Fjörutíu Íslendinga þættir: Brot ór Stúfs-drápu

Velg språk	Norrønt	Islandsk	Norsk	Dansk	Svensk	Færøysk
Denne teksten finnes på følgende språk ►

Fjörutíu Íslendinga þættir

Brot ór Stúfs-drápu
Eftir
Stúf blinda Kattarson

Þórleifur Jónsson gaf út
Reykjavík, 1904

---

1. Vissak hildar hvessi,

(hann vas nýztr at kanna)

af góðum byr griðar

gagnsælan mér fagna,

þá’s benstarra bræðir

baugum grimmr at Haugi

gjarn með gyldu horni

gekk sjálfr á mik drekka.

2. Fór ofrhugi (hin efri)

eggdjarfr und sik leggja,

(fold vas víga-valdi

virk) Jórsali (ok Girkjum);

ok með œrnu ríki

óbrunnin kom gunnar

heimul jörð und herði.

— Hafi ríks þar’s vel líkar.

3. Stóðusk reið af ráði

rann þat svika-mannum

Egða-grams á ýmsum

orð Jórdanar borðum;

enn fnr afgerð sanna

illa galt frá stilli,

þjóð fekk vísan váða.

— Vist um aldr með Kristi.

4. Hægð gat allvaldr Egða

ógnar-mildr þá’s vildi

golls tók gumna apjalli

gnótt ok bragnings dóttur.

5. Autt vas Falstr at fréttum,

fekk drótt mikinn ótta,

gladdr varð hrafn, en hræddir

hvert ár Danir váru.

6. Flýðu þeir at Þjóðu

þengils fund af stundu

stórt réð hugfullt hjarta.

— Haralds önd ofarr löndum.

7. Tír-eggjaðr hjó tiggi

tveim höndum lið beima,

reifr gekk herr und hlífar

hizig suðr fyr Nizi.

8. Gekk sem vind sá’s vætki

varðandi fjör sparði

geirahreggs, í gegnum

glaðr orrostur þaðra;

gramr flýðit sá (síðan

sœm eru þess of dœmi

éls und erkistóli)

eld né járn hit felda.