Formáli (Sturlunga saga)

Fra heimskringla.no
Hopp til: navigasjon, søk
Har du husket å støtte opp om ditt favoritt kulturprosjekt? → Bli en Heimskringla-venn og gi et bidrag til Heimskringla.no.

Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif


Sturlunga saga

Formáli

GUÐNI JÓNSSON

bjó til prentunar


MARGAR sögur verða hér samtíða, ok má þó eigi allar senn rita: saga Þorláks byskups ins helga ok Guðmundar ins góða Arasonar, þar til er hann var vígðr til prests, - saga Guðmundar ins dýra hefst þrimr vetrum eftir andlát Sturlu ok lýkr þá, er Brandr byskup er andaðr, en Guðmundr inn góði er þá vígðr til byskups, - saga Hrafns Sveinbjarnarsonar ok Þorvalds Snorrasonar er samtíða sögu Guðmundar ins góða, ok lýkst hon eftir andlát Brands byskups, svá sem Sturla Þórðarson segir í Íslendinga sögum.
   Flestar allar sögur, þær er hér hafa gerzt á Íslandi, áðr Brandr byskup Sæmundarson andaðist, váru ritaðar, en þær sögur, er síðan hafa gerzt, váru lítt ritaðar, áðr Sturla skáld Þórðarson sagði fyrir Íslendinga sögur, ok hafði hann þar til vísendi af fróðum mönnum, þeim er váru á öndverðum dögum hans, en sumt eftir bréfum þeim, er þeir rituðu, er þeim váru samtíða, er sögurnar eru frá. Marga hluti mátti hann sjálfr sjá ok heyra, þá er á hans dögum gerðust til stórtíðenda. Ok treystum vér honum bæði vel til vits ok einurðar at segja frá, því at hann vissa ek alvitrastan ok hófsamastan. Láti guð honum nú raun lofi betri.


HEIMSKRINGLA er et privat initiativ. Prosjektet mottar ikke noen form for offentlig støtte. Vi har kun utgifter og ingen faste inntekter. Kostnader til teknisk drift og utstyr bæres av privatpersoner. Alle økonomiske bidrag mottas derfor med stor takk. Ønsker du eller ditt foretak å støtte prosjektet økonomisk? Ta gjerne kontakt med oss, eller bruk vårt norske kontonummer 97105024499. Du kan også støtte oss via vårt Vipps-nummer 78431. For utenlandske bidrag bruk vårt IBAN-nummer NO6897105024499, med SWIFT-kode: DNBANOKK eller SEPA-kode: SKIANOBB. En kan også overføre penger til HEIMSKRINGLA via PayPal eller vippse via mobilen til 78431. Vi selger også fast annonseplass på venstre sidemeny til rimelig pris. Alle bidragsytere krediteres med navn for sine bidrag.