Vis kilden til Bræðurnir og blaðið

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"  
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes på følgende språk ► !!  !! [[Fil:Islandsk.gif|32px|link=Bræðurnir og blaðið]] !!  !!  !!  !! 
|-
|}


<center><big>'''[[Þjóðsögur og ævintýri|Þjóðsögur og ævintýri frá Íslandi]]'''</big>

Úr þjóðsagnasafni Jóns Árnasonar


<big>'''Bræðurnir og blaðið'''</big></center>



Það var einu sinni að bóndi nokkur bjó við sjóarsíðu; hann átti tvo syni. Það fara öngvar sögur af honum fyrr en fast undir andlát hans. Þá fékk hann þeim gamalt blað með einhvörju á og sagði þeir skyldu bera þetta á sér, einkum þegar þeir færu á sjóinn, því þeir mundu þá ekki afla miður en aðrir.
<br>&nbsp;&nbsp; Bræður þökkuðu honum fyrir blaðið og fóru að bera sig að lesa það sem á því var, en af því að þeir skildu ekkert orðið þá meintu þeir það væri galdur og höfðu því miklar mætur á þessu blaði og létu öngvan mann vita af því.
<br>&nbsp;&nbsp; Þeir urðu nú þarna búendur eftir föður sinn og gleymdu trauðlega að hafa blaðið á sér og settu mikla trú á það og varð líka eftir trú sinni með aflaveiði. Þegar þeir höfðu það á sér þá öfluðu þeir manna bezt, en ef það bar til þeir gleymdu því eftir í landi þá fengu þeir sáralítið eða jafnvel ekkert.
<br>&nbsp;&nbsp; Það fór mikið orð af því hvað bræður öfluðu vel hjá því sem allir aðrir þar í sveitinni og þóktu á stundum undarlega heppnir, því þó mörg skip færu samdægurs á sjó, en enginn yrði var, þá öfluðu þeir.
<br>&nbsp;&nbsp; Þess vegna voru menn farnir að pulta það að bræður mundi hafa fiskigaldur og fóru að tala nálægt því við þá, en bræður - þó þeim fyndist meining manna um þetta vera rétt - þá tóku þeir því samt ekki nærri.
<br>&nbsp;&nbsp; Presturinn þar í sveitinni fór nú einu sinni að tala um þetta við bræður og bað þá að segja sér það í trúnaði hvört þeir hefðu öngva ólukku-hjátrú. Þeir voru fyrst tregir, en af því hann var kunningi þeirra þá sögðu þeir honum eins og var hvörju þeir þökkuðu aflabrögð sín og svo frv.
<br>&nbsp;&nbsp; Prestur fékk nú hjá þeim að mega lesa blaðið; svo fékk hann þeim það aftur og segir: "Þetta er ekki mikill galdur, það er ekki nema faðirvor á latínumáli."
<br>&nbsp;&nbsp; "Aá, er það ekki annað?" sögðu þeir.
<br>&nbsp;&nbsp; Eftir þetta misstu þeir fiskiheillina.

{{DEFAULTSORT:Brædurnir og bladid}}

[[Kategori:Alfabetisk indeks]]
[[Kategori:Tekster på islandsk]]
[[Kategori:Folklore]]
[[Kategori:Jón Árnason]]