Runhenda
Velg språk | Norrønt | Islandsk | Norsk | Dansk | Svensk | Færøysk |
---|---|---|---|---|---|---|
Denne teksten finnes på følgende språk ► |
Udvalg af norske og islandske skjaldekvad ved Finnur Jónsson
G.E.C. Gads Forlag - København 1929
Runhenda
1.
Jöfurr fýstisk austr
örlyndr ok hraustr.
2.
Víkverjum galt
(varð þannug halt)
görræði gramr,
gjafmildr ok framr;
flest folk varð hrætt,
áðr fengi sætt,
en gísla tók
sás gjöldin jók.
3.
Vann siklingr sótt
við snarpa drótt
(leyfð 's lýðum bær)
Leikbergi nær;
Renir flýðu ríkt,
ok reiddi slíkt,
öld festi auð,
sem öðlingr bauð.
4.
Funi kyndisk fljótt,
en flýði skjótt
Hísingar herr,
sás hafði verr.
5.
Frétt hefk, at fell
(folks brustu svell),
jöfurr eyddi frið,
Apardjónar lið.
6.
Beit buðlungs hjörr,
blóð fell á dörr,
hirð fylgðisk holl,
við Hjartapoll;
hugin gladdi heit,
hruðusk Engla beit
(óx vitnis vín),
valbasta Rín.
7.
Jók hilmir hjaldr,
þar vas hjörva galdr
(hjósk hildar ský)
við Hvítabý;
ríkt lék við rönn
(rauzk ylgjar tönn)
feksk fyrðum harmr,
fyriskógar garmr.
8.
Drap döglingr gegn,
dreif strengjar regn,
við Skörpusker
skjaldkœnan her;
rauf styrjar garð,
þás støkkva varð,
randölun sótt,
reiðmanna gnótt.
9.
Rauð siklingr sverð,
sleit gylðis ferð
prúð Parta lík,
í Pílavík;
vann vísi alt,
fyr vestan salt
brandr gall við brún,
brent Langatún.
10.
Skark súðum sund
fyr sunnan Hrund,
mín prýddisk mund
við mildings fund.