Eiríksmál
| Velg språk | Norrønt | Islandsk | Norsk | Dansk | Svensk | Færøysk |
|---|---|---|---|---|---|---|
| Denne teksten finnes på følgende språk ► |  |
 |
 |
 |
||
|
|
Udvalg af norske og islandske skjaldekvad ved Finnur Jónsson
G.E.C. Gads Forlag - København 1929
1.
Hvat's þat drauma?
hugðumk fyr dag rísa
Valhöll at ryðja
fyr vegnu fólki;
vakðak Einherja,
baðk upp at rísa,
bekki at stráa,
bjórker at leyðra,
valkyrjur vín bera,
sem vísi kœmi.
2.
Erum ór heimi
hölða vánir
göfugra nökkurra,
svá's mér glatt hjarta.
3.
Hvat þrymr þar Bragi,
sem þúsund bifisk
eða mengi til mikit?
"Braka öll bekkþili,
sem muni Baldr koma
eptir í Óðins sali".
4.
Heimsku mæla
skalat hinn horski Bragi,
þvít þú vel hvat vitir.
Fyr Eireki glymr,
es hér mun inn koma
jöfurr í Óðins sali.
5.
Sigmundr ok Sinfjötli,
rísið snarliga
ok gangið í gögn grami,
inn þú bjóð,
ef Eirekr sé,
hans es mér nú ván vituð.
6.
"Hví 's þér Eireks ván
heldr an annarra?"
Þvít mörgu landi
hefr hann mæki roðit
ok blóðugt sverð borit.
7.
"Hví namt hann sigri þá,
es þér þótti snjallr vesa?"
Óvíst 's at vita,
sér ulfr hinn hösvi
[greypr] á sjöt goða.
8.
Heill þú nú Eirekr,
vel skalt hér kominn
ok gakk í höll horskr.
Hins vilk þik fregna,
hvat fylgir þér
jöfra frá eggþrimu.
9.
"Konungr 'ru fimm,
kennik þér nafn allra,
ek em hinn sétti sjalfr".
