Leifar fornrar trúar

Velg språk	Norrønt	Islandsk	Norsk	Dansk	Svensk	Færøysk
Denne teksten finnes på følgende språk ►

Þjóðsögur og ævintýri frá Íslandi

Sagnakver
Skúla Gíslasonar

Sigurður Nordal gaf út
Reykjavík 1947

Leifar fornrar trúar

Leifar hinnar fornu trúar koma fram í þeim sið að skera bjóra úr hæl og tám á skæðum, þó því sé gleymt, að þeim er safnað í skó Viðars, - í þeim sið að láta ekki afskurð af nögl halda sér heilan, þegar hann nær yfir þvera nögl, því þá neglir skrattinn skip sitt með þeim afskurðargeirum. (Sbr. skipið Naglfar.) Það er líka án efa talsháttur frá fornum sið, að sól og, ef mig minnir rétt, líka tungl eru sögð í úlfakreppu, þegar aukasólir eða aukatungl ganga á eftir þeim, en gíll á undan (varúlfur), sbr. sjaldan er gíll fyrir góðu, nema úlfur eftir renni.

Athugasemd.

Sjá einnig: Hvað þýðir máltækið "Sjaldan er gíll fyrir góðu nema úlfur á eftir renni"? á Vísindavefnum.