiakn af Kantia var gior kancellarius Heinreks Engla konungs af tilskipan Theoballdi erchibyskups af Kantia. Andadiz Rodgeirr Sikileyiar konungr. Fall Erlendz jarls Haralldzsunar af Orkneyium. Valldimar Knutzson feck konungsnafn i Danmork. Vtkuoma Nichulas abota. Lagdr vopnaburdr a alþingi a Jslandi. Andadiz Þorlakr enn audgi. Fæddr Sæmundr Jonsson. Valgerdr ein a Breidabolstad.

b g. Fall Sigurdar konungs munnz. Drap Knutz Dana konungs Magnussonar. Klaustr at Þuera.

ag .f Syndiz krossmark a tungli. Fall Sueins Dana konungs Knutzsonar. Fridrekr keisari sat .vij. vetr vm Melansborg ok braut hana at lyktum. Nausta brenna. Seleyia sumar.

f l. Þa voru seen .iij. tungl ok var crossmark ꜳ þui er i mid var. Andadiz Jon erchibyskup. Vilhialmr byskup i Oslo. Matheus byskup i Færeyiu. Fall Eysteins konungs. Hofz Hakon konungr Sigurdarson. Vigdr Absalon byskup til Roiskelldu. Myrkr et mikla. Adrianus papa .iiij. ar. Valldemar rikti i Danmork .xx. ok .vj. ar. Elldz vppkoma i Heklufelli.

e .l Alexander papa .xx. ok .iij. ar. Vpphaf rikis Hakonar herdibreids. Heinrekr vngi feck Margretar dottur Loduers Franka konungs til fridar milli konunga. Fridrekr keisari sotti Romaborg. Fall Rognualldz jarls ens helga i Orkneyium. Orrosta i Konungahellu. Andadiz Nichulas aboti ok Eyiolfr prestr Sæmundarsun. Brandr prestr ok Ketill Gudmundarsun. Druknudu Biarni Þoruardr Gudmundr ok Aurn.

d .c Synduz .iij. solir i vestri. siþan hurfu .ij. en su syndiz til solarsetrs er i mid var. Andadiz Adrianus papa. Vigdr Eysteinn erchibyskup. Siþan vard sundrþycki med Romuerium vm pafa kosning ok skiptuz kardinales i .ij. stadi ok kioru .ij. byskupa. var annar Rollant cancellarius ok var kalladr Alexander pafi enn annarr het Octouianus ok fulltingdi honum Fridrekr keisari ok þeir byskupar er honum veittu styrk til þess ok var hann af þui kalladr Victorr. Enn Alexandro pafa veittu styrk Louis Franka konungr ok Heinrekr Engla konungr ok helldu hann fyrir herra ok hofþingia. valdi ok heilog kirkia Alexandrum ser til faudur ok forstiora enn Octouianus var rækr ok rekinn af pafasæti ok bannsettr at lyktum. Orrosta i Gautelfi. Bæiarbrenna i Oslu.

[1160] cb g. Cristz ar .mclx. Gudraudr tok konungdom i Sudreyium. Magnus Heinriksson rikti i Suiþiod vm eitt ar. Orrosta i Saurbæ. Brenna i Huammi.

a .g Fall Gregorij Dagssunar ok Jnga konungs kryplings. Vpphaf rikis Magnus konungs Erlingssunar. Andadiz Asgrimr aboti ok Þorualldr audgi.

g t. Rimalldus erchibyskup af Kolni flutti likami Austruegs konunga af Meilansborg i Kolni. Andadiz Biorn byskup. Fall Hakonar konungs herdibreids. Hofz Sigurdr Markus fostri. Vigdr Roi byskup til Færeyia. Fall Sigurdar jarls. Logrettubardagi. Rettavig. Karl Saurkuissun rikti .viij. ar i Suiþiodu.

f d. Vigsla Thomas erchibyskups. Vigdr Brandr byskup til Hola af Eysteini erchibyskupi. | Stephanus legatus kom i Noreg. Fall Sigurdar jarls a Rę. Drap Sigurdar Markusfostra. Fæddr Knutr Dana konungr. Logrettubardagi. þar feck Halldorr Snorrasun bana.

ed .c Vtlegd Thomas erchibyskups. Magnus Erlingssun koronadr. Vtquama Brandz byskups. Karlshrid Gregorius messo. Landzskialfti i Grimsnesi .xix. menn letuz. Andadiz Jon Sigmundarson. Vtkuoma Jon Loptzsunar. Ragnhilldar mꜳl. Dyrsꜳr orrosta. Kyniavetr.

c .p Blod vors herra Jesu Cristi kom til Nidaros. Fæddr Philippus Franka konungr son Louis konungs.

b .p Erlingr skacki tok jarldom af Valldimar Dana konungi. Hofz Olafr Gudbrandzsun. Senir menn i lopti. Vigdr Reinn aboti i Hitardal. Andadiz Kolbeinn Arnorssun. Þorgrimr þausnir.

a v. Bardagi a Rydiokli. Burizlafr hertekinn. Fall Arna Þiostolfssunar a isi. Vig Freysteins prestz. Kirkiu bruni vndir Laufꜳsi.

gf l. Bardagi a Stongum. Fell Sigurdr ognholtr. Bardagi vid Dof. þadan flydi Olafr til Danmerkr. Andadiz Vilhialmr enn gamli i Orkneyium. Suerrir i Orkneyium. Heinrekr Engla konungr let korona Heinrek vnga son sinn. Sett klaustr i Veri. Tungu bardagi med frændum Hoskulldi presti Þordarsyni ok Þorhalli Asgrimssyni. Solueig Jonsdottir gift.

e .l Andadiz Olafr Gudbrandzson. Vigdr Karl aboti. Vig Karls Hedinssunar ok Boduars prestz. Vig (H)oskulldz Herasunar. Andadiz Þorgeirr Hallasun. Andadiz Þorhallr Asgrimssun.

[1170] d q. Cristz ar .mclxx. Vpptekinn heilagr domr Sunnifu i Biorgin. Skirdr Jarizmar ok Vindr. Fæddr Valldimar gamli. Andadiz Snorri prestr logmadr Hunbogasun. Bardagi i Saurbæ. Knutr Eiriksson rikti .xxx. ara i Suiþiod. Andadiz Olafr Gudbrandzsun.

c h. Pining hins heilaga Thome archiepiscopi. Vpptekning hins heilaga Knutz hertuga i Danmork. Koronadr Knutr Dana konungr Valldimarssun. Andadiz Reinn aboti. Druknun Pꜳls prestz Þordarsunar. Vtkuoma Jons Loptzsunar. Vig i Floa. Heidarvig. Skridna mannskadi.

ba .g Brann Biorgyn. Brenna i Saurbæ. Klaustr i Flatey var sett. Bardagi a Sælingsdalsheidi.

g t. Andadiz Christiphorus hertugi Valldimarssun. Biarnhedinn prestr. Biarni prestr. Ketill prestr. Finnr prestr Kollzsun vꜳ Orm prest Suerrissun. Styrkar tok lỏgsỏgu.

f d. Kosinn enn heilagi Thorlakr til byskups. Hofuz Birkibeinar med Eysteini konungi. Suerrir for or Færeyium.

e .d Vig Helga prestz Skaptasunar. Andadiz Þora konungsdottir. Vtquoma Reidars sendimannz. Fliotueria deila. Andadiz (H)oskulldr prestr Þordarsun. Snorri Kalfsson.

dc p. J log leidd (helgi) Thomas erchibyskups af Alexandro pafa. Andadiz Klængr byskup. Fall Nichulas Sigurdarsonar. Suerrir magnus kom i Noreg. Andadiz Hedinn prestr Skeggiason. Þorir prestr. Ogmundr prestr.

b .p Sætt Alexandri pafa ok Fridreks keisara ok hafdi þeirra strid þa stadit .xvj. vetr. Passio sancte Margarete. Fall Eysteins berkibeins ꜳ Rỏ. Suerrir hofz ok hafdi .iij. orrostor. Askeli erchibyskup af Lundi for i klaustr.

a v. Thorlakr enn helgi vigdr til byskups af Eysteini erchibyskupi. Alexander pafi atti þing i Roma ok kom til mikill fioldi byskupar ok abotar vida af londum. Suerrir atti .vij. orrostor. Andadiz Kristin konungsdottir. Absalon erchibyskup tok pallium ok erchibyskups tign i Danmork. Hofuz Deilldartungu mꜳl. Andadiz Asgrimr audgi. Laugretta i Haukadal.

g m. Alexander pafi atti þing i Latran. Koronadr Philippus Franka konungr allra heilagra messodag i Reinsborg med radi Louis konungs fedr sins. Fall Erlings jarls skacka. Andadiz Ormr prestr Kodransson. Fæddr Snorri Sturluson.

[1180] fe .l Cristz ar .mclxxx. Andadiz Manule Grickia konungr. Louis Franka konungr. Bardagi a Jluvollum. Fell fiall i Sỏgni. Brann bær a Gilsbacka. Andadiz Oddr prestr ok Arnorr Kolbeinsson. Jon papa .xv. daga. Sottarvetr. Lucius papa .iij. ar.

d q. Bardagi fyrir Nordnesi. Þa atti Suerrir .iij. orrostur. grasleysis sumar. Vigdr Kari aboti. Kirkiu bruni at Helgafelli. Andadiz Biorn aboti. Styrkar Oddasun laugmadr. Biarni prestr Biarnasun.

c h. Andadiz Valldimar Dana konungr. Eysteinn erchibyskup kom til Noregs af Englandi. Landskialfti ok do .xj. menn.

b .h Strid i Englandi med sonum Heinreks Engla konungs. Slag i Biorgyn. Andadiz Amundi byskup af Stafangri. Huamsturli Þordarson. Huarf skip Eylifs kudu or Fliotzarosi. Knutr rikti i Danmork .xx. ar Valldimarssun.

ag m. Fall Magnus konungs Erlingssunar. Andadiz Heinrekr vngi Englandz konungr. Jartein i Oslo. Myrkr vm Sudrlỏnd. Andadiz Tumi Kolbeinsson. Klaustr fært or Flatey til Helgafellz. Brann bær a Modruvollum ok a Backa i Midfirdi. Suerrir red Noregi sidan Magnus konungr feell .xviij. ar. Haralldr skrenkr var tekinn til hofþingia af Skanungum ok flydi fyrir Daunum.

f .m Andadiz Lucius papa. Fall Finnz sonar Erlings jarls. Hofuz Kuflungar. Andadiz Pall prestr Solfuason. Arni enn elldri Ogmundarson. Vig Einars Þorgilssunar. Tyndiz skip Einars kꜳta ok .xviij. Tyndiz Grænlandsfar. Braut kirkiu at Suinafelli. Skrida liop i Geitdal.

e .d Vrbanus papa .i. ar. Andadiz Godefridus hertuge Brigtanie son Heinriks Engla konungs i Paris. Sett Klaustr i Kirkiubæ. Andadiz Runolfr munkr son Ketils byskups. Þorgeirr son Brandz byskups. Þoruardr Asgrimsson. Hrid Mathias messo ok do .xij. menn. Vig Hafþors. Þa voru ok sviknir Teitr prestr Hauksson ok Þoruadr audgi. Druknan Grims Gunnlaugssonar. Fellivetr. .iij. byskupar a Jslandi.

d i. Andadiz Vrbanus papa. Gregorius papa .ij. man. Clemens papa .iij. ar. Drepinn Jon kuflungr. Saladin konungr vann Jorsalaland ok alla Australfu heims. Hofz strid med Philippo Franka konungi | ok Heinriki Englandz konungi vm riki þat er Louiss konungr hafdi feingit Margretu dottur sinni i heimanfylgiu er Heinrekr vngi son Heinreks gamla konungs hafdi att. Sætt Philippus konungs ok Heinreks konungs ok toku badir cross til Jorsalaferdar ok med þeim byskupar ok margir adrir hofþingiar. Fæddr Louiss son Philippi Franka konungs. Andadiz Jonn knutr Grænlendinga byskup. Kari aboti. Þorkell Granason. Bauduar Þordarson. Nautdeydis vetr. Kom ecki skip af Noregi til Jslandz.

cb .h Fridrekr crossadiz til Jorsalaferdar. Brugdit sætt med Philippo Franka konungi ok Heinreki Engla konungi. Gydingar drepnir i Englandi. Valldemar hertugi gerdiz riddari annan dag jola. Andadiz Eysteinn erchibyskup. Vilhialmr byskup. Druknan Ogmundar abota. Vigsla Jons Grænlendinga byskups. Andadiz Ari Þorgilsson. Eirekr byskup i Stafangri kosinn til erchibyskups ok for til pafa. Magnus Giszorarson for tuiuegis til Ripa af Jslandi. Vatnavetr.

a v. Andadiz Heinrekr Engla konungr. Rikgardr son hans tok riki ok gerdi sætt vid Philippum konung. Hof Jorsalaferd margra hofþingia. Þa for Fridrekr keisari af sinu riki med vtaligu fiolmenni. Tyndiz Stangarfolinn. Asmundr kastanrazi kom af Grænlandi or Crosseyium ok þeir .xiij. saman a skipi þui er seymt var tresaumi einum nær. þat var ok bundit seymi. Hann kom a Breidafiord a Jslandi. Hann hafdi ok vorit i Finnzbudum. Vigd Halldora til abbadisar.

[1190] g e. Cristz ar .mclxxxx. Andadiz Fridrekr keisari. Heinrekr son hans rikti .xiiij. ar. Philippus Franka konungr ok Rikgardr Engla konungr hofu Jorsalaferd. Þa for Asmundr kastanrazi vtan ok huarf skipit.

f .e Andadiz Clemens papa. Celestinus papa var vigdr a paschadag. Hann coronadi Heinrek keisara annan dag pascha. Philippus Franka konungr ok Rikgardr Engla konungr vnnu Akrsborg .iij. Jdus Julij. Þa hofdu cristnir menn setid vm hana nær .ij. ꜳr. Drꜳp Þorleifs breidskeggs.

ed q. Rikgardr Engla konungr for heim fra Jorsolum ok siþan vard hann fanginn af Sabuldo hertuga af Austria ok færdr Heinriki keisara ok var hann þar halldinn meirr enn .xij. manadi ok leysti sik þadan .cc. þushunda marka silfr(s) ok for siþan heim i riki sitt. Valldimar erchibyskup af Brimum flydi af Danmork. Vpptekin helgi Rognualldz jarls kala. Sottarvetr. Kom sua mikit ofuidri Gereonis messo at braut nidr skoga. Manndaudr mikill af sott a Jslandi. Andadiz Grimr Giszorarson ok Jon prestr Ketilsson.

c h. Myrkr .x. kal. Maij. Andadiz hinn heilagi Thorlakr byskup. Saladin konungr i Damasco. Hrunagunnarr prestr. Ꜳron Bꜳrdarson suarta. Solueig Jonsdottir. Valldimar byskup hertekinn.

b .a Andadiz Pꜳll byskup i Biorgyn. Bardagi i Floruvogum. Suerrir konungr koronadr. Kosinn Pall til byskups. Sualbardz fundr. Andadiz Kleppiarn Klængsson ok Þoruardr Ormsson. Vig i Laufꜳsi. Brendr bær i Biorgyn. Jnnocentius papa .xviij. ꜳr .vij. man. Bardagi a Strindsio. Fysti leidangr i Hollsetalandi.

a n. Andadiz Knutr Eirekssun. Vigdr Pall til Skalholltz af Absaloni erchibyskupi ok Eireki erchibyskupi. Fall Rikgardar Engla konungs.

gf .m Andadiz Einar aboti. Vig Markus a Raudasandi. Raudsmal. Hofz vfridr i Vestfiordum. Ogmundr vard fyrir sꜳrum. Manntapa vetr. Andadiz Ari Bia(r)narson. Jora byskups dottir. Vig Þorfinnz prestz. Hofuz Baglar.

e r. Andadiz Heinrekr. Otto af Saxonia ok Pilippus brodir hans striddu vm keisaradom. Andadiz Gudmundr aboti. Onundar brenna. Andadiz Jonn Loptzson. Hermundr Kodranssun. Aurnolfr Jonsson. Klofabardr Jonsson. Vaulld mikil ok islỏg.

d i. Vpptekning hins heilaga Thorlaks byskups. Fall Haralldz jarls vnga. Baglar brendu Biorgyn. Vig i Laufꜳsi .xv. kal. Septembris. Andadiz Sigmundr prestr Ormsson. Kalfr Snorrason.

c .i Fall Rikgardar Engla konungs. Jonn brodir hans tok riki i Englandi. Logtekin Thorlaksmessa. Andadiz Sophia Dana drottning. Petr byskup frelstr. Bardagi a Strindsio med Suerri konungi ok Boglungum. Flod hitt mikla. Vig Falka Dalkssunar. Skiption Jona tueggia.

[1200] ba v. Cristz ar .mcc. Vpptekning hins heilaga Jons byskups. Baglar felldu Philippum jarl. Suerrir konungr bardiz .vij. sinnum vid bændr i Oslu a einum degi. Andadiz Þorleifr beiskalldi. Fanzst Jngimundr prestr Þorgeirssun ofuinn i obygd a Grænlandi. Vnnin Þettmerska af Donum. Sorkuir Karlsson rikti .xij. ar i Suiþiod. Sigurdar mꜳl ok Sæmundar.

ge e. Andadiz Absalon erchibyskup. Brandr byskup Sæmundarson. Haflidi aboti or Hitardal. kosinn Gudmundr Arasun til byskups. Huarf skip Halluardar ok voru a .xxx. manna. Þa onduduz .xij. prestar i Nordlendinga fiordungi. Hallr logmadr. Vnnin Holzseta af Donum.

f .e Hofuz Tattarar. Andadiz Vilhialmr aboti hinn helgi ok Suerrir konungr. Knutr Dana konungr. Tok Valldimar brodir hans riki i Danmork enn Hakon Suerrisson i Noregi. Drap Jnga konungs. Jon Grænlendinga byskup kom annan tima til Jslandz. Vtanferd Magnus Gizorarsunar. Frostvetr. Andadiz Birgir jarl.

e r. Vigdr Gudmundr byskup til Hola af Eireki erchibyskupi ok vtkuoma hans. Þa funduz .iij. byskupar i Austfiordum. Pall byskup. Gudmundr byskup. Jon Grænlendinga byskup. Andadiz Þorkell aboti ok Arnorr prior. Bysnasumar. Beriavin fyst gert a Jslandi. Vtkoma Magnus Gizorarsonar fra Roma. Andadiz Philippus af Suafa a Puli. Tok keisaradom Otto son Heinreks hertuga fyrir nordan fiall.

[1204] dc .q Andadiz Hakon konungr Suerrisson. Guthormr konungr. Jngi Bardarson tok konungdom i Noregi enn Hakon galin brodir hans jarldom. Erlingr steinueggr hofz til konungdoms en Philippus Simunarson til jarldoms. Andadiz Þoruardr Þorgeirsson ok Niall byskup i Stafangri ok Ormr Ripa byskup. Olafr til kosinn. Andadiz Gudmundr munkr. Fæddr Hakon Hakonarson.

b .a Vigdr Þorir erchibyskup til Nidaros med radi Eiriks erchibyskups. Valldimar Dana konungr feck Margretar dottur konungs af Barheimi. hana kolludu Danir Dagmey. Baglar drapu Einar prest konungsmꜳg. Vig Mars prestz. Mꜳl Asbiarnar pungs. Andadiz Bersi prestr.

a n. Andadiz Haralldr jarl i Orkneyium Maddadarson. Andadiz Gizsur Hallzson. Þorir erchibyskup kom i land. Vigdr | Eyiolfr aboti i Saurbæ. Slag et mikla er Baglar veittu Birkibeinum i Þrondheimi. Þorgrimr af Lianesi drap Jon vsta. fyrir þat var Þorgrimr drepinn. Hakon jarl galinn veitti Boglum slag i Biorgyn. Hakon sun Hakonar konungs Suerrissonar kom til Jnga konungs i Þrandheim. Elldz vppkuoma i Heklufelli hin þridia.

g .n Andadiz Niall byskup. Erlingr steinveggr. Hofz Philippus Vikueria konungr. Eirekr jungherra drap Ebba Sỏnason. Birkibeinar gafu vpp borgina i Biorgyn fyrir Boglum. Þa kom Hakon konungsson a valld Bagla. siþan gaf Pilippus hann i valld Þoris erchibyskups. for hann þa til Hakonar jarls. Andadiz Þoruardr munkr Þorgeirsson. Vigdr Þorarinn aboti til Þingeyra.

fe r. Drepinn Philippus af Suaua. þa feck Otto einn keisaradom. Sætt med Birkibeinum ok Boglum. Bardagi i Lenum med Suia konungum Sorkui ok Eireki. England i banni. Bardagi i Vidinesi. þar fell Kolbeinn Tumason ok .xiiij. menn. Vig Snorra Grimssunar. Andadiz Haukr Teitzson. Eirekr konungr rikti i Suiþiod .ix. ar.

d i. Andadiz Jonn erchibyskup. Koronadr Otto keisari. Valldimar tekinn i brott af Brimum. Fæddr Valldimar vngi son Valldimars gamla Dana konungs. Philippus feck Cristinar Suerris dottur konungs. Andadiz Margret drottning er Suerrir hafdi att. Bardagi at Holum. Gudmundr byskup i Reykiahollti. Farsummar hart. þa tyndiz Horfargarprinn ok Þiottargrepprinn enn .ij. skip onnr rak til Grænlandz skip Jons rikia ok Ketils stama. Herfaur buin til Sudreyia af Noregi.

[1210] c .i Cristz ar .mccx. Jon Englands konungr vann Jrland. Andadiz Halldora abbadis. Gudmundr munkr Amundason. Brann klaustr i Nidarholmi. Eirekr feck Rikizsu systur Valldimars Dana konungs. Vigdr Koli byskup til Færeyia. þa hafdi þar .xl. vetra byskupslaust verit siþan er Reinar byskup var. Hernadr i Sudreyium. Rænt Eyin helga. Skiption Steinbiarnar. Andadiz Klængr diakn. Gudmundr byskup i Steingrimsfirdi. Styrmir logmadr. Herfaur Dana i Pryzaland ok Samland. Mistron hertugi gaf skatta af Pulinalandi Dana konungi.

b o. Fall Sorquis konungs a Gestilrein. Bodat hofþingium af Jslandi fyrir sunnan land a erchibyskups fund. Gudmundr byskup kom heim til stols sins. Godi vetr. Vætu sumar. Vtanferd Jons Sigmundarsunar ok Snorra Teitzsunar. Landskialfti fyrir sunnan land. .xviij. menn letuz. Elldr kom vpp or sio. Sorli fann Elldeyiar. Andadiz Pall byskup. Petr steypir ok Reidar sendimadr foru til Jorsala.

ag e. Andadiz Sueinn byskup af Færeyium. Eyiolfr aboti. Gudmundr enn dyri. Jonn Sigmundarson. Saurli Teitzsun ok Margret Dana drottning. Fridrekr striddi til keisaradoms vid Otto keisara. Vig Hallz Kleppiarnssunar. Helgi byskup kom til Grænlandz. Teitr Bersason kosinn til byskups. Vtanferd Arnors Tumasonar ok Bergs prestz. Ketill stami kom af Grænlandi. Andadiz Karl aboti ok Ormr aboti.

f .e Andadiz Eirekr erchibyskup. Sætt Jons Engla konungs ok Stefnis erchibyskups. Philippus Franka konungr heriadi i Flꜳndr. Andadiz Kristin Suerrisdottir ok Petr steypir. Eyiolfr Þorgeirsson. Vig Rafns Sueinbiarnarsunar. Tyndiz skip Olafs. Magnus redz i Skalhollt til forræda. Jngi konungr bardiz vid Jnnþrændi a Raumaþingi. Vtanferd Teitz byskupsefnis ok Þorualldz Gizorarsunar.

e k. Vig Geirardar patriarcha (i) Jerusalem. Andadiz Þorir erchibyskup. Olafr Eyiabyskup. Hakon jarl galinn. Dauid jarl (i) Orkneyium Haralldzson. Valldimar feck Beringario konungsdottur af Portigal. Andadiz Teitr byskupsefni. Ketill byskupssun. Reidar. Jonn af Austrætt. Vig Pꜳls drottseta. Jnnþrændir sættuz vid Jnga konung a Vogsbruar þingi. Vtkuoma Þorualldz Gizsorarsonar ok Arnors Tumasonar. Vtanferd Gudmundar byskups.

d .k Kennimanna fundr fiolmennr i Latran i Romaborg. Þar var Jnnocentius papa patriarche af Jorsolum ok annar af Miklagardi. erchibyskupar .ij. ens atta tigar. lydbyskupar .ij. ok .xx. ens .v. hundrads ok tradz vndir einn ok hafdi bana. abotar med priorum a niunda hundradi ok otal annarra meistara ok klerka er vm allann heim hofdu sott til Romaborgar at bodi Jnnocentij pafa. Var a þui þingi lau(g)tekin tala meistara Gallterij af holldgan ok hingatburd vors herra Jesu Cristi. Andadiz Vilhialmr enn helgi Skota konungr. Petr byskup i Siolandi. Andres erchidiakn i Hialltlandi. Otto keisari ætladi at vinna Danmork. Valldimar vngi var tekin(n) til konungs i Danmork. Vigdr Gudthormr erchibyskup. Kosinn Magnus Giszorarson til byskups. Sæmundr ok Þorualldr logdu lag a varning Austmanna. Snorri logmadr.

cb .a Andadiz Jnnocentius papa. Honorius papa .xij. ar. Andadiz Eirekr Suia konungr. Jon Sorquisson rikti .vj. ar i Suiþiod. Heinrekr rikti .l. ok .iiij. i Englandi. Guthormr kom i land. Vigsla Magnus byskups Gizsorarsonar ok Sorquis byskups af Færeyium. Fæddr Eirekr son Valldimars Dana konungs ok gaf Valldimar honum þa hertugadom enn Nichulasi syni sinum greifadom. Hloduiss Franka konungr for med her i England. Andadiz Marteinn byskup. Þorfinnr aboti. Jon Engla konungr. Pall Sæmundarson druknadi. Vig Rafns Amundasonar. Bardagi a Mel.

a f. Andadiz Jngi konungr ok Philippus Vikueria konungr. Vpphaf rikis Hakonar konungs Hakonarsunar ok Skula jarls. Hofz Jorsalaferd en mikla. Andadiz Sigurdr konungs frændi ok Nichulas. Folkungar drapu Rognualld. Vigdr Hauardr byskup ok Ketill aboti. Andadiz Gudrun prior. Nichulas. Þorarinn. Færd frændsemi ok omegd i logum. Fiar vpptaka a Eyrum af Sæmundi Jonssyni .ccc. hundrada.

g .f Andadiz Otto keisari. hann red þa Saxlandi enn fyrr red hann Jtalialandi. Valldimar son Valldimars konungs koronadr i Slesvik. Vig Orms Jonssonar i Vestmannaeyium ok .ij. Austmenn vegnir. Vopna vpptektir a Eyrum. Jarnburdr Jngu modur Hakonar konungs. | Vtquoma Gudmundar byskups ok brotttaka fra stoli sinum ok var hann i Ꜳsi vm vetrinn. Vtanferd Snorra Sturlusonar. Andadiz Arni Ogmundarson. Eyiolfr prestr. Bardagi i Gunnarsbæ med Bena ok herra Andresi ok Arnbirni. Gudlaugr munkr.

f s. Gudmundr byskup tekinn or valldi Arnors ok var hann i Flatey vm vetrinn. Valldimar Dana konungr heriadi til Eistlandz. Magnus byskup for til Hola vm vorit. Druknan Klængs Kleppiarnssunar. Andadiz Gizsor Þorsteinsson ok Jon prestr Halldorsson ok Grimr prestr Jonsson. Vig Biarnar Ꜳrnasonar. Bæiarbruni i Þrondheimi. kom ecki skip af Noregi til Jslandz. Vard Teitr logmadr Þ(orualldz)s(un). Bardagi a Helgastodum. Snorri Sturluson kom vt. Buin herferd til Jslandz.

[1220] ed l. Cristz ar .mccxx. Heilagr domr Thomas i Englandi tekinn or iordu. Fridrekr keisari koronadr af Honorio pafa. Gudmundr byskup for i bu Biarnar Þorualldzsunar ok Kỏlskeggs i Dal. siþan for hann i Odda. Andadiz Berengaria Dana drottning ok Ketill aboti. Þordr prestr. Arnorr Tumason. Þordr Boduarsson. Hellt Skuli jarl ꜳ at bua herferd til Jslandz. Hakon konungr hafdi gert Snorra Sturluson lendan mann ꜳdr hann for til Jslandz.

c .b Andadiz heilagr Dominicus reglufadir Predicarabrædra ok Juar byskup. Vigdr Halluardr byskup ok Hallr aboti. Bardagi a Breidabolstad .viij. menn fellu. Vtanferd Loptz byskupssonar ok Haralldz Sæmundarsunar. Andadiz Gudny Boduarsdottir. Var Gudmundr byskup i Vestfiordum. Vig Liosvetninga. Hofz Sigurdr Erlingsson. hann let drepa Guthorm enn Skuli jarl let drepa .c. manna af Sigurdi. Andadiz Gregorius.

[1222] b o. Seen cometa. Brenna Adams byskups a Katanesi. Skota konungr let handhoggua ok fothoggua .lxxx. manna er at brennunni hofdu verit ok do margir af þui. Andadiz Biarni byskup i Orkneyium ok Jonn Skota(!) konungr Sorquisson. Eirekr Eirekssun rikti eftir hann .xx. ok .vij. ar. Sol vard raud at sia. Drap Tuma Sighuatzsunar at Holum .iij. menn fellu. Bardagi i Grimsey ok druknan .xx. manna ok .vij. Gudmundr byskup hertekinn ok for utan. Stefnt vtan hofþingium af Jslandi a fund Guthorms erchibyskups. Sigurdr Bagla konungr drap .lxxx. manna i Oslo Haluardz messodag. Andres skialldarband ok Juarr af Vtvikum heriudu til Biarmalandz. Drap Bena er var formadr Slittunga. Andadiz Sigmundr Jonsson ok Jonn Ỏrnolfsson. Baurkr Grimsson Þoroddr Vigfusson ok Sæmundr. Elldz vppkuoma en fiorda i Heklufelli. Vard Snorri logmadr.

a .o Olafr Sudreyia konungr let blinda Gudraud brodur(son) sinn. Landaskipti i Noregi med Hakoni konungi ok Skula jarli. Valldimar Dana konungr ok Valldimar son hans voru herteknir af Heinreki falsgreifa. Gudmundr byskup var i Biorgyn. Vtanferd Jons prestz Arnþorssunar ok Arnors prestz Biarnarsunar med brefum Magnus byskups. Vtkuoma Loptz byskupssonar ok Haralldz. Tyndiz skip Audbiarnar. eigi var hann ꜳ. nær halfr fimti tugr manna. Vigdr Jofrey byskup til Orkneyia. Andadiz Magnus prestr Pꜳlsson. Teitr diakn Oddzsun ok Kolskeggr audgi ok Saurli. Helga Þoruardzdottir. Hallfridr Þorgilsdottir. Bæiarbruni i Oslu.

gf e. Andadiz Guthormr erchibyskup. Halluardr byskup i Biorgyn. Heinrekr byskup i Stafangri. Philippus Franka konungr en Loduiss lifdi ok rikti .iij. ꜳr eftir hann. Andadiz Jonn aboti. Þorsteinn aboti. Meistari Biarni. Jonn Arnþorsson ok Steinþorr prestr. Halldora ok Þurid dætr Giszorar Hallzsonar. Sigurdr ribbungr konungr komz or valldi Skula ok vann Heidmork. Dagfinnr syslumadr brendi Ribbunga nockura. Gudmundr byskup var i Þrandheimi. Vtkuoma Agnors prestz med brefum Korsbrædra. Hakon konungr kuongadiz. Bodorda breytni Magnus byskups i messo. Vigdr Petr erchibyskup.

e k. Andadiz Nichulas Baglabyskup i Oslu. Hakon konungr brendi Vermaland ok gerdi brudlaup til Margretar dottur Skula jarls. Dana konungar voru vtleystir .viij. lestum silfrs. Sat Gudmundr i Þrandheimi. Andadiz Eysteinn rædismadr ok Brandr prestr.

[1226] d .k Vigdr Simun byskup til Sudreyia ok Arni byskup til Biorgyniar ok Askell byskup til Stafangrs ok Ormr byskup til Osloar. Andadiz Petr erchibyskup ok Sigurdr Ribbunga konungr. Andadiz sanctus Franciscus ok Louiss. Herra Knutr tok vid flocki Ribbunga. Vtkuoma Gudmundar byskups ok Ritabiarnar med brefum Petrs erchibyskups. Embætti tekit af Magnusi byskupi ok honum vtan stefnt af Petri erchibyskupi ok Þorualldi Gizorarsyni Sighuati ok Sturlu syni hans. Druknan Haralldz Jonssunar jarls af Orkneyium. Elldr i sio fyrir Reykianesi. Myrkr vm midian dag. Andadiz Snorri diakn Magnusson. Vigdr Hallkell aboti. Drap Gudolfs a Blackastodum. Rotusumar et mikla. Manntapi a Breidafirdi. Gudmundr byskup for heim til Hola. Sett klaustr i Videy.

c .b Andadiz Honorius papa. Vigdr Gregorius papa ok Þorir erchibyskup. Sandvetr. Magnus byskup for ecki i brottu. Gudmundr byskup var med Þordi Sturlusyni i Huammi. Sætt Hakonar konungs ok jungherra Knutz. Þrænskir menn sigldu or Þrondheimi nær Jacobsmesso .xviij. komuz i Vestmannaeyiar Ceciliu messo ok letu skipit .vj. menn ỏnduduz i hafi. Heimsokn Sturlu Sighuatzsonar til Þordar Sturlusonar i Huam. Skiption Jons Petrssonar. Manndaudr mikill.

ba f. Þorir erchibyskup kom i land. Fridrekr keisari i banni ok fridadi Jorsalaland. Brenna Þorualldz Snorrasunar. Vtkuoma Þorsteins þyks med brefum erchibyskups til margra hofþingia a Jslandi. Vtanstefnt Magnusi byskupi ok Sighuati ok Sturlu syni hans. Skuli jarl for til Danmerkr. þa tyndiz Gregorius Jonssun. Heimsokn til Saudafellz. Þing it fiolmenna. Sekt Rafnssona ok Þorualldz. Vtanferd Magnus byskups. Andadiz Eyiolfr Þorsteinsson. Hallr prestr Gunnsteinsson. Dalkr prestr Bessason.

g f. Helgi Eysteins erchibyskups. Vppreist Jorsalaborgar. Vpptekinn heilagr domr Thorlaks byskups. | Vtanferd Gizurar Þorualldzsunar ok Jons murta Snorrasonar. Vig Jons prestz kroks. Bardagi a Alỏngrum med Eiriki Suia konungi ok Folkungum. Orrosta i Sudreyium. Fall Rognualldz konungs. Heimsokn Þorualldzsona til Saudafellz. Andadiz Eyiolfr Þorsteinsson. Sektir Þorualldz sona. Gudmundr byskup heima at Holum. Vigdr Arni aboti. Andadiz Ketill aboti. Hridir vm alþingi. Þingit fiolmenna. Vppreist Jerusalem.

[1230] f s. Cristz ar .mccxxx. Andadiz Þorir erchibyskup. Helgi byskup af Grænlandi ok Grickia konungr. Hakon konungr gaf Ospaki sudreyska konungsnafn ok Hakonarnafn. Þa for hann herferd til Sudreyia ok andadiz et sama haust. Magnus byskup for af Biorgyn til Þrondheims. Kosinn Sigurdr til erchibyskups. Hakon konungr ok Skuli jarl bodudu hofþingium af Jslandi en korsbrædr af Nidarosi Gudmundi byskupi. þo var hann heima at Holum. Eirikr Suia konungr flydi til Danmerkr fyrir Folkungum. Andres skialldarband forst a dromundi i Griklandzhafi. Sætt Sturla ok Þordar.

e c. Andadiz heilagr Antonius. ok sancta Helisabeth hon var dottir konungs af Vngaria. hana atti hertuginn af Thyringialandi. Andadiz Valldimar Dana konungr. Eirekr enn helgi brodir hans tok konungsnafn ok var koronadr. Sat Gudmundr byskup i Ỏxarfirdi. Vig Jons murta Snorrasunar. Drꜳp Jon(s) jarls i Orkneyium. Andadiz Halluardr byskup i Hamri. Vtkoma Gizorar Þorualldzsonar. Andadiz Jngimundr Jonsson. Hettusott. Vigdr Sigurdr tafsi til erchibyskups.

dc .b Vig Snorra ok Þordar Þorualldzsona. Vtkuoma Magnus byskups med brefum erchibyskups. Saurgadr kirkiugardr at Holum ok saunglaust. Gudmundr byskup settr af embætti. Braut .v. skip fyrir sunnan land ok tynduz .iij. menn ens setta tigar ok mikit fee. Tyndiz gædinga skip i Orkneyium. Vigdr Pꜳll byskup til Hamarkaupangs ok Arnorr aboti i Ver. Styrmir tok lỏgsogn.

b o. Sætt Gudmundar byskups ok Sighuatz ok Sturlu sonar hans. Hakallahaust. Sætt Hakonar konungs ok Skula jarls. Gert vm vig Vatzfirdinga. Sætt Magnus byskups ok Snorra Sturlusonar. Hafisar allt sumar. Vrækia kom i Vatzfiord. Andadiz Þorlakr prestr. Sturla for vtan. Vig Vigfusar ok Valgardz. Gudmundr byskup sat i Hofda.

[1234] a .o Andadiz Olafr erchibyskup or Suiþiod. Vig Oddz Ꜳlasonar ok þeirra .v. ok Kalfs ok Guthorms sonar hans. Sætt Sighuatz Sturlusonar ok Kolbeins vnga. Rꜳn ꜳ Leirubacka. Þa hofuz ok rꜳn bædi nordr ok vestr. Missætti hofþingia .x. setr. Flodit mikla. Skipabrot. Brendr stadr i Lundi. Krossinn helgi kom til Nidaros. Vigdr Nichulas byskup til Grænlandz. En helga Helisabeth var tekin i cathalogum. Atfaur vid Sighuat Sturluson. Fundr i Flatatungu. Vig Þorarins. Fiorrꜳd vid Snorra.

g t. Andadiz Digrhelgi ok Sigurdr Ormsson. Flosi prestr Biarnason ok Þorualldr Gizorarson. Vrækiu vtan stefnt. Kolbeinn for vtan. Sturla Sighuatzsun kom vt fra Roma med lausn Sighuatz fỏdur sins. Rꜳn ok stuldir i Vestfirdinga fiordungi ok Sunnlendinga fiordungi. Gudmundr byskup sat heima at Holum.

fe k. Andadiz Valldimar erchibyskup af Brimum. Nordanferd Sighuatz or Eyiafirdi til Borgarfiardar .x. hundrat manna foru med honum i Reykiahollt i efzstu viku .vij. menn drepnir fyrir Vrækiu i Klofavik. var prestr i einn. flegnir at fotum ok kasadir sem þiofar. Orækia meiddr ok heill gerr. Hann for vtan ok byskupsefni Biorn fra Holum ok Magnus prestr. Andadiz Arni prestr at Lundi. Teitr logmadr.

d .k Andadiz Gudmundr byskup. Magnus byskup Gizorarson. Þordr Sturluson. Eklipsis lune. Sturla for at Þorleifi. Bardagi i Bæ letuz þar .xxx. manna. Fiarrꜳn vid Þorleif. Vtanferd Snorra. Þorleifs. Þordar kakala. Þorarins Jonssunar. Olafs Þordarsonar. Logtekin Thorlaksmessa. Hakon konungr crossadr. Hertugi Abel feck Mathilldar.

c p. Tekin vpp likami Vilhialms abota i Eplahollti. Hakon konungr gaf Skula hertuganafn. Andadiz Kyfribiorn prestr. Leggr priur. Gizur Þorualldzsun var handtekinn af Sturlu vid Apavatn. Byskupslaust a Jslandi. Eytt alþingi ok þotti þat odæmi. Elldr vpp fyrir Reykianesi. Gizor ok Kolbeinn foru at Sturla med .mcc. Sturla sat i Gilsfirdi med .dccc. Bardagi a Orlygstodum. þar fell Sighuatr ok synir hans .iijj. enn allz .lx. af Sturlu. enn af Gizori ok Kolbeini .v. menn. Fæddr Magnus konungr Hakonarson. Vigdir byskupar Siguardr til Skalholltz enn Botholfr til Hola. Brandr Jonsson tok vmbod i sydra byskupsdæmi. Vtkuoma Hilldibiarnar munks med brefum.

b g. Nichulas byskup for til Grænlandz. Siguardr til Skalholltz. Botolfr til Hola. Vtkuoma Snorra. Vrekiu. Þorleifs ok Magnus prestz Gudmundarsonar. Eirikr Dana konungr feck Juttu. Andlat Þorarins ok Socka. Margir draumar ok fyrirburdir. Skuli hertugi let gefa ser konungsnafn. Hakon konungr gaf Knuti jarlsnafn. Hofz ofridr i Noregi.

[1240] ag f. Cristz ar .mccxl. Bardagi a Lꜳku med Skula hertuga ok Knuti jarli. Seen cometa. Hakon konungr let gefa konungsnafn Hakoni syni sinum. Bardagi i Oslu med Hakoni konungi ok Skula hertuga. Kirkiu bruni a Elgisetri. Fall Skula hertuga ok Petrs sonar hans. Sol raud. Druknan Magnus prestz Gudmundarsonar. Elldr fyrir Reykianesi. Bolnasott en fysta. Landzskialftar miklir fyrir sunnan land. Andadiz Nichulas byskup a Grænlandi. Þa kom vt farkonu sott. Andadiz Einarr Þorualldzsun. Arnbiorn Jonsson ok Þorleikr K(etils)s(on).

f l. Andadiz Gregorius papa. þa var pafalaust .ij. vetr. Andadiz Valldimar rammi Dana konungr. Eirekr son hans rikti i Danmork .ix. ꜳr. Mannfall a Audunarstodum i Vididal. Andadiz Ormr Suinfellingr. Vig Jlluga Þorualldzsonar ok Snorra Sturlusonar. Veginn Klængr Biarnason at radi Vrækiu annan dag jola. Jamtar(!) borduz vid Vngaria. Eugenius papa .iij. man. Jnnocentius papa .xiij. ar.

| e .l Bardagi i Skalhollti med Vrækiu ok Gizori. Bruar fundr. Vtanferd Gizorar Þorualldzsonar ok Vrækiu. Þordr kakali kom vt. Kolbeinn for at honum ok lꜳ vti a Tuidægru ok letuz þar .iij. menn. Flettingar j Altartungu. Erebibyskup bardiz vid lid keisara ok vard fanginn. Rꜳn i Hitardal.

d c. Jnnocentius papa bardiz vid Fridrek keisara. Keisari kom a flotta ok let þriar þushundir manna. Birtiz helgi Vilhialms diakns i Biorgyn. Andadiz Gillibert byskup a Skotlandi. Bergsueinn byskup i Færeyium. Vtanferd Botholfs byskups ok Ꜳrna oreidu. Vig Þorarins ok Jons Oddasunar. Farbann or Noregi. Vig Mardar sterka ok Helga læknis. Flockr vppi fyrir nordan land ok i Borgarfirdi.

cb o. Andadiz Ormr byskup i Oslu. Biorn aboti. Askeli aboti. Skuli prestr. Reykhola faur ok veginn Tumi Sighuatzson. Sektir Þordar kakala ok þeirra .xv. ꜳ alþingi. Vig Hialmssona. Vig Simonar Knutz. Vig Þordar B(iarnar) s(onar). Vig Blasiussona. Floa fundr. fellu .xix. menn af Kolbeini enn(!).

a .g Andadiz Styrmir priur. Orækia Snorrason. Kolbeinn vngi. Pꜳll vagarskꜳlm. Symon kyr. Stormęli erchibyskups vid Nordlendinga. Elldr i Solheima iokli. Vtkuoma Gizorar Þorualldzsonar. Vard Gregorius papa. hann let saman setia doctrinales.

g t. Andadiz Botholfr byskup af Holum. Jofreyr byskup af Orkneyium. Herra Gregorius Andresson konungs magr. Haugsnes bardagi. Fell Brandr son Kolbeins kalldalios. Vtanferd Gizorar Þorualldzsonar ok Þordar kakala. Vigdr Olafr byskup til Grænlandz. Petr byskup til Færeyia. Skirdr Kain Tatarakonungr. Sottarvetr.

f l. Vilhialmr kardinali kom i Noreg. Hakon konungr koronadr. Vigsla Heinreks byskups ok vtkuoma hans ok Þordar kakala. Gizor Þorualldzson for til Roms. Olafr byskup for til Grænlandz. Vigdr Brandr aboti i Veri ok Arnor aboti i Videy. Andadiz Runolfr prestr ok Oddr diakn. Sott mikil ok manndaudr. Andadiz Þorkell byskup.

ed .k Andadiz Vilhialmr cardinali. Bæiarbruni i Biorgyn. Brann Tunsberg. Skipsbrot fyrir Krysuvik .viij. menn letuz. Vigdr Hakon byskup i Oslu ok Herui byskup til Orkneyia. Herra Birgir tok jarldom i Suidiod. Drap herra Holmgeirs. Druknun Haralldz Sudreyia konungs. Jon tok þar konungdom. Olafr Þordarson logmadr. Andadiz Vlfr jarl fasi. Landskialfti i Gautelfi.

c p. Andadiz Soldan af Babilon ok Alexander Skota konungr. Simon byskup af Færeyium ok Arnorr aboti i Veri. Lambkarr aboti. Land hliop i Gautelfi. Sætt Hakonar konungs ok Eireks Suia konungs. Heinrekr byskup for vtan. Andadiz Snælaug i Bæ. Louiss konungr vann Damiant. Andadiz Fridrekr keisari. Drap Eireks hins helga Dana konungs. Abel tok riki. Valldemar Birgisson tok riki i Suiþiod.

[1250] k g. Fanginn Lofiss Franka konungr ok leystr vt med Damiat. Kosinn Sturla Þordarson til logmannz. Vtanferd Siguardar byskups ok Þordar kakala. Cristz ar .mccl. Drap Soldans vnga. Fall Rodbertz brodur konungs af Franz. And(adiz) Ormr Biarnarson. Oddr for at Sæmundi ok flydi þo vndan.

a .g Andadiz Pall byskup i Hamri. Konrꜳdr Fridreksson keisari rikti .iij. ar. Drepnir .iij. jungherrar i Suiþiod. Druknun Sæmundar sona Philippus ok Haralldz. Brann klaustr i Tautro.

gf l. Andadiz Sigurdr erchibyskup. Arni aboti at Þuerꜳ. Drꜳp Abels Dana konungs. Cristiforus brodir hans tok riki. Vig Sæmundar ok Gudmundar Ormssuna. Vtkuoma Heinreks byskups ok Gizorar Þorualldzsonar. Þorgils skarda Bauduarssonar. Finnbiarnar Hegasonar. kosinn Sỏrli til erchibyskups. Atfarar at Gizori Þorualldzsyni. Stafholltzferd. Olafr laugmadr. Gizor tok valld yfir Skagafirdi.

e .l Vigdr Sorli til erchibyskups ok Petr byskup til Hamars. Brenna a Flugumyri. þar letuz .iij. Gizorarsynir ok Þora kona hans ok halfr þridi tugr manna allz. Skiption Eysteins huita. Sætt Hakonar konungs ok Cristiforus Dana konungs. Sidumulafaur. Andadiz Vbbi erchibyskup i Suiþiod ok Þorarinn aboti at Þingeyrum. Laugtekit at guds laug skylldu rada ef a greindi ok landzlỏg. Fæddr Haflidi Steinsson. Teitr Einarson lỏgmadr.

d .c Andadiz heilaga Clara. hon var .xl. ok .ij. ar i berfættu brædra reglu. Andadiz Jnnocentius papa. Siluester pafi. Sorli erchibyskup. Askell byskup af Stafangri ok Konradr konungr Fridreksson. Manfridus brodir hans rikti .xij. ar. Heinrekr byskup handtekinn af Oddi Þorarinssyni ok laus lꜳtinn. Grimseyiarferd. þar fell Hrani Kodransson ok þeir .iijj. Vigdr Eyiolfr aboti. Vtkuoma Siguardar byskups. Vtanferd Gizorar Þorualldzsonar. Bæiarbruni i Oslu. Sucku nidr bæir a Raudsuelli i Orkadal. Miklir flockur foru nordr vm land at Oddi Þorarinssyni. Vig Kolbeins Duggussonar ok þeim .vij. Vig Rana ok þeirra .v. Andadiz Solueig Sæmundar dottir. Gizor sekti Eyiolf.

[1255] c h. Alexander papa .vj. ꜳr. Bardagi i Gelldingahollti. þar fell Oddr Þorarinsson ok .viij. menn. Bardagi i Eyiafirdi. þar fell Eyiolfr ofsi Þorsteinsson ok .viij. menn. þar fell ok Finnbiorn ok .viij. menn af þeirra lidi. Andadiz Gizor diakn byskupssun ok Guthormr Þordarson. Vtkuoma Juars Englasonar. Eclipsis lune.

ba .g Andadiz Arni byskup i Biorgyn. Gibbon jarl af Orkneyium. Þordr kakali. Hakon konungr let brenna Halland. Vtanferd Heinreks byskups. Vigdr Runolfr Olafsson aboti i Videy. Þorgils tok valld yfir Skagafirdi. Þriu skipbrot a Eyrum.

g t. Andadiz Hakon konungr vngi. Jumfru Cristin gift vt i Spaniam. Hakon konungr gamli let gefa Magnusi syni sinum konungsnafn ok gerdi þat Einar erchibyskup. Sætt Hakonar konungs ok Cristiforus Dana konungs i annat sinn. Flockar i Dolum i ok sættir þeirra Þorgils skarda ok Rafns Oddz(sonar) ok Sturlu Þordarsonar. Andadiz Þorleifr i Gordum.

f d. Vig Þorgils skarda ok Teitz logmannz. Andadiz Gisli Markusson a Raudasandi. Beiarbruni i Tunsbergi. Hakon konungr gaf Gizori jarlsnafn ok sendi hann til Jslandz. Eclipsis lune .ij. idus Nouembris. Mannfall i Midfirdi. þat tok til Mariumesso sidari enn letti eftir paschaviku ok do or sott .cccc. manna i þessum kirkiusoknum. at Stad. at Nupi a Backa. a Mel i Huamm Holum ok Tiorn. | Kirkiubruni i Laufꜳsi. Vigdr Olafr aboti til Helgafellz. Skiption Sindra. Drepin skipshofn Eyiolfs audga a Finnmork. konur .ij. komu til Noregs af .xvj. vetrum sidarr. Sighuatr ok Sturla foru at Þoruardi nordr til Eyiafiardar en Þoruardr stock vndan nordr til Reykiadals. Þa foru menn i millum ok funduzst þeir ok var ger sætt ok helltz eigi af Þoruardar hendi. Vigfuss rænti a Tannsbrecku.

e .d Andadiz Kristiforus Dana konungr. Eirekr son hans tok riki. Sua segir herra Folki erchidiakn at Vppsolum er sidan var þar erchibyskup Sturlu Þordarsyni at Predikarar hefdi sagt honum sua at a þessu ari sa þeir i Bryggiu i Flandr þann mann er kominn var langt vtan or londum ok sagdi sua at hann hafdi þionat Karlamagnusi konungi fordum daga ok sagdi þa dottur sina eiga stadinn i Bryggio er hann for af Franz. hann visadi þar til fiar i myrunum ok fanz þat ok þat kuat herra Folki ser hellz sagt at hann hefdi andaz litlu sidar i Kolni. Suiknir guds riddarar i Samlandi. Skrida liop i Budardal ok letuz .vij. menn. Gizorr jarl rænti a Rangarvollum. Andadiz Teitr prestr Þorualldzsun. Olafr Þordarson huitaskꜳlld. Ketill prestr logmadr. Sniofall mikit fyrir Laurentius messo ok hallæri.

[1260] dc p. Cristz ar .mcclx. Andadiz Heinrekr byskup. Petr byskup i Hamri. Drepinn byskup i Jotlandi. Drepinn Tatara her i Jorsalalandi. Andadiz herra Jarmar. Fundr þeirra Gizorar jarls at Þingskꜳlum ok Rangæinga. var fyrir þeim Biorn Sæmundarson ok Loftr Hꜳlfdanarson ok soru Rangæingar trunadareida konung Hakoni ok Gizori jarli. Landskialfti hinn mikli nordr i Flatey. Juar Arnliotarson heimti skatt af hendi Noregs konungs ok villdu menn eigi giallda. Druknun Jons Lodinssonar.

b .p Andadiz Alexander papa. Þa var pafalaust nockura stund. siþan var Vrbanus papa .iij. ar. Orosta a Loheidi. Magnus konungr koronadr ok feck Jngibiargar dottur Eireks ens helga Dana konungs. Andadiz Loptr kanoki byskupsson. Hafiss vmhuerfis Jsland. Vtkuoma Halluardar gullskos i Huitꜳ med brefum Hakonar konungs ok skipadr Rafni Borgarfiordr. J Loheidar orrostu var Dana konungr tekinn ok modir hans. Andadiz Knutr jarl. Hertugi Birgir feck Mathilldar drottningar.

a v. Suarit Hakoni ok Magnusi Noregs konungum land ok þegnar ok æfinligr skattr a Jslandi vm Nordlendinga fiordung ok vm Sunnlendinga fiordung fyrir (vtan) Þiorsꜳ ok vm Vestfirdinga fiordung. Vtanferd Brandz abota. Olafr Grænlendinga byskup kom til Jslandz i Herdisarvik. Elldr i Solheima jokli. Myrkr sua mikit at fal sol. Vtanferd Sighuatz Boduarssonar ok Sturlu Rafnssonar.

[1263] g m. Vigdr Brandr byskup til Hola enn Gillibert byskup til Hamars. Vtkuoma Brandz byskups. Jattudu Oddaveriar skatti fyrir austan Þiorsꜳ vm Sunnlendinga fiordung. ok þann vetr vm allheilagra messo skeid sỏr Þoruardr Þorarinsson Brandi byskupi faudurbrodur sinum at fara a konungs fund at sumri ok sua gerdi hann. Hakon konungr for herferd til Skotlandz med sua miklu lidi at menn vitu eigi jafnmikinn her farit hafa or Noregi. Honum fylgdi Þorgils byskup af Stafangri ok Gillibert byskup af Hamri. Eklipsis solis nonas Augusti. Andadiz Hakon konungr i Orkneyium. Vtanferd Sturlu Þordarsonar. Þorleifr logmadr. Andadiz Einar erchibyskup. Magnus konungr godi tok riki. Lafalin konungr af Bretlandi sigradi Engilsmenn. Adalbrikt hertugi af Brunsvik tekinn i Thyringia ok inni settr.

fe .l Var flutt lik Hakonar konungs af Orkneyium til Noregs. Andadiz Vrbanus papa. Þa var pafalaust halfan fimta man. Þa var seen cometa i Paris. A þessum timum var strid millum Heinreks Engla konungs ok iarlla hans ok j þui stridi var Heinrekr konungr sigradr af Simoni jarli ok odrum landzhofþingium. Þa var sira Eduardr son Hei(n)riks konungs fanginn ok Rikgardr konungr af Alimannia fodurbrodir hans. hann hafdi verit kosinn til keisara af nockurum þyduerskum hofþingium. Kom Eirekr Dana konungr son Kristophori konungs vtan af Brandersborg af hertekning gefinn vt af margreifanum. Andadiz Brandr byskup. Boduar i Bæ. A þessu sumri suardi Ormr Ormssun Noregs konungum skatt ok Sidumenn ꜳ alþingi. Þa hofdu allir formenn a Jslandi samþykt vm skatt vid Noregs konunga. Vtanferd Þoruardz Þorarinssonar. Vig Þordar Andressonar. Vigdr Runolfr Sigmundarson aboti i Veri. Vtanferd Olafs Grænlendinga byskups. Komu til Magnus konungs berfættu brædr af Skotlandi.

[1265] d q. Vigdr Clemens papa .iij. ar. Bansettir jarlar ok barunar i Englandi. Sira Eduardr komz or valldi ovina sinna ok bardiz vid Simon jarl er atti faudursystur hans ok adra jarls þa er honum fylgdu. ok þar var Heinrekr konungr naudigr i bardaga moti Eduardi syni sinum. Þar fell Simon ok .ij. synir hans ok .xviij. þushundir manna. Andadiz meistari Johannes af Sacrabosco i Paris. Feck Clemens papa erchibyskups kosning til Nidaros kirkio .iiij. klaustramonnum abota af Lysa. abota af Holmi. Predicara priori i Nidarosi. Custodi dominus af Berfættu brædra lifi. ok kusu þeir Hakon byskup af Oslu. Andadiz Halfdan Sæmundarson. Vtquoma Þoruardar Þorarinssonar. Sætt Magnus konungs ok Alexandri Skota konungs med þui moti at Skota konungr skylldi rꜳda ęfenliga fyrir Skotlandi ok Sudreyium en Noregs konungr taka af Skotakonungi .ix. hundrad marka enskra sterlinga a hueriu ꜳri æfinliga. Andadiz Birgir hertugi i Suiariki. Tyndiz Grænlandzfar ok þar med .xl. manna. For vtan Jorundr prestr Þorsteinsson.

c h. Vigdr Karl brodir Louiss Franka konungs til konungs yfir Sikiley hinn .xiij. dag jola. Hann sigradi Manfredum prinz i Februario manadi. med princinum fellu .iij. þushundir ok .dcc. enn af Karli konungi .l. manna. Siþan vann Karl konungr Pul a .xx. dogum. Magnus konungr setti allra heilagra spital i Vogsbotni i Biorgyn ok let vigia kirkiu spitalans er Hakon konungr fadir hans let reisa þar af steini en þessi fullgera. Magnus konungr let þar ok gera Katrinar kirkiu skamt ifra ok jok hann ok siukra manna spitala. Andadiz Magnus konungr i Mỏn Olafsson. Sighuatr Boduarssun. Þa braut Grænlandzfar a Hitarnesi .xij. menn letuz þar. Sigurdr logmadr. Brann hallin i Biorgyn.

b .h Kom sira Johannes de curia korsbrodir af Nidarosi til Hakonar byskups med pallio .xij. dag | iola. kom Magnus konungr af palmsunnudegi i Nidaros. Enn a scirdag logdu þeir Petr byskup af Biorgyn ok Þorgils byskup af Stafangri pallium yfir Hakon byskup. Þar var vid Magnus konungr ok Jngibiorg drottning ok Olafr Grænlendinga byskup ok Gauti Færeyia byskup. Þetta gerdu byskuparnir eftir bodi Clemens papa. A huitasunnudag i Paris var dubbadr til riddara Philippus son Lofiss Franka konungs ok .dccc. annarra riddara med honum. Vigdr Andres byskup i Oslo ok Jorundr byskup til Hola. Andadiz Hakon erchibyskup ok Laurentius erchibyskup af Suiþiod. Margret drottning Skuladottir. Jonn logmadr. enn heilog Maria Magdalena birtiz ok var logd i skrin i Franz. var þar vid Lofuis konungr ok margir adrir agætir hofþingiar. Andadiz jungherra Olafr. Sætt Jatuardar ok jarla ok baruna i Englandi. Karl konungr af Pule var crossadr til Jorsala ok Lofuiss Franka konungr brodir hans ok margir hofþingiar. Hofz Konradr son Konrads af Alimania mot Karli konungi. Laugtekin Gulaþingsbok su er Magnus konungr gerdi.

ag t. Fundr Magnus konungs ok Valldimars Suia konungs i Liodhusum. Jonn vigdr erchibyskup ok kom heim til Nidaros litlu fyrir jol ok song fyst messo at kirkio joladag. Andadiz Clemens papa. Siþan var pafalaust nær .v. ar. Andadiz Dufgall Sudreyia konungr. Fæddr Eirekr son Magnus konungs. Andadiz Siguardr byskup ok Gizor jarl .ij. Jdus Januarij. Sigradr Konradr af Karli konungi vt vid Arans ok Heinrekr hertugi af Lothoringa i Þyuersku. Konradr flydi i Beneuent ok var þar halshogginn. enn Heinrekr brodir Alphonsi konungs af Kastel var meiddr. Andadiz Andres Gudmundarson. Vtanferd Þoruardar Þorarinssonar ok Orms Ormssonar. Ryskiss sott a Jslandi. Þorleifr logmadr. Vtanferd sira Arna Þorlakssonar. Andadiz Gauti byskup af Færeyium.

f d. Andadiz Heinrekr byskup i Orkneyium. Fæddr Gizorr Galli ok hafdi nafn Gizorar jarls Þorualldzsonar. Magnus konungr ok Jonn erchibyskup voru a Frostaþingi. þa feck Magnus konungr samþyckt allra Frostaþingsmanna at skipa sua Frostaþingsbok vm alla þa luti sem til veralldar heyra ok konungdomsins sem honum syndiz bezst bera. Þa var þat logtekit at Frostuþing skal iafnan vera vm Botholfs voku. Vigdr Arni byskup Þorlaksson til Skalholltz ok Erlendr byskup til Færeyia. Vtkuoma Arna byskups. Vtanferd Rafns Oddzsunar. Jonn logmadr. Þessir konungar tynduz af eitri þui er i brunna var kastad. Sulltan af Thuniz. Theoballdus af Nauare. Jacob for til Jorsala.

[1270] e d. Cristz ar .mcclxx. Vigdr Petr byskup til Orkneyia. Fæddr Hakon son Magnus konungs. Brann klaustr Berfættu brædra i Biorgyn. Andadiz Petr byskup i Biorgyn ok Gautr Jonsson a Meli. Kosinn ok vigdr Ascatin byskup i Biorgyn. Louiss Franka konungr for af landi ok sira Eduardr af Englandi ok margir adrir hofþingiar. Louiss konungr vann Kartaginem. J þessum vfridi fell Jonakrs son hans. ok þa lezt mart folk af herlidi cristinna manna af þvi at eitri var kastad i brunna fyrir þa. Þa lezt Louiss konungr i Affrika. Jacob kom af Jorsolum. Druknun Orms Ormssonar. Vtkuoma Rafns Oddzsonar. Koronadr Philippus konungr af Franz. Striddu þeir Bele konungr af Vngaria ok konungr af Bethleem vm riki þat er Austrꜳ heitir. þat liggr a medal þeirra. konungr af Bethleem sigradizst. Drapu synir Symonar Heinrik son Rikgardar konungs af Akuintania i kirkiu. Komu noræn log a Jsland.

d q. Hafdi Magnus konungr fiolment i Biorgyn vid Jon erchibyskup. Magnus konungr sendi til Jslandz Þoruard Þorarinssen ok Sturlu Þordarson logmann ok Eindrida bongul med logbok ok var þꜳ iattad konungi þegngilldi a Jslandi. Þa var logtekinn Þingskaparbalkr i bokinni ok .ij. kapitular i Erfdaþætti vm festarkonu born ok arfleiding. Þa for Olafr byskup annat sinn til Grænlandz. Þa gerdu Ke(re)lear ok Kueinir mikit hervirki a Halogalandi. Koronadr Philippus Franka konungr in Assumptio beate Marie uirginis. Þa striddu þeir Bela konungr af Vngaria ok konungr af Bæheimium vm riki er liggr i Austrhalfu milli landa þeirra. Drapu synir Symonar Mufort Heinrek son Rikgardar konungs af Alimania i kirkiu. Setti Magnus konungr a jolum profast ok chorsbrædr at Postulakirkiu i Biorgyn. Þorleifr logmadr id þridia sinn.

cb .p Vigdr Gregorius papa. Stefnt eptir .ij. ar almenniligt þing. Andadiz Heinrekr Engla konungr. Þa var logtekin logbok su er Magnus konungr hafdi sent til Jslandz oll nema erfdabꜳlkr. vtan þa .ij. kapitula er ꜳdr voru logteknir. Beiarbruni i Stafangri. Vtanferd Arna byskups ok Rafns Oddzsunar ok Þoruardar Þorarinssonar. Sturla legifer.

a v. Sen cometa i Noregi. Fundr Magnus konungs ok Valldimars Suia konungs i Sarpsborg vm midfostuskeid ok hellt Magnus konungr þeim allan kost. Magnus konungr gaf konungsnafn Eireki syni sinum enn hertuganafn Hakoni syni sinum. Andadiz Magnus jarl i Orkneyium Gibbonsson. Vilhialmr prestr. Þorsteinn Halldorsson. Ketill Loptzson. Vtquama Arna byskups ok Rafns Oddzsonar. Þoruardar Þorarinssonar. Vtanferd Jorundar byskups. Þetta haust var iattad ꜳ Jslandi at Marteins messo erfdabelki i logbok þeirri er Magnus konungr hafdi sent til Jslandz med fulltingi Rafns Oddzsonar ok Sturlu logmannz. Eirekr Dana konungr sigradi þyduerska menn.

[1274] g m. Gregorius papa hafdi almenniligt þing i Leons. Þar var Jonn erchibyskup af Nidarosi ok Andres byskup af Oslo ok Askatin byskup af Biorgum ok komu a sama ꜳri aftr med þeim bodskap Gregorij pafa ok stadfastligri skipan at klerkar skylldu til Jorsalaferdar leggia af ollum rentum sinum sex ꜳr ok gefnar miklar aflausnir þeim er krossadiz til Jorsalaferdar. Þa sneruz ok Grikir aftr til truar almenniligrar med guds miskun ok rꜳdi Gregorij pafa. Philippus Franka konungr sendi Magnusi konungi i Noregi part af þornkrunu vars herra Jesu Cristi. Coronadr Eduardr Engla konungr. Andadiz Jacob erchibyskup i Danmork. Vtquoma Jorundar byskups. Vtanferd Gudmundar.

f .e Let Magnus konungr setia kirkiu grunduoll i grasgardi sinum i Biorgyn. Valldimar Suia konungr | vard forflotti fyrir brædrum sinum hertuga Magnusi ok jungherra Eireki til Noregs. ok sua sem hann kom aftr i Suiariki var hann fanginn ok gaf vpp krununa brædrum sinum hertuga Magnusi ok jungherra Eireki ok komz eftir þat med flotta i Konungahellu. A Laurentius messodag kom þat hagl i Þrondheimi at enir stærstu haglsteinar stodu .xv. aura. Komu transcripta paualigra brefa til Jslandz vm frelse Jorsalalandz med brefum Jons erchibyskups. Andadiz Gudmundr Boduarssun.

ed q. Andadiz Gregorius papa .iiij. idus Januarij. ok kallar alþyda hann helgan. Jn festo Agnetis var kosinn Jnnocentius ok vigdr litlu sidarr fystr af Predicarahusi ok lifdi eigi allt til Jonsvoku. Þa var tekinn til pafa Octobonus cardinalis agætr ok kalladr Adrianus quartus. hann song enga messo þuiat hann vard eigi vigdr til prestz. enn hann andadiz fyrir vigsludaga millum Mariumesna. Eptir þat var tekinn til pafa meistari Petrus hyspanius cardinalis a drottinsdag fyrir crossmesso ok kalladr Johannes. Vfridr mikill Dana ok Suia. Valldimar Suia konungr kom til Biorgyniar a fund Magnus konungs. Vm sumarit var fundr þeirra Magnus Noregs konungs ok Magnus Suia konungs Birgissonar er Suiar hofdu þa tekit til konungs. sa fundr var i Gautelfi vid Horsaberg ok var talat vm sættir þeirra brædra Valldimars ok Magnus ok sættaz ecki at þui sinni. Magnus Noregs konungr gaf Magnusi syni Magnus jarls af Orkneyium (jarlsnafn) j Tunsbergi. Andadiz Þorgils byskup i Stafangri. Druknun Þordar Rafnssonar .iii. kal. Junij. ok .xj. menn. Braut knorr hinn mikla vid Vestmannaeyiar. Eclipsis solis.

c h. Andadiz Johannes papa. Nichulas papa var vigdr nær Katrinar messo. hann het adr Johannes Gagitanus Romuerskr kardinal. Vigdr Arni byskup til Stafangrs. Andadiz Ascatin byskup. Sætt Magnus konungs ok Jons erchibyskups. Tatarar drapu Solldan af Babilon ok med honum .xxx. þushunda manna. Valldimar Suia konungr ok Eirekr Dana konungr foru i Vestra Gautland ok heriudu i Suiariki. Magnus Noregs konungr gaf lendum monnum baruna nafn ok herra. en skutilsueinum riddara nafn ok herra. Sættuz Þiler vid Magnus konung. Vtanferd Rafns Oddzsonar ok Þoruardar Þorarinssonar ok Sturlu logmannz. Veginn Eilifr i Naustdal.

b .h Vigdr Narfui byskup ok Þorfinnr byskup. Leidangr Magnus konungs til Elfar. Tekinn Valldimar Suia konungr aftr i riki sitt. Drepinn Jngimar i Gautlandi. Heituduz Suiar at heria i Noreg af eggian Dana. Vtkuoma Sturlu logmannz.

a n. Kirialar toku Þorbiorn skein syslumann Magnus konungs ok drapu a fialli fyrir honum .xxx. .v. menn. Vtquoma Þoruardar Þorarinssonar ok herra Rafns Oddzsonar. Þa hafdi Magnus konungr gert hann merkismann sinn. Jorundr byskup ok Arni byskup leystu Odd Þorarinssen ok færdu bein hans i Skalhollt til legstadar. Vtanferd Jorundar byskups ok Arna byskups. Andadiz Vermundr aboti. Haflidi prestr Olafsson. Kom vt Eindridi boggull ok Lodinn af Backa med logsogn.

[1280] gf .m Cristz ar .mcclxxx. Andadiz Nichulas papa ok Magnus konungr Hakonarson. Eirekr son hans koronadr af Joni erchibyskupi ok .vij. byskupum odrum. Andadiz Olafr Grænlendinga byskup. Vtkuoma Jorundar byskups ok Arna byskups ok Jons logmannz med nyia bok. Vigdr Biarni aboti til Þingeyra.

[1281] e .d Vigdr Martinus papa. Suarit Eireki Noregs konungi ok Hakoni hertuga land ok þegnar a Jslandi. Eirekr Noregs konungr feck Margretar dottur Alexandri Skota konungs. Vtanferd herra Þoruardar Þorarinssonar. Rafn vard aptrreki. Herra Arni byskup for vm Vestfiordu ok gerdi vigslur i Hollti a huitadogum.

d i. Bęiarbruni i Þrondheimi. Vtanferd herra Rafns. Jonn erchibyskup for or landi. ok Andres byskup af Oslo. ok Þorfinnr byskup af Hamri. Andadiz Jonn erchibyskup i Skaurum i Vestra Gautlandi. Þingit fiolmenna i Nidarosi.

c .i Likami Jons erchibyskups fluttr heim til Nidaros ok þar jardadr ok hyggia menn hann helgann. Andadiz Margret drottning dottir Alexandri Skota konungs. Vtquoma herra Rafns Oddzsonar. Andadiz herra Erlingr Ꜳlfsson ok Þordr prestr Sturluson. Þorarinn prestr Eigilsson. Vtquama herra Erlendar logmannz. hofu þeir Rafn Oddzson þa tilkall til erfdastada a Jslandi. Þa for mikil sott yfir Jsland. Margreta drottning hafdi gefit kirkiunni at Holum mottul sinn ok let Jorundr byskup gera or kapu er kollud er drottningarnautr.

ba v. Andadiz Martinus papa. Karl konungr a Puli. Petr byskup i Orkneyium. Magnus jarl i Orkneyium ok herra Sturla lỏgmadr. Teknar nockurar kirkna eignir ꜳ Jslandi vndir leikmanna valld eftir skipan herra Rafns Oddzsonar. Sott mikil fiardaudi ok do mart folk i sulti ok margir bęir eydduz.

g e. Vigdr Honorius Septimus papa. Fall Philippus Franka konungs. Andadiz Þorfinnr byskup af Hamri. Andres byskup af Oslo kom i land med pafabrefum. Andadiz herra Asgrimr Þorsteinsson ok Biorn Sæmundarsen. Druknadi Þorualldr Steinmodsson med nockurum monnum. Andadiz Þurid prior. Fanz land vestr vndan Jslandi. Sott mikil vm Vestfiordu.

f .e Andadiz Alexander Skota konungr. Drꜳp Eireks Cristiphorus sonar Dana konungs. Andres byskup af Oslo vigdi Jorund byskup til Hamars enn Dolgfinn byskup til Orkneyia. Komu sendibodar Tatara konungs til Eireks Noregs konungs. Drepinn ok myrdr Eirekr Dana konungr. Gerfir jarlar i Noregi Alfr ok Andunn. Seet spiot a fundi einum standanda i lofti i Borgarfirdi. Gudmundr Hallzson kom vt med vtanstefningha brefum. Andadiz Adalbrandr prestr.

e r. Andadiz Honorius papa. Andres byskup af Oslo. Jngibiorg drottning Eireksdottir. Drap Hallkels Ogmundarsunar. Bæiarbruni i Tunsbergi. Vtanferd Jorundar byskups ok herra Þoruardar Þorarinssonar. Alfr vtlægr ger ok allir þeir er honum fylgdu ok sidan drepnir .cc. ok .xx. menn. Alfr komz i klaustr i Suiariki. Heingdr Aslakr skeinkir ok þeir .viij. Bansettir i Danmork allir þeir er drapu edr redu Eirik konung. A Tiburtius messodag sigldu Eirekr konungr ok Hakon hertugi af Biorgyn.

dc h. Vigdr Nichulas papa. Vtquoma Jorundar byskups ok herra Þoruardar ok herra Olafs stallara. | Vtanferd Arna byskups ok herra Rafns. Jorundr byskup af Hamri tok pallium ok erchibyskups tign i Nidarosi. Vigdr Þordr byskup til Grænlandz.

b .a Herferd Eireks Noregs konunga til Danmerkr. Þordr byskup for til Grænlandz. Andadiz Rafn Oddzson. Eirekr konungr sendi Rolf til Jslandz at leita Nyialandz. Jorundr Holabyskup for vm syslu Arna byskups at heimta aftr stadi at radi Jorundar erchibyskups.

[1290] a n. Cristz ar .mcclxxxx. Eirekr Noregs konungr bar koronu fiorda dag pascha. Hann brendi ok Langaland a þui ari ok Suinaborg a Fioni ok Falstr. Vtanferd Jorundar byskups. Andadiz jumfru Margret dottir Eireks Noregs konungs. Andadiz Magnus Suia konungr Birgisson. Fellivetr mikill. Vard Þorlakr Narfason logmadr. Meiddr ok drepinn Ꜳlfr Erlingsson. For Rolfr vm Jsland ok krafdi menn til Nyialandzferdar. Byskupaþing i Nidarosi.

g n. Heidnir menn brutu Akrsborg. Bolnasott a Jslandi .i. Vtkuoma Arna byskups. Gefnar kirkiu eignir prestum flestar i Skalholltz byskupsdæmi. Sniovetr mikill. Sætt Eireks konungs ok byskupanna i Biorgyn. Missætti Jorundar erchibyskups ok korsbrædra i Nidarosi.

fe r. Andadiz Nichulas papa. Þa var pafalaust .iij. ꜳr. Skrinlagdr Thorlakr byskup. Vtkuoma Jorundar byskups ok herra Þordar Hallzsonar ok herra Petrs af Moi med bodskap Eireks konungs vm kirkna mꜳl. Vnnin aftr Akrsborg ok barizst .xl. ok .iiij. daga. Patriarchi færdi krossinn helga i Krit. Vtkuoma Cristiphori a Falkanum. Crossuduz menn a Jslandi til Jorsalaferdar. Sott mikil.

[1293] d i. Andadiz Eyiolfr aboti at Þuerꜳ. Eirekr Noregs konungr feck Jsibel dottur sira Rodbertz sonar Rodbertz jarls af Brunsvik(!). Vigd Agatha abbadis i Kirkiubæ. Leikmenn toku nockurar kirknaeignir a Jslandi med skipan Þoruardar Þorarinssonar. Bætt Akrsborg af .iiij. konungum. Kom vt herra Petr af Heidi ok skipadr allr Nordlendinga fiordungr. Herra Lodinn af Backa gerr vtlægr til Jslandz. Vtanferd herra Þordar ok Þorlaks logmannz.

c .i Vpphaf strids med Philippo Franka konungi ok Eduardi Engla konungi. Skrida liop i Fagradal. þar letuz .xi. menn. Sprack jord i sundr i landskialfta a Rangarvollum ok hus fellu ofan ok Rangꜳ fell or farveg sinum. Forbodadir stadamenn margir. Herra Petr for vtan. Komu vt Jonn ok Þorlꜳkr logmann ok herradir bꜳdir ok herra Þordr. herra Erlendr ok herra Snorri. Vtanferd herra Þoruardar. Visleifr af Ry brendi Hising.

b o. Vigdr Adrianus heremita til pafa sancti spiritus dag ok kalladr Celestinus ok var pafi eigi allt til Jonsvoku. vid hans vigslu voru staddir .x. likþrair menn ok fengu allir heilsu med guds miskunn ok morg stormerki vrdu þar. Hann resigneradi pauadom aptr gangandi i einsetu. Þa var kosinn ok vigdr Benedictus einn af cardinalibus ok kalladr Bonifacius. Eirekr Dana konungr ok hertugi Cristiphorus brodir hans toku erchibyskup af Lundi ok kostudu i myrkuastofu. Danmork i banni. Jorundr byskup setti klaustr at Stad i Reynisnesi ok a Modruvollum i Horgardal. Fæddr Eigill er sidan var byskup. Vard Haukr Erlendzson logmadr. Vtkuoma Bꜳrdar Hognasunar med bodskap Eireks konungs. Brunnu hallir erchibyskups i Nidarosi iola nott. Andadiz Landarolfr ok Þoruardr Þorarinsson. Braut kiol a Borgarfirdi. þar letuz .xiiij. menn.

[1296] ag e. Hertugi Eirekr af Langalandi feck Agnesar modursystur Eireks Noregs konungs. Sætt Eireks Noregs konungs ok Eireks Dana konungs ok hertuga Valldimars. Fanginn sira Karl brodir konungs af Franz. Andadiz Liotr aboti at Þuerꜳ. Vtanferd herra Erlendz. herra Þorlaks. Sturlu Jonssunar. Þordr Narfasun vard logmadr. Eduardr Engla konungr striddi a Skotland. Vtanferd Arna byskups. Hualrettr mikill. Herra Þorgils drottsati feck dottur Suia konungs. Skipadr Nordlendinga fiordungr Gudmundi skalldstikli. Sỏru .xij. bændr kirknaeignir a stodu(m) i Skalholltz byskupsdæmi. Vrdu .ix. stauckuivig a Jslandi.

f .e Andadiz Arni byskup .xv. kal. Maij. Jonn erchibyskup af Lundi for or myrkuastofu. kardinali kom i Danmork ok leysti konunginn ok brodur hans ok landit allt af pafabanni. Herlid kom til Eduardar konungs ꜳ England til lidveizslu fra konungi af Hispania. Franka konungr tok riki allt þat sem Eduardr Engla konungr atti fyrir sunnan sio. Engla konungr brendi Beruvik ok mikit af Skotlandi. Sætt Jorundar erchibyskups ok korsbrædra af Nidarosi. Arni prestr Helgason hafdi vmbod vm allt Skalholltz byskupsdæmi. Fanginn sira jarl (d. e. Carl) brodir konungs af Franz af enskum monnum. Eduardr konungr fangadi jarl af Ros ok jarl af Munter ok jarl af Gerlostes. Vard Teitr prior a Modruvollum. Vtanstefnt bændum þeim er soru kirkiueignir.

e r. Vigdr Þorir aboti til Þuerꜳr. Katrin abbadis til Reynisnes. Kom af helgum domi Magnus jarls til Skalholtz. Hofz strid med Bonifacio pafa ok cardinalibus. Sætt Noregs konungs ok Dana konungs. Vtkuoma Þorlaks logmannz. Andadiz Eirekr aboti af Michialsklaustri. Seen cometa.

d .k Andadiz Eirekr Noregs konungr Magnusson .vj. Jdus Julij. Hakon hertugi brodur hans tok þa konungdom i Noregi. ok var koronadr a allra heilagra messodag. Hakon hertugi son Magnus konungs er nu vard konungr feck Eufemiam greifadottur. Andadiz Petr byskup af Skaurum ok Tiorui prestr Runolfr aboti i Videy ok Biarni aboti af Þingeyrum. Þui vottadi Laurentius er vard byskup at .ij. menn hefdi hann þa seet at honum syndiz heilags mannz yfirbragd hafa Arna byskup Þorlaksson ok Biarna abota. i framferd Biarna abota sa menn lios skina til stadarins a Þingeyrum enn klockur sialfar hringduz. Vtanferd Arna prestz Helgasonar. Runolfr aboti af Veri hafdi vmbod vm allt Skalholltz byskupsdæmi. Vtkuoma herra Sturlu med brefum þeim sem vtan stefndu tylft bænda ok tylft handgenginna manna. Braut Holltabiarna buzu vid Færeyiar ok tynduz .l. manna. Vtanferd Snorra Jngimundarsonar. Vtkuoma herra Erlendz. herra Eyiolfs Asgrimssonar. Herra Jonn logmadr sagdr af nafnbot. Bardiz Tattara konungr i Armenia ok i Campus Damasci ok i Egiptalandi ok hafdi iafnan sigr ok drap Solldan i siduzstu ok fridadi Jorsalaland.

[1300] cb .a Cristz ar .mccc. Andadiz Jonn Skota konungr. Vigdr Hoskulldr aboti til Þingeyra. Elldz vppkuoma hinn .v. i Heklufelli med sua miklum fꜳdæmum at fiallit rifnadi sua at siaz mun | mega medan Jsland er bygt. J þeim elldi leku laus biorg stor sem kol a afli sua at af þeirra samkuomu vrdu brestir sua storir at heyrdi nordr vm land ok vida annars stadar. Þadan flo vikr sua mikil a bæinn i Næfrhollt at brann þak af husum. Vindr var af landzsudri sa er bar nordr vm land sand med sua miklu myrkri at engi madr vissi huart var nꜳtt edr dagr vti ne inni medan sandinum dreif a iordina ok huldi sua alla iord med sandi a medal Vatzskardz ok Oxarheidar. Annan dag eftir fauk sandrinn sua at menn fꜳtu trautt leid sina i summum stodum. Þessa .ij. daga þordu menn eigi a sio at roa fyrir myrkri. Þetta gerdiz fyrir midsumar ok vard alldri myrkra vm nott vm skamdegi. A þessum tima kom vpp elldr i Sikiley ok brendi vpp .ij. byskupsdæmi. Settu natt jola vard landskia(l)fti sua mikill fyrir sunnan land at ofan fell bær i Skardi eystra. Þar i kirkiunni var mikill mꜳlmpottr festr vid brunꜳsinn. honum bardi sua vid ræfr kirkiunnar af skialftanum at brant pottinn. Kistur .ij. stodu i anddyrinu. þeim bardi sua saman af landskialftanum at þær brotnudu i smꜳn mola. Þa vard hallæri mikit ok fiꜳrfellir. Vtkuoma herra Oddz Þoruardarsunar. Vtanferd herra Þorlaks herra Sturlu ok Jons Einarssunar. Andadiz herra Bꜳrdr Serksson. Þa kom or Þyduersku kona su er vera kuez dottir Eireks konungs ok Margretar dottur Alexandri Skotakonungs ok kuez selld hafa verit af Jngibiorgu Erlingsdottur. Fest dottir Eireks konungs Joni jarli Magnussyni or Orkneyium. Skiption vid Færeyiar. letz halfr fiordi tugr mannz. Voru logmenn Þordr ok Þorsteinn. Skip kom i Dyrafiord Gullskorrinn. Þar kom vt Philippus Loptzson Suartr Þorleifsson ok Thomass Snartarson.

[1301] a n. Andadiz herra Snorri Jngimundarson ok herra Oddr Þoruardarson. Eclipsis lune. Seen cometa vm allt Jsland. Þa var brend þessi sama kona er vera quaz dottir Eireks konungs ok halshoggin bondi hennar. Vtkuoma herra Alfs or Kroki med bodskap Hakonar konungs ok herra Sueins langs ok skipadr Skagafiordr ok herra Kolbeins. Þa komu vt .ij. norænir logmenn herra Lodinn af Backa ok Bꜳrdr Haugnason. Fædd jumfru Jngibiorg dottir Hakonar konungs. Andadiz Bꜳrdr kanziler. Hernadr Lokuland i Sudreyium hann drap Jon fostbrodur sinn ok konu hans ok sonu .ij. ok .xi. skorar af karlmonnum. ok .vij. skorar af bornum ok brendi margar bygdir. Eru .cccc. i skor. Eduardr Engla konungr striddi a Skotland. Einn rikr hofþingi striddi a sialfa Romam. siþan gerdi hann sætt vid Bonifacium pafa sua at hann feck systur dottur pafans. enn herra pafi vann þat til fridar heilagri kristni at hann sialfr veitti brudkaup þeirra ok lofadi at eta kiot a palmsunnudag enn fyrirbaud at nockurr madr skylldi slikt gera eptir hans dæmum. Vtkuoma herra Jons er verit hafdi logmadr. Missætti med Jorundi byskupi ok korsbrædrum i Nidarosi. Herra pafi stefndi erchibyskupi a sinn fund enn hann for eigi leingra enn i Paris. Manndaudr enn mikli (i) Fliotum ok i Skagafirdi. Cometa var sen af kaupmonnum i hafi vm Michialsmesso skeid. Syndiz hon þeim meiri ok dockari enn adrar stiornor ok var kleppr nidr ok for huern aftan ỏfugt fra landnordri til nordrs. Fyrir sunnan land var sen cometa halfann mꜳnad nær vetrnottum.

g .n Eclipsis lune .xix. kal. Februarij. Suarit Hakoni konungi land ok þegnar a Jslandi. ok iattat logbok i hans valld til vmbotar med rꜳdi allra bezstu manna. Andadiz Valldimar Birgisson Suia konungr Olafr aboti at Helgafelli ok herra Visleif af Ry. herra Vidkunnr af Biarkey. Vtanferd herra Alfs or Kroki ok herra Sueins langs. herra Lodins af Backa. herra Erlendz ok Bꜳrdar Hognasunar. Andadiz herra Eyiolfr Ꜳsgrimsson ok Gudmundr Sigurdarson ok Snorri Markussen logmenn. Heingdr Andunn hestakorn. Aftrreka Fleyit mikla til Noregs. Jorundr Hola byskup let hefia song at nyiu kirkiu at Modruvollum er hann hafdi gera latid. Cometa var sen i Biorgyn moti langafostu. enn i Roma fyrir pascha. Hernadr Karela nordan ꜳ Noreg. Hakon konungr sendi mot þeim Augmund jungadanz med miklu lidi. Vard Þordr Narfason logmadr.

[1303] f s. Andadiz herra Þorlakr. Arni byskup i Stafangri ok Jonn prestr Ormsson. Vtkuoma herra Erlendz. herra Þordar Hallzsonar. herra Bꜳrdar logmannz. herra Sueins langs. Andadiz Bonifacius papa ok Eyuindr byskup ok Markus byskup af Maun. Narfi byskup. herra Sturla. Arni byskup Þorlaksson vigdr til Skalholltz. Vtanstefnt Jorundi byskupi. Runolfi abota af Veri ok herra Þordi. herra Sighuati. morgum odrum handgengnum monnum ok bændum. Brotin kirkia i Hollti vndir Eyiafiollum. Vigdr Benedictus papa ok kalladr enn Bonifacius. Andadiz Jonn Helgason. Jonn prestr Ormsson. Krakr Thomassen. Loptr Gislason.

ed i. Tekinn Bonifacius pafi af monnum cardinalanna ok settr i iarn vttekinn sidan af sinum monnum ok andadiz litlu sidarr. Teknar af Predicorum ok Berfættum brædrum allar generales remissiones. Franka konungr ok allt riki hans i banni af pauanum. Tekinn jarl af Flꜳndr af Franka konungi ok inn kastadr. Tekit vpp heradsþing a Jslandi vm Vestfirdinga fiordung ok Nordlendinga fiordung tuo i huorum fiordungi. Alþingi ecki vppi haft af þeim luta landz. Vtanferd herra Alfs or Kroki. Edvardr Engla konungr vann England. Hakon konungr tok Romaskatt af Jslandi. Greifi Jacob gaf halft Halland Hakoni konungi enn konungrinn atti ꜳdr halft. Skipation ok manna. rak vndan Hornstrondum i miklum stormi næsta dag eftir Petrsmessu. Haukr Snorri ok Gudmundr logmenn hofdu verit allir senn a þingi ok sagdi sin laug huerr vm skattgialld.

c .i Vigdr Clemens papa. Strid med Suia konungi ok brædrum hans Magnusi ok jungherra Eireki. Hakon Noregs konungr for til lidueizlu vid Magnus mꜳg sinn med .xl. þushundrad manna. enn adr hann kom voru þeir sꜳttir. Fundr Noregs konungs ok Suia konungs a Gullbergsheidi ok þar sættuz þeir. Danir drꜳpu Halluard bꜳt fyrir Noregs konungi ok .lx. manna. Sætt Noregs konungs ok Dana konungs. Vtkuoma herra Erlendz ok herra Sighuatz. Andadiz Ormr prestr Dagsson. Gizorr Hafrbiarnarson. Tekin aftr varnadarbref a Jslandi. Franka konungr let drepa Lokulant. Eklipsis lune. Kaupmenn þeir er vt letu or Gautavik vrdu aftrreka ok quoduz set hafa margygi ok hafstramb ok morg skripi onnur. þeir letu vt litlu fyrir vetrnætr. Vigdr Andres dreingr til Videyiar. Gudmundr til Helgafellz. Gefnir stadir prestum i Skalholltz bypskupsdæmi. Þa kom vt herra Alfr or Kroki ok var skipadr Nordlendinga fiordungr ok Austfirdinga fiordungr. | hann for med sua þungum bodskap at hann beiddi at huerr leikmadr a landinu skylldi gefa konungi alin af hueriu hundradi þui sem menn ætti. Margar hafdi hann adrar fꜳheyrdar beizslur. Þa gerdu Nordlendinger at honum faur a Hegranesþingi ok Oddeyrarþingi. Þa vard hann sua ræddr at hann vissi varla huar hann skylldi hafa sik. saladiz hann litlu sidar i Dynhaga i Horgardal. Var siþan borit at morgum islendzskum monnum i Noregi at þeir hefdi drepit hann. enn þat var þo eigi satt þui hann andadiz or sott. Clemens erchibyskup kosinn til paua.

[1306] b o. Eduardr Engla konungr let drepa Vilhialm Valisok ok brytia i stycki ok senda i alla hofudstadi i Englandi. Frost sua mikit i Þyduersku landi ok Franz sem verda i Noregi. sua at menn geingu af Raudstock til Danmerkr yfir Eyrasund a isi. Andadiz herra Jonn Raudsson. Moti mællt a alþingi bodskap þeim sem herra Ꜳlfr hafdi vt flutt. Vtanferd herra Bꜳrdar Hognasonar logmannz. Vtkuoma herra Hauks Erlendzsonar logmannz ok herra Sueins langs. Hafiss fyrir nordan land nær allt sumar fimtꜳn alna þyckr. Jss yfir Eyrasund. Skirdir sendibodar Tattara konungs i Roma. Skip þat er vt let at Gꜳsum tyndiz nordr fyrir Melracka slettu ok komz engi madr af. Andadiz Biarni prestr Helgeson ok Snorri Sturluson. Ætladi Clemens pafi vt yfir hafit at skira Tattara konung. Braut skip a Eyrum. Kom vt Jonn murti. Andadiz Runolfr aboti i Veri ok herra Jonn logmadr. Kyniasott for vm allt land. Gizsor galli vo þann mann er Hauskulldr het.

[1307] a f. Komu ut sendibodar erchibyskups brodir Biorn ok sira Lafranz at visitera huarttueggia byskupsdæmi Skalholltz ok Hola ok samdi þeim vel (vid) Arna byskup enn greinir vrdu i medal Jorundar byskups ok Lafranz. Andadiz Eduardr konungr i Englandi. herra Eduardr vngi son hans vard konungr eftir hann ok feck dottur Philippi Franka konungs. Fæddr sira Einarr Haflidason. Vtkuoma herra Bꜳrdar med konungsbrefum ok rettarbotum. Vigdr Lodmundr aboti til Þyckuabæiar i Veri. Fæddr Þorleifr Suartzson.

gf .e Andadiz Gudmundr aboti at Helgafelli. þa var kosinn til abota brodir Þordr af Videy ok var vigdr næsta drottinsdag eftir Michialsmesso. a þessum degi var ok vigd kirkia at Helgafelli. Vtanferd sendibodanna brodur Biarnar ok sira Lafranz ok herra Bꜳrdar Hognasonar ok herra Hauks Erlendzsonar ok Gizorar galla. Herra Arni byskup ok herra Haukr settu lærdra manna spital i Gaulueriabæ i Floa. Vtan stefnt Jorundi byskupi at Holum af erchibyskupi ok sira Lafranz. Dana konungr heriadi i Suiþiod. Landzskialfti fyrir sunnan land ok fellu nidr .xviij. bęir enn .vi. menn do. Risu Lidungar moti Suium. Suiar drapu af þeim a þridia tigi. Lafranz hafdi tekit saung af klaustrinu at Munkaþuera a paschum. Heybruni mikill i Skalhollti. Arni byskup gerdi vigslur vm haustid i Hvammi. Andadiz Þordr Narfason.

e k. Brann kirkia i Skallhollti fyrir Pꜳlsmesso af loptelldi ok husbunadr stadarins nær allr. bækr ok kantarakapur. kalekum vard borgit flestum ok hỏklum. episcopalia brunnu. Skrini ens heilaga Thorlaks vard borgit med helgum domi hans. þotti þat flestum vndr a huersu litilli stundu kirkian brann. Þa var farit vm allt Jsland at bidia til kirkiugerdar. gengu menn þar allvel vndir. Vig herra Kolbeins Biarnasonar er Karlamagnus Magnusson Andressonar vỏ fyrir þa sok at hann hefdi lꜳtid kueda flim vm hann. enn herra Kolbeinn duldi ok baud vndanfærslu. Vtanferd Arna byskups. Strid med Hakoni Noregs konungi ok Eireki hertuga magsefni hans. Þa vard Gizur galli hirdmadr Hakonar konungs. Drepsott en mikla fyrir nordan land. Andadiz Hauskulldr aboti at Þingeyrum. Andadiz Jorundr erchibyskup enn kiorinn Eylifr korti til erchibyskups. Vig Fliotabiarnar. Var innkastad sira Lafranz ok fluttr i fiotrum aptr til Jslandz ok leiddi þat til af missætti þeirra Jorundar byskups ok einkanliga af þui er hann hellt med Jorundi erchibyskupi þa er voru deilur þeirra korsbrædra. Drepinn Augmundr jungidanz. Ofridr i Noregi af Suium. Andadiz Gamli prestr at Hauskulldz stodum. margir prester ok leikmenn. Hualrettr mikill. For Þordr byskup af Grænlandi.

[1310] d .k Cristz ar .mcccx. Vtkuama Arna byskupa med kirkiuvid ok margar gessimar adrar er Hakon konungr ok drottningin ok adrir enir bezstu menn i Noregi hofdu gefit til stadarins i Skalhollti sua at þat er allra manna mꜳl at engi byskup hefdi meiri sæmdarferd farit til Noregs enn hann sidan Jsland vard cristid. Vtkuoma herra Bardar Haugnasunar ok Jons Erlendssunar. Vig Orms steypis ok þeirra Karlamagnus ok Þorsteins Finnbogasunar. Andlat sira Grims vnga. kom til Jslandz bref Clementis pafa i hueriu þat stod at menn skylldu leggia peninga sina til frelsis Jorsalalandi ok gefnar miklar afgiftir þeim aullum er til villdi leggia þuiat Solldan af Babilon hafdi heriat i Kiprum ok Armeniam. Vtkuoma herra Sueins langs. Bolnasott suo mikil at menn funudu i sundr. Vigdr Gudmundr aboti til Þingeyra. Hakon konungr hafdi leidangr vti eftir jol ok for moti Eireki hertuga þui hann brendi Vikina. þar fell Þorir þinghofdi. Hakon konungr sendi Gizor galla a Finnmork eftir skatti er ecki hafdi feingiz vm morg ꜳr. med honum for Valtirr Prettapꜳls brodir.

c .b Landzskialfti eftir jol. Auskufall vida vm land næstu nꜳtt fyrir Pꜳlsmessu sa menn lids mikit a himni nær alla nꜳtt vm nordrætt milli vestrs ok landsudrs ok tok meirr vpp enn a midiann himin. Þetta lios var sua mikit at menn sa i husum inni sem þa er miok er liost af degi. Kennimanna fundr i Franz i Vihennia. Andadiz Thomas Krakson. Vpphaf kirkiusmidar ennar miklu i Skalhollti. Gizor galli kom aftr af Finnmork med skatt Hakonar konungs.

[1312] ba f. Komu sendibodar herra pafa til Noregs. Andadiz Eufemia drottning. herra Cristiphorus. herra Þordr. herra Loptr. Þerrileysu sumar. Kom vt herra Juar holmr. Gizor galli. Vard vti mart manna.

| g .f Andadiz Jorundr byskup at Holum Brigdarmesso. efldi hann klaustr at Stad ok Modruvollum ok let vpp gera kirkiu heima at Holum ok pryda med klockum ok skruda. For vtan med erendum Hola kirkiu sira Þorsteinn ok Sniolfr prestr. Var vigdr Audun Þorbergsson byskup til Hola. var hann adr kanunkr i Nidarosi. Feck Gizor galli Þuridar Ogmundardottur Þordarsonar or Bæ. Var Gizor særdr vm sumarit a Gꜳseyri. var at þui herra Vlfr af Dunga ok .ij. skipshafnir. la hann .xij. manadi i sꜳrum ok vard alheill. Hallæri mikit a Jslandi. Þetta sumar kom Marteinn Finna konungr til Hakonar konungs.

f s. Vtkuoma Audunar byskups ok herra Ketils ok þa komu vt bref vm pafatiundir. Andadiz Clemens pafi. Andadiz Arni byskup af Biorgyn. Andadiz Þordr Grænlendinga byskup. Andadiz herra Biarni Erlingsson ok Philippus Franka konungr. Suikinn keisarinn a paschadaginn med þeim hætti at þa er hann hafdi tekit corpus domini þa var borit eitr i kalekinn er hann drack af ok þar af feck hann bana. For Arni byskup til Grænlandz. Audun byskup let taka vpp bein Gudmundar byskups .vi. kal. Nouembris. Vard Johannes papa .xx. ok .ij. Andadiz Jngialldr byskup af Hamri. Vigdr Einar Haflidason krunuvigslu.

e c. Kirkiubruni a Stad a Reykianesi. Laugtekit nymæla bref a alþingi þat sem herra Ketill hafdi vt. þurkusumar. Missætti vard millum Audunar byskups ok sira Kodrans. Suspenderadi byskup hann af officio et beneficio enn Kodran appellauit til erchibyskups. var ok Sniolfr i sliku. vann hann þat til sættar at hann þa Greniadarstad. Let Audun byskup sueria ser eida nær alla presta. Giordiz ok missætti millum Gudmundar abota ok brædra af Þingeyrum af annarri halfu enn Audunar byskups af annarri vm tiunda mal. Var sira Lafranz at Þingeyrum ok hellt allt med brædrum. Vigdr sira Eigill Eyiolfsson til prestz. Vtanferd Gizorar galla. Komu sendimenn af Armenia til Hakonar konungs. Herra Ketill kom vt i Dyrafirdi. Jarteinagiord fyrir aheit ok arnadarord jumfru Marie. Fæddr Arni Þordarson.

[1316] dc .b Herra Eirekr Sueinbiarnarson kom vt i Huitꜳ. Fæddr Eirekr dotturson Eireks konungs. Fæddr Magnus minniskiolldr dotturson Hakonar konungs. Drepnir margir menn a Halogalandi af Ruzsum. Vtkuoma herra Gudmundar or Hlid. Hofdu gerst fiorir ok .xx. riddarar a einum degi i Noregi. Brann kirkia ok klaustr a Modruvollum i Horgardal .ij. nꜳttum eftir krossmesso vm haustid. ger timbrstofa at Holum. Vtkuoma herra Grims. Brann klaustr i Nidarholmi. Af settr Þorir abotadæmi at Munkaþuerꜳ. Var sira Eigill at Holum scolameistari enn Einar klerkr Haflidason lærdiz hia honum. Giordiz Lafranz professus monachus ad Þingeyrum jn capite jeiunij. ok hans son Ꜳrni. Appeleradi Gudmundr aboti adr vm vetrinn til erchibyskups. var þa enn mesti agi i meda(l) Þingeyramanna ok herra byskups. Sigldi Gudmundr aboti vm sumarit ok var i Noregi tua vetr. Læstu brædr klaustr fyrir byskupi ok sua kor sua at hann nꜳdi ecki vid brædr at tal. Var brodir Biorn prior. Feck byskup at kalla mat af stadnum ok hans menn.

b o. Vtanferd Þoris abota. Andadiz Ketill byskup af Stafangri ok Þorir byskupsson. Hafdi Hakon konungr vti leidangr ok for til Suiarikis. þar fellu hertugarnir badir Eirekr ok Valldemar. enn vm haustid er konungr for brott fraus inni eitt skip hans er styrdi herra Giardar. Suiar logdu at þeim enn þeir vorduz vel. Þa var Gizor galli skotinn i gegnum aflvoduann a vinstra armlegg med spioti. þa var þeim heitid gridum ok fangadir sidan allir ok hoggnir nema Giardar ok Gizor. þeim var inn kastad i Ymbrodogum vm haustid ok i iarn settir. Litlu sidar var herra Giardar hogginn enn Gizor sat eptir til pascha. Fall Nichulas ok Gregorius sona Jacobs greifa.

a .o Vtan stefnt bꜳdum byskupum a Jslandi. ok herra Ketli ok logmonnum bꜳdum .vj. handgeingnum monnum ok .vj. bændum. Tok logsogn herra Grimr Þorsteinsson ok Erlendr Hauksson. Braut staupul ok mikit af kirkiu i Skalhollti a Þorlaksmessodag fyrir jol. Vtleystr Gizor galli af turninum i Suiariki laugardag fyrir pascha ok kom aftr i Noreg a fund Hakonar konungs.

g t. Andadiz Hakon konungr Magnusson atta idus Maij. Birgir brosa konungr i Suiþiod suellti inni .ij. brædr sina til bana Eirek hertuga ok Valldemar mꜳga Hakonar konungs. Eirekr langa hertugi atti Jngibiorgu dottur Hakonar konungs er sidan var kollud hertuginna. þeirra son var jungherra Magnus. Andadiz Haflidi prestr Steinsson af Breidabolstad. hann hafdi verit hirdprestr Eireks konungs. Þa(t) bar þa til er hann var med honum at Margret dottir Eireks konungs at þui er hon vottadi sialf sidan adr hon var brend i Nordnesi. at þa er ek var sagdi hon þetta sama port ofan flutt ok mik skylldi flytia til Skotlandz var þa hia Postulakirkiu einn islend(z)kr prestr er Haflidi het hia faudur minum Eireki konungi ok þa er klerks þraut saunginn hof sira Haflidi vpp Veni creator ok þann ymna sungu þeir vt sua sem ek var a skip borin. þetta sama sannadi sira Haflidi þa er honum var sagt at su sama Margret var brend i Noregi. Vtanferd Arna byskups. Vtanferd herra Ketils. Snorra logmannz. Veginn Jonn i Bolungarvik.

[1320] fe k. Cristz ar .mcccxx. Andadiz Arni byskup Helgason atta kal. Februarij. Kiorinn til byskups i Skalhollt Ormr Þorsteinsson Tekinn til konungs Magnus Eireksson dotturson Hakonar konungs yfir Noreg Suiariki ok Gotland. Vtkuoma herra Ketils ok Snorra logmannz. Var suarit Magnusi konungi land. Kirkiu braut i Steinum. Jsavỏr. Braut skipit Skankann fyrir Austfiordum. var þar a Þorir aboti ok sira Sniolfr. komuz allir menn lifs ꜳ land. For Audun byskup vtan. Vppi Þorskafiardar þing. Andadiz Jonn murti Eigilsson ok Hafþorr Jonsson. Vtkuoma Gudmundar abota at Þingeyrum. Braut Grandabuzsu fyrir Melracka slettu. druknudu þar af .ijj. menn. Andadiz Ormr electus Þorsteinsson.

| d .k Andadiz Ormr Steinsson. Vigdr til Skꜳlholltz Skutugrimr. Kom huitabiorn mikill af isum nordr a Strỏndum ok drap .viij. menn i Heliarvik ok reif alla i sundr enn ꜳt summa. hann var drepinn Vitalis messo. Andadiz Grimr byskup. Oꜳran mikit ꜳ Jslandi ok do menn vida af sulti. Kiorinn Jonn Halldorsson.

[1322] c .b Andadiz Hakon byskup af Stafangri ok Helgi byskup. Vigdr Jonn Halldorsson til byskups i Skꜳlhollt enn Salomon til Osloar. Eirekr til Stafangrs. Andadiz Audun byskup. Vtanferd Þoris abota ok sira Snævlfs a Laxabolla. Vtkuoma sira Eigils med kosni(n)gsbref brodur Lafranz.

b g. Kom vt Jonn byskup Freygerdarson. Vtanferd Lafranz electi. Andadiz Þorir aboti. Vetr allhardr ok sua vꜳr. batnadi at Jons messo Holabyskups. Braut Krafsinn er Lafranz var ꜳ vid Halogaland. sat hann hia erchibyskupi.

ag .f Vigdr Laurentius Kalfsson til byskups at Holum. kom vt þat sumar. Tekin af Þordi abota stett fra Helgafelli enn vigdr Þorsteinn Þorualldzson til abota. Andadiz herra Sæbiorn ok Juar nef. Fæddr Hakon Gizorarson.

f s. Tekinn abota stett af Andresi i Videy enn vigdr Helgi Sigurdarson til abota. Kiorinn Bergr aboti til Munkaþuerar. Logtekit festum corporis Christi a alþingi. Gerdu þeir Laurentius byskup ok Gudmundr aboti pactum vm tiundamꜳl sua at Huammr i Vatzdal skylldi ęuenliga liggia vndir Þingeyra klaustr.

e c. Kom ecki skip til Jslandz enn .vij. sigldu i brott. At paschum tok Markarfliot vpp sua þat tok eigi i kne vm stund dags. þa tok kirkiu or stad a Breidabolstad i Fliotzhlid ok sakadi ecki. Vinfꜳtt i Skalholltz byskupsdæmi sua at lagdr var messosaungr i summum staudum. Laugtekin Magnusmessa enn lofat at vinna .v. daga vm jol ok gefit leyfi miduikudaga fyrir jolafostu ok langafostu. Knutr possi fas(t)nadi fru hertuginnu. Vtkuoma brodur Jngimundar Skutusonar med bodskap Eylifs erchibyskups. Voru þeir herra Jonn Halldorsson ok Þorlakr aboti skipadir domendr at dæma milli þeirra Laurentij byskups ok brædra a Modruvollum. ridu þeir nordr ok voru Olafsmesso fyrri a Modruvollum ok gerdu pactum milli Hola kirkiu ok Modruvallar klostrs. voru þeir ath Holum Olafsvoku sidarri. Var þat pactum at brædr a Modruvollum ok klaustrid skylldi vndir valldi Holabyskups.

[1327] d .c Do suartfygli sua mart vm Vestfiordu at eydd voru fuglberg vm sumarit. Reistuz brædr a Modruvollum vpp (til) vhlydni ok villdu riufa fyrri giord Jons byskups ok Þorlaks abota. Reid Jon byskup ok Þorlakr aboti enn vm sumarit nordr ok letu stefna Laurentium byskup til Modruvalla. kom hann þa eigi fyrst þui hann sagdi þa ent hafa sitt valld fyrra pacto gerfu. Foru þeir sua hart at Lafranze byskupi at buit var vid at þeir mundi suspendera hann. enn Laurentius byskup gerdi pro bono pacis at þat pactum var þa giort at brædr a Modruvollum skylldu stiorna gozi a Modruvollum. Sendi Laurentius byskup sira Eigil Eyiolfsson til Noregs med brefum a erchibyskups fund. for hann vtan a Gꜳseyri. Jonn byskup sendi sira Arngrim sinna vegna. vard su lykt a mꜳlum þeirr at med vitrleik sinum vann sira Eigill aull Maudruvalla mꜳl. kom þar til gifta hans ok klerkdomr Laurenti byskups.

cb o. Brann Cristz kirkia i Þrandheimi. Vpp hafit klaustr a Modruvollum. Andadiz Þorsteinn aboti at Helgafelli. kiorinn til abota Þorkell Einarsson. Vard eclipsis sole(!) vida vm Jsland. Vtkuoma sira Eigils a Eyrum ok færdi Laurentio byskupi þau bref er þat vottudu at vndir Holabyskups valldi skylldi vera klaustrid a Modruvollum. Eylifr erchibyskup sendi Laurentio byskupi mitram þa sem bezst er at Holum.

a .o Snorri logmadr let skera vebỏnd a alþingi i sundr. Sꜳz margygr af landi sudr fyrir Nesium. Strid medal Knutz possa ok herra Juars rófa. Fothoggin Asbiorn teddiass. Kom vt liknesci Gudmundar byskups ok heim til Hola. Laurentius byskup let smida .ij. texta ok kalek. Vigdr til prestz Þorsteinn Hallzson. gert Laurentius skrin at Holum. Vtkuoma sira Arngrims med organum.

[1330] g t. Cristz ꜳr .mcccxxx. Andadiz Laurentius byskup. Hann dreymdi ꜳdr litlu at hann þottiz hallda a heilags mannz beini. Hann gaf sira Egli vigslugull sitt er i voru helgir domar Jons byskups. Þa kom huitadaga hrid vm allt land i fardogum. þa vard hinn mesti fiꜳrfellir. Vtanferd sira Eigils. Vigdr Einarr Haflidason til prestz. grasleysu sumar. Komu bref pafa til Jons byskups hann bad ser peninga moti Romverium. Tekin logsogn af Snorra Narfasyni. Andadiz Audfinnr byskup af Biorgyn. sira Finnr af Postulakirkiu ok Knutr possi. Herra Grimr tok lỏgsogn i Stafhollti. Vtkoma herra Hauks. Kiorinn Hakon til byskups. Manntapi i Grimsey. Gisli Philippusson veitti brudlaupit et fiolmenna i Haga Katrinar systur sinnar. þar var Jonn byskup Halldorsson. herra Ketill. herra Eirekr. Snorri logmadr.

[1331] f l. Manntapi or Vestmannaeyium fimtigir karla ok .iij. konur .iij. born secundo nonas Marcij. Morduig Torrꜳds Þormodarsonar. Vig Þorualldz Hauskulldzsonar. Hallæri mikit vm allt land. Herra Eirekr vard aftrreka i Crossbuzunni. Sira Benedikt særdr ok la i reckiu leingi vetrar. Kom skip i Dyrafiord ok annat i Skutilsfiord. Vigdr herra Eigill byskup til Hola in festo sancte. trinitatis af herra Hakoni byskupi i Biorgvin þui Eylifr erchibyskup var ei til færr sakir krankleika. ok vtkuoma hans. Þorsteinn Jllhugason þꜳ Greniadarstad.

ed k. Andadiz Snorri Narfason .vij. Jdus Martij. Vtanferd herra Ketils ok herra Eireks. Andadiz Eilifr erchibyskup .iiij. nonas nouembris. Sꜳz elldr i austri nær vm allt Jsland .ij. nꜳttum fyrir Barbaramesso. Bęiarbruni i Biorgyn. Ræntir kaupmenn i Sudreyium ok tekit af þeim skip þat er Gullsudin het. enn Glodin kom til Noregs ok voru þeir þo ræntir er þar voru ꜳ. Druknan Sturla Snorrasonar. A þessu ari drap Þorleifr Þorbiorn prest Michialsmossodag þa er hann var skryddr ok stod fyrir alltari. siþan lagdi þessi Þorleifr sialfan sik med knifi til bana i kirkiunni. Einar prestr Haflidason þa Hoskulldzstadi.

| c p. Andadiz sira Benedikt Solmundarson .x. kal. Nouembris. Meistari Pꜳll archielectus for or landi a pafagard. Herra Erlendr ok Hafþorissynir ok Vlfr Saxason helldu Tunsbergshus fyrir Magnusi konungi ok geingu siþan a konungsvalld. enn konungrinn gaf þeim bædi lif ok eignir sinar. enn Vlfr kom ecki a konungs fund ok rymdi or landi. Kom vt herra Eirekr med crosstiþum er Johannes pafi hafdi dictat ok kom þat eitt skip til Jslandz .ij. ꜳrum fyrr var bęiarbruni i Biorgyn.

[1334] b g. Vtanferd Jons byskups. Andadiz sira Biarni Olꜳfsson. herra Haukr Erlendarson. Vtkuoma sira Vigfusar med brefum af pafagardi er nuntius pafa hafdi til Noregs. ok voru byskupar bꜳdir Jonn ok Eigill stefndir til Noregs vm reikning pafatiundar. For Jonn byskup vtan enn sira Olafr tilætladr Holakirkiu vegna ok vard hann strandarglopr. Andadiz Þorsteinn prestr Jllhugason. var Olafi presti gefinn Greniadarstadr.

a .g Krafenn vt fiordungr kirkiutiunda eftir brefi herra Jons byskups. Vtkuoma herra Jons byskups. Magnus konungr feck Blancie drottningar. Vtanferd herra Eigils byskups. Særdr sira Asgrimr prestr i Vatzfirdi i kirkiugardi af Þorarni Eirekssyni pentur. Sira Sniolfr var med Hakoni byskupi i Biorgyn. hafdi hann vmbod nuntij pafa at taka reikning af byskupunum a Jslandi ok for til Jslandz vm sumarit.

gf l. Herra Magnus konungr krunadr i Suiariki ꜳn erchibyskups rꜳdi ok annarra valldzmanna i Noregi. Heyrdiz stynr mikill i skala i Kirkiubæ sua sem til siuks mannz af allri alþydu miok optliga leingi sumars. enn ecki fanz til nylundu þo leitad væri. A þui sumri kom vatzhrid mikil sua at ross naut ok saudfe do af a Rangarvollum ok vm Skalholltz sueit sua at hundrudum skipti af serhuerium a tueimr dægrum. þann vetr eftir jol kom sniohrid sua mikil at marga bæi i sueitum lagdi vndir. sua fellu ok hus nidr fyrir sunnan land ok margir fengu storskada. Fru Blannz hon var dottir hertuga af Flꜳndr ok brodurdottir konungs af Franz. Arni aboti af Lysu var halshogginn vid England ok oll hans skipshofn. Eigill byskup sat i Þrandheimi annan vetr þui honum gaf eigi i brott vm sumarit.

[1337] e l. Komu .v. menn af Noregi er ætludu til Skotlandz austr vid Stafafell ꜳ .xx. alna longu skipi. voru þeir komnir miok at þrotum ok foru samsumars til Noregs. Vtkuoma Eigils byskups a Eyrum. Hliop griotskrida ꜳ bæ nordr i Myrkꜳrdal. letuz .vij. menn. Komu .iij. skip miok snemma a Eyrar. leet eitt jnn i hofn þegar. enn .ij. rak vpp a Skeidi fyrir vestan Olfausꜳ. komuz menn til landz. spiltiz fiarhlutr enn tyndizst mikill. Manntapi or Flatey a Breidafirdi. letuz .xj. menn .v. nonas octobris.

d c. Vtanferd herra Jons Halldorssonar byskups ok herra Ketils. Tyndizst Þrændaskip nordr i Vogum med allri ahaufn vtan menn er komuz med bꜳti ꜳ haf vt ok vrdu þeir fundnir af kaupmonnum ok fluttir hingat til landz. Vnninn risi nordr a Morkum .xv. alna hꜳrr af vikuerskum manni er Halldorr het ok odrum .iij. hans kumpanom ok hetu allir sudrgongu til lifs ser ok ꜳ hinn heilaga Olaf konung. Gudmundr aboti at Þingeyrum lagdi abota stett.

c h. Andadiz herra Jonn byskup af Skalhollti in purificatione beate virginis. kiorinn Jonn Eindridason aboti af Seliu. Hliop skrida a bæ i Kios er a Tindzstodum het in festo Agathe. letuz .ix. menn. Kom landzskialfti sua mikill fyrir sunnan land .x. kal. Junij. at monnum ok fenadi kastadi til jardar sua at onyttizst. Hus fellu mest vm Skeid ok Floa ok Holltamanna repp ok vidaz hitt nedra milli Þiorsꜳr ok Eystri Rangꜳr. enn fioldi bæia fellu allir til jardar edr tok hus or stad. letuz nockur born ok gamalmenni. Jordin rifnadi vida til vndirdiupa vpp sprettandi heitt vatn ok kallt. Hraupudu fioll enn hamrar sprungu vida i sundr. Vthuerfdizst Hollt i Holltamanna repp ok færdi or stad. Eclipis solis in translatione Thome archiepiscopi. Sꜳzst stiarna a himni vm hꜳdegisskeid. þann sama aptan syndiz ollum monnum i Steinum vndir Eyiafiollum alblodugt allt vti þat er fyrir augu bar til þess er menn logduz til suefns. Þessi syn likt bar ok fyrir Suein Þordarson ok Magnus Steinmodsson þann sama aftan a Kolbeinsstodum i Borgarfirdi. Vigdr herra Jonn secundus byskup til Skalholltz in festo Jacobi ok let i haf hinn næsta dag eftir ok kom vt i Hualfirdi in vigilia Bartholomei enn heim i Skalhollt nesta dag eftir festum decollationis baptiste. Andadiz Arni Olafsson af Leirubacka ok Eyiolfr Brandzson gammr. hann andadiz i hafi nær Hialltlandi ok var fluttr hingat til landz ok grafinn i Skalhollti. Sundrþycki medal Magnus konungs ok valldzmanna i Noregi. Lagin þingstefna austr i Vik a Baghhusi fra Mariumesso sidarri ok til Michialsmesso. Kom vpp huerr i Heinglafiollum .x. fadma huern veg ok var þar ꜳdr slett jord. Andadiz Gudmundr aboti. hann sꜳladiz at Munkaþuerꜳ ok var fluttr nordan til Þingeyra. hyggia margir hann vera helgann mann. vrdu ok margir merkiligir fyrirburdir i hans likferd.

[1340] ba .g Cristz ꜳr .mcccxl. Skipadr Biorn aboti til Þingeyra. Andadiz Kolbeinn Þorfinnzson rꜳzmadrlat Holum enn sira Einar Haflidason tok radin. Vetr sua godr fyrir sunnan land at menn mundu trautt þuilikann. funduz egg vndan fuglum i Floa nær midri Goi a auskudag ok optliga siþan ꜳ Einmꜳnadi. Sꜳz .ij. tungl a himni af morgum monnum i Gaulueriabæ a Gregoriusmesso aftan. annat eftir þui sem von var i landzsudri. enn annat i landnordri.

g t. Andadiz herra Jonn byskup Eindridason a Gudmundardag. Veginn Styrkꜳr i Nesi vppstigningardag af Sigurdi Gyridarsyni. Elldz vppkuoma i Heklufelli .vj. drottinsdaginn næsta eftir med sua miklum fꜳdæmum ok auskufalli at ey(d)duz margar sueitir þar i nꜳndir ok myrkr sua mikit enn fyrsta dag vti sem þa er suartazst er i husum a hꜳvetri vm nætr. | dunur vm allt land sem hia væri. auskufall vm Borgarfiord ok Skaga sua ad fenadr fell af ok hueruetna þar i milli. Menn foru til fiallzins þar sem vppvarpit var ok heyrdiz þeim sem biargi storu væri kastat innan vm fiallit. þeim synduzst fuglar fliuga i elldinum bædi smair ok storir med ymsum lꜳtum. hugdu menn vera sꜳlir. Huitasallt sua mikit lꜳ þar vmhuerfis opnuna at klyfia mꜳtti hesta af ok brennusteinn. .vj. skip i Hualfirdi ꜳdr vt letu .iiij. Andadiz herra Egill byskup Eyiolfsson at Holum. Byskupslaust landit. Vtkuoma Aslaks korsbrodur af Nidarosi sendr af Pꜳli erchibyskupi at visitera allt Jsland. Þa kom vt Botolfr Andresson skipadr af konunginum hirdstiori vm allt Jsland. Andadiz Benedictus papa secondus. Vetr godr. Vtanferd brodur Jons Sigurdarsonar.

[1342] f l. Andadiz herra Eirekr Sueinbiarnarson ok herra Ketill Thorlaksson. Þorkell dunk. Sira Jon Kollsueinsson ok Rafn Jonsson af Glaumbæ druknadi hann i Þiorsꜳ. Braut skip a Langanesi. lifdu menn. Annet braut fyrir Gautavik. fluttir af .ij. menn ok bꜳtzfarmr. enn skipit rak vmhuerfis Jsland. Aflimadr Arnor Þordarson hægra hendi ok vinstra fæti austr vid Selialandz foss af radum Þorsteins Nichulassonar gunnhylltings enn tilskipan Jons Hallzsonar. Eklipsis lune. Vig Þorsteins gunnhylltings. Brudhlaup Botholfs ok Steinunnar Rafnsdottur i Glaumbæ gert med miklum metnadi. til bodit monnum vm allt Jsland. Vtanferd sira Aslꜳks. Vigdr Klemens pafi.

e .d Vigdr Ormr byskup Aslꜳksson til Hola. Jonn byskup Sigurdarson til Skꜳlholltz. Þorsteinn byskup til Biorgyniar. Guthormr byskup til Stafangrs. Jonn byskup skalli til Grænlandz ok lifdi Ꜳrni byskup a Grænlandi at ovitanda Pꜳli erchibyskupi. Vtkuoma Orms byskups. Braut skipit vid Þiorsꜳr sand. druknadu af .xviij. menn. Vtkuoma Jons byskups austr i Reydarfirdi. Braut skip er ꜳ (var) Snorri fotr. druknadi hann ok .v. menn adrir. Braut Lysubuzsuna i pollinum a Eyrum. Lesti Postulasudina. ok vard aftrreka a Seleyri. J Grindavik sponbraut Augualldznesbuzsuna. do af .ij. menn. Braut Katrinarsudina vid Nyia hraun. Brend systir ein i Kirkiubæ er Kristin het er gefiz hafdi pukanum med brefi. hon hafdi ok misfarit med guds likama ok kastad aftr vm nꜳduhustre. lꜳgiz med morgum leikmonnum. Jonn byskup fangadi Arngrim Eystein ok Magnus brædr i Þyckuabæ fyrir þat er þeir hofdu bart a Þorlaki abota sinum. þeir vrdu ok opinberir at saurlifi sumir at barneign. Var Arngrimr settr i tꜳiarn enn Eysteinn i halsiarn. Hola byskup fangadi .iij. brædr a Modruvollum ok iarnadi fyrir þær sakir hann gaf þeim. Andadiz Finnr Augmundarson. Sira Jonn Kodransson. Snorri dalr. Fru Vilborg ok Þordis Marteinsdottir.

dc p. Sira Einar Haflidason feck Breidabolstad. Vigdr Eirekr aboti til Þingeyra. Giorduz byskupar hardir vid lærda ok leika a Jslandi. Brattr feck Oddnyiar ok þotti þat tidendi at herra Ormr lagdi mikla peninga vt af Holastad med honum fatækum ok veitti brudkaup hans heima at Holum med miklum kosti. Veginn Prettapall i Dolum vestr. Sidan vm vorit vogu synir Pꜳls i Langavatzdal þa sem þeir kendu atvist vm vig fodur sins het Halldorr huorrtueggi. Jonn byskup vigdi hꜳlfkirkiu i Aluidru.

[1345] b g. Veginn Helgi Halldorsson ad Melum .v. skip komu af hafi i Hualfiord enn et setta braut i Kuiguvogum. Vtanferd Orms byskups. sira Einars Haflidasonar. sira Runolfs. Sucku nidr margir bæir i Orkadal af vatnavoxtum.

a .g Andadiz Pꜳll erchibyskup i Nidarosi enn kiorinn i stadinn Ꜳrni vꜳdi. Strid med Fracka konungi ok Engla konungi. kom Fracka konungr a flotta ok fellu af honum .iij. konungar ok .ij. hofdingar ok .xl. þeirra manna er eingi var minni at nafnbot enn jarl edr byskup. Vtkuoma Orms byskups ok Einars Haflidasonar ok braut skipit Rosinbergina vid Melracka slettu i spon ok tyndiz fiꜳrlutr miok allr enn menn hellduzst. Drozsetabuzsan i Hualfirdi. kom vt Hollti bondi Þorgrimsson medr hirdstiorn yfir ollu landinu. Druknun Boduars Bꜳrdarsonar med sinum monnum.

g m. Vtanferd Jons byskups ok Orms byskups i Hualfirdi a einu skipi ok byskupslaust a landinu. .xiij. skip komu af Noregi til Jslandz ok braut .ij. letuz .xxx. manna af odru enn .vij. skip voru fyrir. þa kom skip af Grænlandi þat er sott hafdi til Marklandz ok attian menn ꜳ. þa var eitt skip ok .xx. a Jslandi vm vetrinn. Byskupar a Jslandi gerduzst sua hardir vid landzfolkit sua at landzfolkit þottizst varla mega vndir bua. Hofdu Nordlendingar samtok moti Ormi byskupi leikmenn at þeir villdu hafa fornann vana. Bꜳdir byskupar foru vtan a einu skipi i Hualfirdi. Jtem bolnasott mikil vm allt land ok andadiz fioldi folk(s). Ꜳrni vadi vigdr til erchibyskups i Nidꜳrosi a pafagardi ok kom aptr i Noreg med pallium. Vtanferd Snorra Ketilssonar ok andadiz a Sudrvegum. Andadiz Jngimundr Eyuindarson. Valgerdr Þordardottir.

fe .l Þriu skip letu vt ꜳ Gꜳsum. eitt sigldi vpp a Gꜳseyri. annat kom til Noregs. þridia tyndizst. Vtkoma Jons byskups Sigurdarsonar med brefum Orms byskups ok Eirekr prestr Þorsteinsson ok settu þing at Holum. kom þar saman bændafioldi af Nordlendinga fiordungi ok villdu med engu moti vndir Jon byskup leggia ok ecki sættaz vid Orm byskup. Jon byskup reid sudr Kiol ok tok sott þegar hann kom heim ok lꜳ framan til Magnusmesso ok andadiz sidan. Frostavetr sua mikill a Jslandi at fraus sioinn vmbergis landit sua at rida matti vmbergis landit af hueriu andnesi vm alla fiordu. fell snior mikill. Grasleysu sumar. Andadiz Hollti hirdstiori ok hormudu þat fair ok Rannue(i)g Gestzdottir.

Theodor Kittelsen - Svartedauen:
J þenna tima kom drepsott sua mikil vm alla Nordrhalfuna at alldri kom slik fyrri siþan londin bygduz.

[1349] d c. J þenna tima kom drepsott sua mikil vm alla Nordrhalfuna at alldri kom slik fyrri | siþan londin bygduz. Fyrst kom sottin vpp i Babilone a Serklandi vt i Affrica. sidan for hon higat i Jorsalaborg ok eyddi nꜳliga borgina. þadan for hon nordr yfir Jorsalahaf ok vm alla Romaniam ok sua nordr eftir londum ok vm pafagard ok eyddi allt naliga. Vigdi pafinn ꜳna Rodanum. voru þar vt ꜳ kastadir daudir menn. gaf pafi þat af guds halfu at þat skylldi þeirra kirkiugardr þui ei mꜳtti iarda folkit fyrir mannfæd ok sott. Siþan for hon vm Frankariki ok vm Saxland ok sua til Englandz ok eyddi nꜳliga allt England ok þat til marks at ei lifdi meirr eftir i borginni Lundunum enn .xiiij. menn. J þann tid sigldi kuggr einn af Englandi ok var a mart folk ok lagdi inn vid Biorgyniarvog ok var litt ruddr. Sidan andadiz folkit allt af skipinu. enn þegar vpp kom gozit i byinn a(f) skipinu þa do þegar beiarfolkit. þa for sottin vm allan Noreg ok eyddi sua at eigi lifdi eftir einn þridiungr folksins i landinu. Englandz kvggr sauck nidr med nær ollu gozinu ok daudum monnum ok vard eigi ruddr. Fleiri skip ok buzsur sucku nidr ok rak vids vegar. En sama sott for vm Hialltland Orkneyiar Sudreyiar ok Færeyiar. Þat var kyn sottarinnar at menn lifdu eigi meirr enn eitt dægr edr .ij. med hordum stinga. eftir þat setti at blodspyiu ok for þar aundin med. Af þessi sott sꜳladiz Ꜳrni erchibyskup ok allir korsbrædr i Nidarosi vtan einn lifdi eftir er Lodinn het ok hann gerdi electionem kiosandi Olaf abota af Holmi til erchibyskups. Þa andadiz Þorsteinn byskup af Biorgyn ok Gudtormr byskup af Stafangri ok Halluardr byskup af Hamri. Þessi sott kom eigi til Jslandz. Letti med þeim hætti af drepsottinni at Clemens pafi het at syngia skylldi messu þa er hann hafdi componat fim sinnum ok standa a kn(i)ꜳm med liosi. Nockuru sidar andadiz Clemens pafi. Vigdr Gyrdr Juarsson til byskups i Skalhollti. herra Gilsbrikt til Biorgyniar af Salomone i Oslo. enn þeir voru astantes Ormr ok herra Jon skalli þui at þeir einir byskupar lifdu i Noregi.

[1350] c k. Cristz ꜳr .mcccl. Vigdr Johannes papa. Kom Magnus konungr ok drottning Blanz til Biorgyniar gaf hann Eireki syni sinum Suiariki enn Hakoni Noreg ok setti þa i konungasæti ok skipadi þeim hird enn sialfum ser ætladi hann til rikis Halogaland Jsland Færeyiar ok Hialltland. Elldz vppkuoma i Hnappafellzjokli ok myrkr sua mikit at eigi sa vegu vm middegi ok aleyddiz allt Litlaherat. Gerdiz Ormr Eysteinsson drozseti i Noregi skipadr af herra Hakoni vnga. Kom ecki kaupskip til Jslandz. Andadiz Stephann aboti. Fæddr Jonn Hakonarson. Vigdr Arngrimr aboti at Þingeyrum. Var Olafr Biarnarson hirdstiori.

b .h Vtkuoma herra Gyrdz byskups. Andadiz herra Grimr. Olafr erchibyskup kom vtan af curia. Andadiz Þorlakr aboti ok Þorsteinn aboti. Hogginn a alþingi med domi Guthormr Asgrimsson. Magnus konungr for i Ruzaland ok striddi vid Ruzsa ok hafdi ætlat at leida þa til almenniligrar truar. gꜳtu Noregsmenn vnnit nockurar borgir enn ecki vanz at meira. Herra Biarni var þar med konunginum. Vtkuoma Orms byskups ok hafdi konungsbref at vtan voru stefndir margir mikils hꜳttar bændr þeir sem samtak hofdu haft i mot honum.

ag t. Vigdr Eyiolfr aboti i Þyckabæ. Kom aftr Augustinus regla i Videy ok vigdr þangat Biorn aboti enn Ꜳsgrimr aboti til Helgafellz. Syndizst blodugt Olafs liknesci Þorsteini presti at Hofdabrecku. Foru bændr af Nordlendinga fiordungi ꜳ konungs fund. Var Þordr Eigilssun logmadr.

f d. Andadiz Gudmundr Snorrason. Oddr Suarthofdason. Engla konungr striddi vid Franka konung ok leet Fraka konungr fiorar þushundir. Hallæri mikit a sio ok landi. Vtkuoma bænda or Nordlendinga fiordungi med konungsbrefum at konungr villdi byskupa lata engar nyiungar fremia i moti þegnum sinum ok baud Ormi byskupi at leysa þa. Veginn Gudmundr Gunnarsson.

[1354] e .d Vtanferd Orms byskups i Hualfirdi. Vtkuoma Juars holms Vigfussonar ok hafdi eigi landit um vm .iij. ꜳr ok var skipadr hirdstiori.

d q. Vtanferd Gyrdz byskups. Allhardr vetr vpp fra atta degi. batnadi eigi fyrr enn hinn Dyradag ok vard enn mesti fiꜳrfellir. Andadiz sira Pꜳll Þorsteinsson. Loptr Þordarsun. Ragneidr Audunardottir.

cb .p Andadiz Ormr byskup Ꜳslaksson.

a v. Vtkuoma Gyrdz byskups. Jonn byskup skalli for a pafagard at inpetrera byskupstolinn a Jslandi. Prestar i Hola byskupsdæmi af sogdu hlydni vid Arngrim abota þui hann var borinn hinum liotuzstum malum. Var Arngrimr ok af settr officiolatu ok abotadæmi ok sagdiz iattaz hafa vndir predicara lifnat. Tok Þorsteinn Hallzson officiolatum. Drepinn Sigurdr diakni Asgrimsson i Skalhollti hina þrettandu nott i iolum af klerkanna vidreign ok vard alldri vist siþan huerr gert hafdi. Fangadi Benedikt Kolbeinsson þann mann er Biorn het. huerr er kendiz at hann hefdi legit med .ij. kuum. var hann kuiksettr enn kunum saukt fyrir siofar hamra. hafdi engi þetta fyrr kennz sua menn myndi. Jonn murti Nichulꜳsson vo mann er het Jonn Styrmisson ok for alldri vtan ok lifdi meirr en þriatigi vetra siþan ok vard sottdaudr. Andadiz Rafn Sueinbiarnarson. Þorkell Markusson. Bæiarbruni at Stad a Olldurygg.

g m. Vtkuoma sira Eyiolfs Brandzsonar korsbrodur af Nidarosi ok Eysteins Asgrimssunar. voru þeir skipadir af Olafi erchibyskupi visitatores a Jslandi. Sogdu þeir at Jonn byskup skalli væri aftr kominn af pafagardi ok Olafr erchibyskup gaf honum ok skipadi med speciali mandato dompni paua byskupstolinn at Holum ok hann var confirmatus ok þui lyst a kor i Cristzkirkiu. Þat sama sumar komu vt Arni Þordarson ok Andres Gislason med hirdstiorn | yfir Austfirdinga fiordung ok Sunnlendinga fiordung. enn Þorsteinn Eyiolfsson fra Vrdum vm Nordlendinga fiordung ok Vestfirdinga fiordung. þessir .iiij. leigdu allir landit med skauttum ok skylldum vm .iij. ꜳr af konunginum. Foru visitatores kirkiunnar vegna enn þessir fyrrnefndir vm allt Jsland aflandi ok heimtandi peninga af lærdum ok leikum sem þeir kunnu at fꜳ. atti vndir þessu at standa landzfolkit ok þynkt med þessum afdrætti. skipudu þeir Arngrim aftr i abota stett at Þingeyrum gefandi ỏngan gaum at heiti hans edr annarri vfrægd er ꜳ honum var. Sigurdr Gudmundarson logmadr. Hoggin Tumi Starkadarson eftir dome.

f .m Vtkuoma Jons byskups skalla. Braut skipit Benedictsbꜳtinn j spon er hann var ꜳ. lifdu menn allir. reid hann heim til Hola. lagdi Þorsteinn Hallzson i hond honum officiolatus jnnsigli ꜳn lærdra manna radi. var engis skilrikis kraft af honum. gꜳfu allir menn sik lærdir ok leikir vndir hans hlydni.

[1360] ed q. Cristz ar .mccclx. Ormr Eysteinsson drozseti var afsleginn vndir konunganna bodi Eirekr konungr Magnusson eitradr i Suiariki ok þar af andadiz hann. drottningin andadiz af barnburd. Gyrdr byskup ok Andres i Mork ok margir menn adrir letu vt ok er þeir komu skamt fra landi austr vndan Vestmannaeyium sock nidr skipit med ollu gozi enn menn allir lupu i bꜳt. tok bꜳtrinn .xl. manna med iarteign en(s) heilaga Þorlaks sa er eigi var uanr at bera meirr enn halfan þridia tug manna. kista heila rak vpp ꜳ Eyrum er i var brent silfr Skalholltz kirkiu ok pontificalia byskupsins. Vtkuoma Orms langa i Hualfirdi. atti hann Olafssudina. var þat allra skipa stærst. Gerdu Nordlendingar i moti Joni skrafeifu hirdstiora samblꜳstr ok villdu eigi yfirreid hans hafa ok mættu honum at Þuerꜳ i Vestrhopi nærri .ccc. manna. stack hann þa sudr vm land ok feck enga yfirreid vm Nordlendinga fiordung. Elldzvppkuoma i Trolladyngium ok eydduz margir bæir i Mydal af oskufalli. en vikrina rak allt vestr a Myrar enn sa elldinn af Sniofellznesi. Mannfall vid Myvatn halfr niundi tugr mannz i þrimr kirkiusoknum. Markuss barkadr for heim at Ormi at Krossi. kona hans ok synir .ij. ok veitandi honum averka enn sum halldandi fyrir ok þar fyrir var Markuss kona hans (ok) sonr dæmd daudamenn a Lambeyiarþingi af .xij. monnum ok siþan let Ꜳrni Þordarson er þa hafdi konungs valld hoggua þau eftir dominum.

[1361] c h. Baurduzst ꜳ alþingi menn Ꜳrna Þordarsonar ok Jons Guthormssonar. særdr Suartr Þorleifsson miok ok klofa-Gizor ok nockut Philippus Þorleifsson. voru þeir allir Ꜳrna menn. Vtkuoma Smids Andressunar med hirdstiorn vm allt Jsland ok leigt vm .iij. vetr. hafdi vt morg konungsbref. Þat sumar foru vtan Gyrdr byskup ok Helgi aboti ok .v. sæmiligir prestar med Ormi langa ok nærri .lxxxx. manna. hyggia menn at þetta skip hafi farizst med allri ahofn. Þetta sama haust reisti Þorsteinn Hallzson sik i moti Joni byskupi ok let alla presta milli Oxnadalsheidar ok Reykiardals handleggia ser hlydni ok komu til Hola Katrinarmesso ok af sogdu Joni byskupi hlydni allir nefndir prestar ok leikmenn or Eyiafirdi. kolludu hann Grænlendinga byskup enn toku Þorstein ser til yfirmannz. Funduz þeir Smidr ok Ꜳrni Þordarson ok bundu sina vinattu med fastmælum. Vard Jonn Gudthormsson logmadr skraveifa.

b .h Fundr ꜳ Holum Tiburtius messo. komu nordan Eyfirdingar allir lærdir sem leikir. þar kom Smidr ok officialis af Skꜳlhollti. vard engi sætt. Foru Eyfirdingar vtan ꜳ feriu. Þorsteinn Hallzson Stephann. Gudmundr lꜳgr prestar. Þorsteinn Eyiolfsson. Olafr Petrsson leikmenn toku Halogaland. greip Hreidarr darri bædi skip ok gozs. færdi leikmenn til konungs i halldi enn sira Þorsteinn andadiz ok allir hans kumpanar. Brann kirkia i Haukadal ok allr skrudrinn med. Smidr Andresson fangadi Ꜳrna Þordarson ok gaf honum at sauk Barkadarmꜳl. baud Ꜳrni aull þeirra mꜳl fram til konungs ok þo Smidr villdi hann i fanghelsi hafa. huat er Smidr villdi med engu moti hans þau bod hafa ok let hoggua hann i Lambey friadag næsta fyrir Johannis messo baptista. var lik Arna fært innan mꜳnadar til Skalholltz ok grafinn þar i kirkiugardi. Eftir alþingi reid Smidr nordr vm land ok med honum margir Sunnlendingar ok eigi ort halfr fiordi tugr manna. Eyfirdingar hofdu niosnarmenn ok kom saman mikill lydr a Grind i Eyiafirdi a Seliomanna voku. voru þeir Smidr þar fyrir. Eyfirdingar toku a þeim hus. vard þar bardagi ok let Smidr þar sitt lif Jonn Guthormsson Jarpr Hannis Jonn langr Biarni Magnusson Gudmundr Andresson ok Þorualldr Helgason. enn af Eyfirdingum fellu Andres Ormssun Steinn Bryniolfsson Magnus Biorn Þordarson Gudmundr Halldorsson. Einn er eigi nefndr. Fellu allz .xiiij. Vard samkuoman nærri midium morni enn lokit var ollum vigum eftir dagmꜳl. Var þar grid gefin Ormi Snorrasyni Þorgeiri Eigilssyni ok ollum odrum þeirra kumpanum. hafdi Ormr med ser flest aull tygi þau er þeir hofdu att. Margir menn fengu þar lemstr ok limalꜳt. Þetta kuat Sniolfr vm fundinn.

Miok eggþunn aux

i iardar faux

suiku lyda lif

enn lestu hlif.

dreif hrotta hregg

vm heila vegg

gaf ei huilldar blid

hardfeingiat lid.

Sonr Kolbeins sitt

suerd reyndi fritt

vard Þorsteinn vigr

vel long ok digr

med huerri hann

hugarprydi vann.

Fra ek stꜳla storm

miok sturla Orm

þar er kysti kyrr

kirkiunnar dyrr.

kuad hann þurfa þess

at þylia vers

þo er bænin bezst

honum byrgi mest.

Jonn skreiddiz skiott

skraveifa hliott

kamars eygat vt

vid ærna sut.

su en liota leid

leitz virdum greid

þeim er fylgdi þann

þreklausa mann.

Smidr vardiz vel

feck virdum hel

hans brandrinn breidr

þa er bardizst reidr.

honum fylgir fast

i fleina kast

sueit huergi hrædd

hringserkium klædd.

Kilpr herdi haugg

hialm gridr taugg

| vel huỏrs ok hrein

rett holld sem bein.

med þunga þraut

þegn falla laut

hiors neytti hagr

her falli bragr.

Jtem vtanferd Jons byskups. sat hann i Þrandheimi vm vetrinn ok feck engan letta af Olafi erchibyskupi i sinum malum. Hofuz Kisamꜳl. Vo Nichulas Ꜳla.

[1363] a n. Vigdr Þorarinn byskup til Skꜳlholltz ok kom vt ok heim til stols sins ok sua Jonn byskup. helldu Eyfirdingar samri vhlydni vid byskup sem ꜳdr. Kom Nikulas Broddason vt med lỏgsogn ok profadiz eftir vm sumarit a alþingi landradamadr. Var Ormr Snorrason logmadr. Vig Snorra Þorleikssonar.

[1364] gf d. Suikin med eitr kong Eirekr Magnusson ok Blanzia hans fru i einu storu hofi. Vigdr Gunnsteinn aboti til Þingeyra. Vig Jons Benedictzsonar a Mariu messo sidarri. Kuiksettir Selbelgiusynir.

e .d Vtkuoma herra Arna suælu byskups ok vard hann sæhafi fra Færeyium. þa voru .iij. byskupar ꜳ Jslandi þann vetr. Vo Jonn klafi Arnbiorn. Veginn Jonn hordr af Atla. Veginn Erlendr af Arna.

d q. Suikit Suiariki vndan Magnusi konungi ok hann sialfr handtekinn i stridi ok innkastadr. Toku Suiar Albrikt til konungs yfir Suiariki. Hakon konungr feck Margretar dottur Valldimars Dana konungs. Vtkuoma Juars gallta i Kolbeinsꜳrosi. godr vetr. Andadiz .b. Eysteinn.

c .i Kom vt Andres Gislason med hirdstiornn. gengu tylftareidar a alþingi fyrir Grundarmꜳl.

ba v. Forgeck skip er ꜳ var Narfi Þorleifsson. Jonn grarofa vo einn bonda vm kuelldit fyrir Mariu messo.

g m. Vtkuoma Juars holms hafdi hann vmbod yfir pafatiundum. Andadiz Gudny abbadis fra Stad enn vigd Oddbiorg. Andadiz Þorarinn byskup. Veginn Eyiolfr Butason. Setid fyrir sira Pꜳli Þorsteinssyni i Kækiskordum ok særdir menn fyrir honum af Joni kyrtli. Var Snorri officialis.

[1370] f .e Landflæmdir þyduerskir or Biorgyn fyrir Hakoni konungi. Vigdr herra Oddgeirr byskup til Skꜳlholltz. Andlat abotans i Videy enn vigdr Jonn Gudmundarson til abota. Vtkuoma Oth(g)eirs byskups. Cristz ar. mccclxx. Haugginn Jonn klafi eftir domi. Veginn Valgardr. Andlat Gizsorar galla.

e r. Vtanferd Jons byskups. for hann til Roms ok feck styrktarbref af Vrbano pafa med hans bulla til byskupsstolsins at Holum. Andadiz Haflidi aboti. Vigdr Arni aboti til Þuerar. Hallæri mikit. Vỏr hart. varla saudgraus at Jons messo baptiste. Einar officialis. Sunnifusudin a Gꜳseyri. Kom vt Þorgautr Jonsson med hirdstiorn vm allt land. Þorsteinn Eyiolfsson logmadr. Druknadi Klofa-Gizorr. Andadiz Helgi Dadason. Tekinn af Hroi a þingi fyrir mordvig.

[1372] dc h. Vtkuoma Jons byskups med brefum pafans. Gengu til sættar allir Eyfirdingar leikir ok lærdir. Hallæri mikit. Vetr hardr. Druknun Pꜳls Þorleifssonar. Tekinn af Klofa-Oddr fyrir morg illuirki.

b .h Andadiz Olafr erchibyskup ok herra Gilsbrikt. Manndaudr allmikill vm allann Noreg. Vigd(r) Benedict byskup til Biorgyniar. Biarni Kolbeinsson vỏ a Dyradag þann mann er Þorkell (het). Andadiz Klofa-Þorbiorn.

a n. Herra Þrondr kiorinn til erchibyskups. Kom Sunnifusudin i Siglufiord. Fangadi Þorgautr þann mann vt af Þingeyra kirkiu er Einarr dyntr het. profadizst hann sidan mordingi ok var kuiksettr.

g .n Vtanferd Othgeirs byskups af Skalhollti. Fell sætt a med Hakoni konungi ok Þyduerskum. Kom Magnus konungr aftr i land ok skipadr Andres Sueinsson hirdstiori a Jslandi. Andadiz Boduar prestr bard. Vetr sua hardr ok vỏr at eingi mundi slikt. Grasvoxtr engi. Hafisar framan til Bartolomeus messo. Vtanferd Jons byskups a Mariubollanum er hann hafdi reisa lꜳtid. Kalladi konungrinn ser skipit. Jtem letz Magnus konungr i sio med sinum monnum. kom hans lik eins a land ok kalla menn hann helgann. Geck fyrir Sunnifusudin. var þar ꜳ Andres Gislason. Seen cometa vndir Eyiafiollum. Ecki skip ꜳ Jslandi. Veginn Pꜳll hoppr. Vo Snorri nautztꜳ einn bonda er Þorsteinn het. Hualavetr.

fe d. Vetr sua hardr (a) Jslandi at engi mundi þuilikann. fellu fatækir menn vm allt land sua at morgum hundrodum sætti. Vtkuoma Jons byskups i Vestmannaeyium. Vỏ Boduar Jonsson Kolbein Benedictzson drottinsdaginn at fiorum vikum. komu .vj. skip til Jslandz enn .ix. hofdu tilætlat Sigurdr logmadr.

d i. Vetr sua hardr at fenadr var at þrotum kominn at Langafostu. hetu menn þa fyrir nordan land a Gudmund byskup til ꜳrnadarordz med samþycki Jons byskups at gefa alin af hueriu hundradi ok fara med a pauagard at tekin yrdi vpp helgi hans. Skipadiz vid þat heit hardla vel. vard engi fellir. for brott medr gozinu Sigurdr prestr Loptzson ok Þorsteinn prestr Bryniolfsson. Vtkuoma Andres Sueinssonar med hirdstiorn vm allt Jsland. ok Þorsteinn Eyiolfsson med logsỏgn vm halft land i Straumsfirdi fyrir vetrnætr. Sira Þorsteinn Jonsson vard rꜳdsmadr at Holum. Andadiz sira Snorri officialis af Skalhollti. Geck fyrir skipit er a var Skuli Þordarson. Jonn Teitzson. Klofa-Biorn logmadr.

[1378] c .i Andadiz Eyiolfr aboti i Veri. Vigdr Runolfr aboti Magnusson. Suarit land a alþingi Hakoni konungi af þrennum tylftum. Vig Nichulas prestz Þorsteinssonar i Hollti i Onundarfirdi a Petrs messo. Vig Halldors Kolbeinssonar i Þingey i Borgarfirdi a almenniligu þingi logmannanna Þorsteins ok Sigurdar. Andadiz Sigurdr prestr Loptzson ok prior Erlendr a Modruvollum. Vo Eirekr Hall Solmundarson.

b .a Andadiz Jonn aboti af Videy. Vigdr Pꜳll aboti. Vtanferd herra Othgeirs byskups ok Andres hirdstiora ok Gudmundar Sigurdarsunar. Bolnasott mikil i Noregi. Andadiz sira Petr af Gilsbacka. Vig Jons Brandzsonar. Andadiz Asgrimr aboti at Helgafelli. Vigdr þangat Gudmundr Arason til abota af Joni byskupi af Holum. Andadiz Benedict Kolbeinsson. Andadiz Þorleifr Suartzson. Hogginn Þorsteinn.

[1380] ag e. Komu .vj. skip til Jslandz ok i bolnasott .v. ok for vm allt land ok vard mikill manndaudr. Andaduz .xij. prestar fyrir sunnan land ok nockurir fyrir nordan land. lagdi þegar hridir ꜳ at .v. vikum ok stora sniofa sua at fenti fe. Forgeck skip er Olafr Þorsteinsson var i. Vetr hardr ok fellir litill. Andadiz kong Hakon ok ætla menn godann mann. enn tekinn til konungs Olafr vngi son hans ok Margretar dottur Valldimars kongs af Danmork yfir Noregh. ok nu er Cristz ar .mccclxxx. Andadiz Gudmundr Sigurdarson. Vo Þorleifr nef Þorlꜳk huarm.

f .e | Vig Guthorms Ormssunar a sunnudaginn i fardogum i Snoksdal. vo hann Þorsteinn Jonsson. Grasvoxtr litill. Regn sua mikit vm haustid at skridr hlupu vida þar sem alldri hofdu [fyrr] hlaupit. Spilltuzst andvirki manna. Andadiz herra Þrondr erchibyskup ok herra Othgeirr byskup af Skꜳlhollti. Suarid land Olafi konungi Hakonarsyni i Noregi. Andadiz Botholfr byskup af Stafangri enn vigdr þangat herra Hallgeirr Asmundarson til byskups af Þrandi erchibyskupi. enn nockuru sidar kom herra Olafr byskup af pafagardi er þar hafdi vigdr verit til Stafangrs. Vard herra Hallgeirr at ryma. Skipadr drozseti i Noregi herra Augmundr Finnsson. For sott mikil yfir allt Jsland. Andadiz Thorleifr prestr Bergþorsson. Eirekr riki Magnusson. Hakon Gizorarson. Bryniolfr riki Biarnarson. Var sira Halldor Loptzson rꜳdsmadr at Holum. Vtkuoma Rafns Botolfssonar. hafdi Olafr konungr veitt honum logsogn vm hꜳlft land æ medan Rafn lifdi. Leez Grimr prestr i Huitꜳ.

[1382] e r. Kom til Jslandz Andres Sueinsson hirdstiore skipadr af kong Olafi. Jtem bref Vrbanni pafa kom til Noregs ok vpp lesit at huerri kirkiu ok Robertus er kalladiz pafi bodadr bannsettr. Kosinn sira Hakon Juarsson til erchibyskups af ollum korsbrædrum ok ætladi i brott til pafa ok komz eigi lengra enn i Þyduerskuland. þar fretti hann at vigdr var til erchibyskups a pafagardi einn danskr leikmadr er Nichulas het. Forgeck skip stadarins i Skalhollti komz af folkit a bꜳti til Grænlandz med miklum iarteinum. Kenndizst Jonn kiagi þriu mord ok var kuiksettr siþan. Vard endiligr vegr a Kisamꜳlum ok vann Syslu-Oddr. Eflduz flockar ok fridleysi.

d b. Suarit Jsland kong Olafi Hakonarsyni i logrettu. Kom skip af Grænlandi til Noregs er þar hafdi verit .ij. vetr ok i nockurir menn þeir er kuomuz af Thorlakssudinni ok sogdu andlꜳt Alfs byskups af Grænlandi ok hafdi hann þa andazst fyrir sex vetrum. Jtem vighdr herra Michael byskup a pafagardi til Skalholltz. var hann ꜳdr penitentiarius i Rom danskr af ætt. Jtem letz Einarr bondi Eireksson af skipi. Helgi ok Krꜳkr Pꜳlssynir ok margir adrir rosknir menn. þa vrdu ok hormulig tiþendi i Orkneyium at drepinn var Vilhialmr byskup. Andadiz sira Marteinn Þiodolfsson.

cb .a Fyrirgeck skip Hakonar Jonssonar ok letuzst nær .lxxxx. manna. Kong Olafr for til Danmerkr. Tekinn af Nichulas Broddason eftir domi. Hofuzst Ꜳsgeirsꜳr mꜳl. Vigfuss Flosason i banni ok skriptadi a pafagard fyrir nog brot. Var Pꜳll prestr officialis. Fyrirburdir storir fyrir sunnan land.

[1385] a n. Vtkuoma herr Michiels byskups. var hann fluttr a land austr fyrir Mydal. ok .x. menn med honum enn skip þat atti hustru Margareta. rak þat vndan ok letz af huert mannzbarn ok fanz rekinn vid Hialltland edr Færeyiar. Þa rak ok vndan .iiij. Jslandzfaur til Grænlandz ok voru þar .ij. vetr med heilu ok holldnu. Gudmundr Ormsson ok Eirekr Gudmundarson ridu heim at Þordi Jonssyni a iolum ok fongudu hann. var hann sidan hogginn eftir domnefnu Orms Snorrasonar. ok ꜳ sama ari hogginn Jonn Snorrason. Þrongdr med manna gangi Gudmundr ok Ormr a þingi. Seen cometa.

g .n Andadiz Nichulas erchibyskup. hafdi hann ecki officium byskupligt gert ok engar vigslur gert ok eigi born fermt. Jtem andadiz herra Ogmundr Finnzson drozseti i Noregi. Kiorinn herra Vinalldi til erchibyskups. Rꜳn ok stuldir vm Vestfirdinga fiordung ok Sunnlendinga fiordungh af monnum Gudmundar Ormssonar. Vtanferd Eireks Gudmundarsonar. Do mart folk af hual i Skagafirdi.

f s. Fiogur skip komu inni Hualfiord er verit hofdu .ij. vetr a Grænlandi. þar var ꜳ Biorn Einarsson. Vtkuoma Eireks Gudmundarsonar med hirdstiorn ok Narfua Sueinssonar med lỏgsogn yfir hꜳlft land. Skipadir bꜳdir af Ogmundi drozseta ok þotti þat nylunda. Vtanferd Andres Sueinssonar enn Þorsteinn Eyiolfsson tok af honum hirdstiorn. Fun[dr] kaupmanna i Hualfirdi vid Sumarlida. efldiz hann sidan med flockum ok framferdum. Strid mikit med drottning Margretu ok Albrikt. vard hann fanginn ok synir hans .ij. Fell mart manna. nær þushund allz.

ed i. Vig Eireks Gudmundarsonar. var hann bædi hirdstiori ok hirdmadr. Fangadr Hallsteinn Palsson ok vard lauss. Sysludeilur miklar a Jslandi. Embættislausir margir prestar i Skalholltz byskupsdæmi ok margar nylundur giorfar af Michele byskupi. Vo Skallason saklausann mann at rettum. Vo Gudmundr Þorsteinsson Gudlaug Gudmundarson a Nichulas messudag i kirkiugardinum at Saudafelli. Huarf Gudmundr Ormsson i Færeyium um nꜳtt med vndarligum hætti. tok Greipr syslumadr þar slika peninga sem Gudmundr hafdi ꜳtt ok kalladi kongs gozs eftir orskurdi sakir þungra sakagifta. Kom skip i Dyrafiord. Hofuz Hualsꜳrmꜳl. Vtkuoma Þorkels prestz sæls ok Hallz Magnussonar at heimt(a) subsidium palij erchibyskups vegna. Hofuz þa mꜳl þeirra sira Einars Haflidasonar. Vetr godr. Grasvoxtr mikill.

c. i Vtanferd Biarnar Einarssonar ok Michiels byskups. sira Halldors Loptzsonar. Var hogginn Gudmundr Þorsteinsson med domi. Skarr i Dyrafirdi. Særdr Gudmundr af Bryniolfi ok sua Bryniolf(r) af Gudmundi en Vigi sparri hio allt nef af Einari Olafssyni var Einarr særdr fleirum sꜳrum. Let vt skip i Dyrafirdi. Flutt bein Þordar Jonssonar til Stafholltz i kirkiugard eftir skipan officialis ok samþycki allra lærdra manna ok hyggia menn hann helgann mann. Andadiz sira Ari i Reykiahollti. For krefdusott. Andadiz mart manna. komu .xi. skip til .Jslandz enn .iij. voru fyrir sua ecki foru brott. Tok Margreta drottning rikizstiorn i Noregi ok Danmorku. Fanginn Hallsteinn Pꜳlsson ok kuiksettr. kendiz hann .iiij. mord. Vtanferd Þordar Sigmundarsonar. Særdr Erlendr. Letz Juarr krokr af dryckiuskap. Meira vin kom til Jslandz enn menn myndi fyrr.

[1390] b o. Cristz ar .mccclxxxx. Vtkuoma Vigfussar Juarssonar med hirdstiorn yfir allt land. Veginn Markus Þorsteinsson i Skogum af þeim manni er atti dottur hans er Sæmundr het. Vỏ Magnus Sturluson þann mann er Guthormr het. Vetr hardr. Sumar regnsamt sua at | onyttuzst andvirki manna. Var byskupslaust ok engi officialis i Skalholltz byskupsdæmi ok allr kristinn domr þar litt standandi. onduduzst prestar margir enn fioldi i burtu reknir af l[and]inu. enn hinir þo flestir sem eftir voru embættislausir. Andadiz Gudmundr aboti at i He[lga]felli. manntapar miklir a Sniofellznesi ok sua vidara. Vỏr sua hart at kuldum ok sniofum at varla voru saudgraus at Petrs messo vm sumarit. Elldzvppkuoma i Heklufelli hin .vij. med sua miklum fadæmum af gny ok dunum at heyrdi vm allt landit. Eydduz Skard ok Tialldastadir af bruna. Var sua mikit vikrakast at slo hest til bana. Auskufall sua mikit at margr fenadr do af. Færdi sik rꜳsin elldzvppkomunnar or sialfu fiallinu ok i skogana litlu fyrir ofan Skard ok kom þar vpp med sua miklum bysnum at þar vrdu eftir .ij. fioll ok gia i milli. kom vpp elldrinn ꜳ fyrra ꜳri enn sloknadi a þessu. Vrdu þar i nꜳndir huerar ok heit votn. Voru .vij. skip þau ꜳ Jsland(i) at her hofdu verit ꜳdr. Regn sua mikit vm haustid at or hofi geck eftir Marteins messo. Vatnavextir sua miklir at engi mundi slika. sua at þar fyrir drapz saudfe vida i Skagafirdi ok i Desey i Nordrꜳrdal. Hlupu skridur nær vm allt land sua at vnyttuz bædi skogar eingiar tỏdur ok wthagar. Tok bæ allann ꜳ Hiallalandi i Vatzdal ok sex menn. komz þar eingi lifs vndan sa er i bænum var. Tok ok bæ i Budarnesi ok onduduzst .xij. menn enn einn lifdi i husbrotunum ok hafdi heitid a Þord Jonsson. Tok skrida allann manna bæinn i Longuhlid ok sua kirkiuna. letuzst þar .xvj. menn enn vndan komuzst konur .ij. ok karlmadr er foru i fios. enn lifs funduzst pilltar .ij. i skridunni eptir vm morgininn. þar voru inni Rafn Botholfsson laugmadr ok Jngibiorg Þorsteinsdottir kona hans ok born þeirra .ij. Þorsteinn kusi ok adrir heimamenn. fanz hustruin þegar vm morgininn. liggr hon i kirkiu a Modruvollum. var gert testamentum hennar hꜳlfr fimti tugr hundrada med þeim .xv. hundrodum er fadir hennar lagdi til. fanz nær ecki af gozsi ok leitadi meirr enn .c. manna. tok þar ok naut ok nockud af heyium. Wrdu þessi tidendi fimtadags kuelldit eptir dagsetr fyrir Clemens messo. Stodu þessir bæir i Horgardal. Var þa logmannzlaust vm Nordlendinga fiordung ok Vestfirþinga fiordung. Topuduzst .iij. skip ꜳ Skaga ok et fiorda fyrir Oslandzhlid ok .iiij. menn a hueriu.

[1391] a f. Andadiz papa tekinn til pafa vigdr ꜳ pafagardi til byskups Petrus dansk prestr til Hola ok lifdi þa Jonn byskup skalli. Kom vt Þorsteinn Snorrason ok vigdr til abota i Danmork af Michele byskupi til Helgafellz ok skipadr officialis vm allt Skalholltz byskupsdæmi. Kom vt sira Halldorr Loptzson ok hafdi þegit af herra Michieli profastzdæmi milli Botzꜳr ok Geirolfs fanz likami Rafns Botholfssonar logmannz ok færdr til Hola ok grafinn hia Smid Andressyni frænda sinum. Skipadr af hirdstiora ꜳ alþingi med samþycki almughans Þorsteinn Eyiolfsson lỏgmadr yfir Nordlendinga ok Vestfirdinga ok sagdi engan orskurd i logrettu. Andadiz Jonn byskup at Holum Laurentius messo dag. Landskialfti sua mikill fyrir sunnan land vm Grimsnes Floa ok Aulfos sua at fiortꜳn bæi skok nidr at nockuru leiti. enn Mideingi Burfell ok Laugardælar braut at ollu nema kirkian stod i Laugardælum ok do vndir nockurir fatækir menn. Rifnadi vida iordin ok komu vpp votn. tok þessi landskialfti allt til Holttavorduheidar. Sꜳ ein kuinna i Suartardal drottinsdags morgininn i fostu inngang tua(a) tungl full bædi i vestri. Vetr godr sumar gott. Haust sua gott framan til Magnus messo at nꜳliga fraus huorki ne sniofadi enn ofanfaull mikil fyrir sunnan land sua at onyttuzst hey manna. Hellt sira Einar officiolatus starfi vm allt Hola byskupsdæmi enn sira Þordr Hola rꜳdum. Vann Ꜳrni Einarsson mꜳl þeirra sira Einars fỏdur sins ok Þorkels sæls fyrir erchibyskupi. Fangadr Sæmundr Stephansson vt af Þyckuabæiar klaustri ok tekinn af eftir domi. Komu vt Biorn Einarsson. Þordr Sigmundarson ok Þordr Ꜳrnason med sira Halldori ok hofdu allir gengit til Roms. Sott mikil i Noregi. Vtanferd sira Pꜳls sira Gudmundar Orms. Þorsteinssona. Jons Gudmundarsonar. Andadiz sira Pꜳll litlu sidar enn hann kom fram. hafdi Hakon Jonsson kyrrsett allt hans gozs enn sialfr vm sagdr. Hellduz oll drottningar volld ꜳ Jslandi. Kalladi hirdstiori til Skoga enn Sumarlidi hellt fodursins vegna. Vỏ Hallr Eireksson Þoruard Jonsson ok voru þeir manni firnari enn brædrungar. Feck Þordr kollr | Valgerdar Jonsdottur. Topuduzst þriu skip med monnum i Vestfiordum enn onnur þriu sunnan landz. Kom vt Vigfus Flosason ok hafdi ecki farit til Roms sem hann var skylldugr þui hann hafdi tekit lausn allra sinna mꜳla af Heinreki Grænlandz byskupi. Vrdu auerkar med Sumarlida Þorsteinssyni ok Runolfui Palssyni ok pilltum þeirra. tok meir S(umarlida) ok hans monnum. Tekinn til konungs sa madr er Eirekr heitir barn at alldri. gaf honum konungsnafn Hakon Jonsson ok andadiz litlu sidar. var þessi madr sagdr systurson drottningar Margretar en faderni hans veri i Þyduerskulandi. fanzst ollum Noregs monnum litid vm þa breytni ok einkanliga i skattlondunum. Sigldi Jonn Gudmundzson

[1392] gf .e Kom vt herra Petr Nichulassun ok brotnadi skipit fyrir Krysuvik ok tapadiz mestr luti goz enn hellduzst menn allir. Þar kom vt Arni Einarsson ok hafdi gengit sudr. Reid byskup heim til Hola þegar vm haustid ok med honum Jonn prestr Magnusson. brodir einn danskr er Enis het. herra Sueinn prestr. Matheus skylldr byskupi. Sueinn diakn Petr gammi steikari smasueinn. allir danskir. Þorsteinn klerkr noręnn mann Jonn slettr ok Ormr hialltlenzskr mann. Hellt sira Einar Haflidason officiolatus starfui ok allri sinni makt ok var i mestum kærleikum vid byskup. Hellt sira Þordr Hola rꜳdum. var helldr fꜳtt med byskupi ok sira Steinmodi Þorsteinssyni þess at hann hellt ollum sinum heidri ok storfum. leet byskup alla presta hallda sinum vaulldum. Hellt herra Þorsteinn aboti ollum sinum volldum ok þotti þa byskupsdæmit helldr vel standanda. Hellt sira (Þordr) rꜳdum i Skꜳlhollti. Hellt Vigfus Juarsson hirdstiorn enn Þorsteinn Eyiolfsson lỏgsogn ok sua Narfui. Kom Þiodbiorn vt med bref drottning Margretar huert er hon beiddi med skylldu at huerr madr gæfi henni hꜳlfmork forngillda ok lagin vid landrꜳd. var þui fyst þungliga suarad nær af ollum monnum. Hofuzst mꜳlaferli milli Pꜳls Þoruardzsunar ok Runolfs Pꜳllsunar vm peninga er fallnir voru eftir sira Pꜳl Þorsteinsson. Gifti Biorn Einarsson Kristinu dottur sina Joni Guthormssyni ok hellt brudkaupit vm haustid vm vetrnattaskeid i Vatzfirdi. Hafdi hirdstiori þar fyst vppi bỏnarbref drottningar. iattudu þa þegar margir enir betri menn. Sat sira Halldor Loptzson ꜳ Heynesi þuiat hann hafdi leigt iordina fyrr af Micheli byskupi. hellt hann ok volldum sinum sudr þar. hafdi hann ok profastzdæmi vm Eyiafiord ok halldit þui alla stund siþan herra Jonn byskup veitti honum þat ok sua meþan hann var vtan. Reid Gisli Andresson heim i Krosshollt at heimta peinga sina at Vigfusi Flosasyni. skildu þeir sua at Gisli handlagdi Vigfus kvittan ok þotti flestum þat hꜳlfkugan verit hafa sakir orda ok ofrikis þui at Vigfus var mannfleiri. Vrdu vpplaup ok astaudur milli þeirra fedga Vigfusar ok Narfa a Kolbeinsstodum. var Halldorr kægill særdr er hann hliop i milli þeirra. Sott mikil i Noregi ok manndaudi. Andadiz Jonn Gudmundzson Ormr Þorsteinsson Jonn muli. Grimr paui. Þorkell prestr Sælssun. Asbiorn prestr. Arni angelus. Sigmundr prestr. Þorgils prestr. Biorn. Gudmundr prestr. Einarr prestr. Augmundr prestr. Þordr prestr. Rafn. Suartr prestr. Grimr prestr. voru þessir allir or Skalholltz byskupsdæmi. Þorgils Magnus prestar. Hallr Magnusson kiarni. Helgi son hans. Þorkell hæll. Olafr Skeggiason. Sturli Boduarsson. Suartr Þorleifsson ok son hans Pꜳll. Narfi Þordarson. Hiallti Benedictson Þorarinn Kodransson. Jonn Klofabiarnarson. Þorleifr Gudmundzson. Þorleifr Marteinsson ok Þorleifr nef. Sigurdr Groson. Hiallti Gudmundz(son). Þorkell rutr. Oddr Karason. Hallr Eyiolfsson. Oddr Þorsteinsson gullsmidr. Asmundr Þorsteinsson. Olafr profastr Jonsson. Gudmundr Loptzson. Bragi Hallzson. Einar dampr. Pꜳll grænlendingr. Halla Snorradottir. Helga Loptzdottir. Margret Jonsdottir. Helga Philippusdottir. Þora Sueinsdottir ok margir adrir badi islendzskir ok norænir. Andadiz Arngrimr Þordarson i langafostu. Veitti herra Þorsteinn sira Vermundi Selꜳrdal. Oddi Þorsteinssyni Stafafell.

[1393] e r. Skipadi Petr byskup vm vorit sira Joni Magnussyni officiolatus starf þuiat sira Einar villdi þa af leggia. Lagdi Þordr af Hola rꜳd þui at hann villdi eigi leingr hafa af þij at fætkadizst helldr med þeim byskupi. Tok þa radin sira Jon Magnusson. Sættuzst þeir sira Steinmodr ok Gunnar Petrsson. Hellduzst oll onnur enu stærri volld bædi lærdra ok leikmanna a Jslandi. Vo i Eyiafirdi vo Olaf knapa enn Eyiolfr hafdi adr vegit brodur hans ok lukt eigi allar bætr. Andadiz sira Einar Haflidason decimo kalendas octobris. var hann vetri einum fꜳtt i niutighi ꜳra gamall enn halldit Breidabolstad einu ꜳri fatt i fimtigi. enn vorit officialis enn Hola rꜳd Var hann ollum monnum harmdaudi. Hann feck ok alla þionustu þa cristnum monnum til heyrir. var hann færdr til Hola med sæmiligri likfylgiu. var Ꜳrni son hans formadr þeirrar ferdar ok kostadi likmenn bædi | at mat ok mungati. var hann iardadr i kirkiu at Holum i Hialtadal. stod þar yfir greftri hans herra Petr byskup ok mikit fiolmenni. Var veittr Breidabolstadr sira Joni Magnussyni. saung byskup sina fyrstu messo a Michaelsmesso. vard þar þa mikit fiolmenni ok veitti byskupinn hardla sæmiliga. Resigneradi Hallr aboti stettinn ok beiddiz af(t)ur i Þingeyraklaustr var þa ꜳbotalaust at Þuera. For vtan Sumarlidi Þorsteinsson i Austfiordum a sneckiunni. Komu fiogur skip til Jslandz eitt i Talknafiord. annat i Hualfiord. tua(u) a Eyrarbacka ok braut annat. vard biargat monnum ok mestum luta goz. Sagdi Narfui logmadr Pꜳli Þoruardarsyni goz þat allt em þeir Runolfr deilldu vm ok hellt Runolfr sem adr. Vard samkuoma vndir Gnupi i Dyrafirdi milli Biarnar Einarssunar ok Þordar Sigmundarsonar ok sueinum þeirra. voru þar i hel slegnir tueir menn af Birni Hromundr Jmason ok Oddr Jonsson enn flestir allir menn hans lamdir ok sua hann sialfr. lysti Gudmundr Jonsson a sik vigi Hromundar. enn Halldor Kristiforusson fothauggi Hromundar. Stackagrimr lysti handarhauggi Hromundar ok vigi Oddz enn Brandr Sigurdarson at hann hefdi slegit Jon blaber. Jon Þoralfsson hefdi slegit Þorstein purku en Arni Was(on) hefdi lagit til Liotz Jonssonar griss. Gengu þessir .viij. vt fimtadags natt fyrir Ceciliu messo Kraki formadr a Cristiforussudinni Brandr Sigurdarson Grimr Ketilsson Halldor Cristiforusson Gudmundr Jonsson Jngialldr Arnorsson. Arni Was(on) ok Jonn Þoralfsson. Þa sogdu sumir menn at Olafr Margretarson hefdi vt gengit. hafdi Hromundr .vij. sꜳr enn Oddr eitt ꜳ fætinum vinstra vm knelidinn. en Liotr mikit sꜳr ꜳ bakinu fyrir ofan miodm. Aunundr litid sꜳr fyrir ofan kne enn Gizsorr Þordarson litla ben i andliti en Blaber ꜳkuomu i andliti. Jnni i stofunni feck Kraki sꜳr i hofud af Þorsteini purku med sleddu. enn Ꜳrni Was(on) skemdizst ꜳ knifi er Biorn ꜳtti. Var Þordr bondi inni medan samkuoman vard vti ok kom eigi fyrr vt enn Biorn var i kirkiu kominn ok hans menn. baud Þordr þa Birni vt enn Biorn villdi ecki til. Var Biorn ok hans menn i kirkiunni vm nattina ok nockud fram ꜳ fostudaginn. Tok Sigurdr bondi Kollzson milli þeirra mꜳnadardag ok for Biorn þa inn til Myra med sina menn. ok eftir þat heim i Vatzfiord. Hromundr do þa þegar vm nattina enn Oddr lifdi fram ꜳ jol ok lysti þij adr at hann dæi af sott ok þotti monnum su lysing ecki afl hafa. Reid Gisli Suartzson vestr til motz vid Þord mꜳg sinn ok sat þar miok fram til fostu. enn Biorn sat heima i Vatzfirdi ok fiolgadi ecki sinn flock. reid hann nordr vm land vm vetrinn fyrir fỏstu ok siþan sudr vm land ok kom sua vndir sik flestum ollum enum bezstum monnum ꜳ landinu. Druknudu fiortan menn i Vtskꜳlaosi var Eyiolfr Eyuindzson formadrinn. Hofuzst Lundarmꜳl. Grasvoxtr mikill. vrdu litt todur enn vel vthey. Vetr godr framan til iola. Spurdizst or Noregi mikil tiþendi at Þyduerskir hofdu komit inn i Biorgum vm vorit i paschauiku med skipa ok kolludu kong Albrikt allann Noreg. enn hann var i fanghelsi i Danmork med drottninginni ok Eirekr son hans. foru þeir med hernadi enn ok geingu vpp a fimtadaginn eftir enn bęiarmenn rucku vid ok borduzst. fell margt manna af huorumtueggium ok þo fleira af Þyduerskum fengu bæiarmenn vsigr. hofdu Þyduerskir niu hundrat skytta. het sa Enis er fyrir þeim var þyduerskr herra skylldr Albrikt. Annarr het Mækinborg enn herra nꜳinn Albrigt ok fell hann i bardaganum ok var iardadr inn at brædra ok gerdi Enis hans vtferd hardla sæmiliga enn let taka allt annat sitt folk þat er fallit hafdi ok roa med vt ꜳ voginn ok sockua þar nidr. Jonn darri var fyrir bæiarmonnum þuiat hann var fehirdir ok dugdi hardla karlman(n)liga ok vard fangadr af Þyduerskum. Þessir fellu af landzmonnum Heinrikr Aslaksson. hann bar merki þeirra ok bardizst agæta vel. var hann skotinn i andlitid ok vt vm hnackann er hann lypti fra blikinu sakir hita ok var þa miok vti bardaginn. Juar treyia

ok fioldi mannz annat nær het sa Eirekr er skaut Mækinborg nordrfaramadr. gerdu enir þyduersk(u) þar et mesta heruirki bædi i rꜳnum ok manndrapum. sua rauskudu þeir kirkna rett ok kuenna. ræntu þeir sua ramliga at þat sem þeir kuomuzst eigi med soktu þeir i siofar diup. hofdu brottu skip ok ackeri sem þeir kuomuzst med vtan Langbein ackerit er Olafr konungr hefir ꜳtt þat gꜳtu þeir huergi or stad fært. Let herra Enis sueria landit Albrigt ef hann væri rettr konungr. Suoru þessir menn

fengu margir menn orkyml ok stor sꜳr þo eigi felli ok hofdu dugat hardla vel. sem Þordr biarki Eirekr spadfotr

| Andadiz sira Haflidi Magnusson. Kuomu vta Brotaskipinu ꜳ Eyrarbacka tueir menn danskir. het annar Jussi enn annarr nefndiz Ormr ok foru heim til Hola ok sꜳtu hia byskupi. Halldinn skoli at Holum. Var Boduar diakni skolameistari. gerdi Hola byskup vigslur af Skalholltz byskupsdæmi. Veitti herra Þorsteinn aboti Olafi prest Kolbeinssyni Stad ꜳ Olldurygg ok hellt þo Reykih(ollt) einu ꜳri fyrr enn Gunnari Gilssyni Reykiahollt Pꜳli Grimssyni Gilsbacha Vigfusi Sueinbiarnarsyni Mela. Steinmodi Þorsteinssyni Garda. Joni Þordarsyni skrepp Kꜳlfafell. Joni ref Miklahollt. Oddi prest rꜳdsmanni Breidabolstad ok hellt þo Vallanes sua at hann tok ꜳuoxtu af enn Sigurdr prestr Sigurdarson hafdi. Hafdi hirdstiori vppi a þingi drottningarbỏn ok iattudu allir enir bezstu menn at gefa atta alnar hafnarvodar fyrir Vigfus skylld ok skilldu fra at þat skylldi skattr heita ne optar krefia vtan Eyfirþingar þeir villdu eigi gefa. Druknadi Olafr toni i Steinolfsdalsꜳ.

[1394] d .k Kom vt Vilkin byskup .son i Hualfirdi vigdr af Vinallda erchibyskupi ok kom heim i Skalhollt Bartolomeus messo. kom vt med honum Jonn prestr Þordarson ok hafdi vtan verit sex ꜳr ok halldit Crosskirkiu ok Gudmundr prestr Þorsteinsson. Hauskulldr prestr Jonsson ok veittr Breidabolstadr af byskupi. Þar kom ok vt a Heinreksskipinu sem byskupinn var i Þorbiorg Ormsdottir enn formadrinn var Ketill ribbr. þar kom ok Postulasudin var Andres kaffall fyrir þui. settuzst þeir aftr a smiorskipinu. sigldu þeir ecki i Talknafirdi. Let vt Lysubuzsan ꜳ Eyrarbacka fỏstudaginn fyrir Mariumesso sidarri. foru þar i sueinar Peturs byskups Sueinn prestr Matheus ok Þorsteinn klerkr.

Let vt i Hafnarfirdi . Reid Biorn Einarsson vestr yfir Glꜳmu miduikudaginn eftir Þorlaksmesso ok med honum Vigfus Jfuarsson hirdstiori Þorsteinn Eyiolfsson lỏgmadr. sira Halldor Loptzson. sira Þordr Þordarson. Jonn Hakonarson. Sigurdr huitkollr. Sæmundr Þorsteinsson. Einarr Dalksson Jonn Sighuatzson Benedikt Gizorarson Steingrimr Sigurdarson. Þordr Sturluson. Eirekr Þorleifsson ok nær niu tigum mannz ok flestir allir tyiadir panzserum iarnhattum ok vopnhanzskum. Stefndi hirdstiori Þordi Sigmundarsyni ok ollum hans pilltum vm vijgamꜳl Hromundar ok Oddz fyrir sik ok lỏgmenn til Mosualla fimtudag ok fỏstudag næsta. Kom Þordr i stefnuna ok med honum Sigurdr bondi Kollzson Gisli Suartzson. Þordr kollr Sigurdarson. Oddr leppr Þordarson Sigurdr skalli ok nær fimm tigum manna vel tuttugu tygiadir. tok Þordr kollr dag af hirdstiora ok Birni fyrir Þord ok hans menn. sotti Þorsteinn purka ok Jme med styrk Biarnar Þord Sigmundarson Brand Sigurdarson. Halldor Kristiphorusson Jngialld Arnorsson Jon Þoralfsson ok Arna Was(on) ok alla til vtlegdar eftir domi ok urskurdi sua landzvist þeirra væri vndir konungs miskunn. enn Grimr ok Gudmundr voru rettir vegendr. Sættuzst þeir siþan Biorn ok Þordr med atgangi enna besztu manna. skylldi Biorn einn gera þeirra ꜳ milli sem hann villdi ok honum yrdi mestr heidr i Þordi forsmanarlaust i alla stadi nema hann villdi helldr nefna menn til sem Biorn gerdi. Nefndi Vigfus hirdstiora. lỏgmann. Sira Halldor. sira Þord. Jon Hakonarson. Sigurd Kollzson. Gisla Suartzson. Þord koll. Sigurd huitkoll. Einar Dalksson. Sæmund Þorsteinsson. Jon Sighuatzson. Odd lepp. ok Þord Sturluson. gerdu þeir at Þordr skylldi bioda Birni ok Solueigu husfru hans ok ollum þeirra sueinum sæmiliga veizslu ok gefa Birni til fimtigi hundrada i gripum ok sæmiligum þingum. Veitti Biorn hardla sæmiliga sinum monnum fyrri dagana ok leysti alla ena bezstu menn vt med sæmiligum giofum. Gifti Þordr Sigmundarson Olofu dottur sina Ara Gudmundarsyni. Var sættzst ꜳ Lundarmꜳl. Veitti Oddr Sigurdarson Gudmundi Gizsorarsyni auerka milli iola ok faustu. Andadiz hann þar | af vm vorit eftir pascha. Gaf sira Einar Þoruardzson vpp Grimstungnastad enn hann var veittr Þorsteini prest Þorfinnzsyni af herra Petri byskupi. Veitti byskup ok Joni Þorualldzsyni Hola i Vestrhopi enn Birni Aslakssyni Hof a Skagastrond. atti hann eignarlut i Spꜳkonufelli enn hellt kirkiunnar luta af byskupi enn Þorsteini Skeggiasyni [Stad] i Rutafirdi enn Þorsteini teskli Laufꜳs. Tok sira Steinmodr Þorsteinsson Hola rꜳd ok profastzdæmi vm Skagafiord. Hellt hann ok Greniadarstad ok profastzdæmi vm Þingeyiarþing. Lystr Vigfus Flosason bannsettr af herra Þorsteini abota ok officialis fyrir sin fyrri mꜳlaferli ok þotti hann enn ecki gerazst spakr. Vrdu averkar i Hualfirdi fyrir Mariumesso sidarri. Vann Jonn kollr ꜳ Teiti Kolbeinssyni ok sua Teitr ꜳ Joni. Vann Pꜳll Gudmundarson a Ketli Einar(s)syni en prikadi Einar kaupsuein ok blakadi Ketil ribb formann. Sagdi herra Vilkin sina fyrstu messo a Crossmessodag

Vigdi byskup Hall til abota at Þuerꜳ. Gerdizst mikil audn i stadargozsinu ꜳt Holum. Let byskupinn efna til hafskipsgerdar skip er hann tok af Þorsteini lỏgmanni fyrir .lx. hundrada. let byskupinn ok ganga Holaferiu a Sniofellznes. Var hon forn ok lestizst fyrir Beruvik ok þar uppsett etc. .ij. ackerum. Druknudu .v. menn a Sniofellznesi. Vo Ormr danski sueinn byskupsins Gizsur Jonsson bosa saklausann drottinsdaginn næsta fyrir Mariumesso sidarri fyrir framan byskupsstofuna i klaustrinu ꜳ Modruvollum var Gizsor ok sueinn byskups. nefndi hann sik þa Nichulas Ormsson er lysti viginu ok sagdiz med þui skirdr hafa verit enn medr Ormsnafni fermdr. Var Petr byskup þa nordr þar i visitatione. Nu attu menn þetta haust at vinna eida at fe sinu ok minkudu fleiri sina peninga. Hallæri mikit til kostar ok skreidar nær vm allt land. Vỏr kallt. grasuoxtr litill. fellir nockur.

---

Fotnoter: