Lausavísur (Máni skáld)

Fra heimskringla.no
Hopp til: navigasjon, søk
Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif


Carmina Scaldica


Udvalg af norske og islandske skjaldekvad ved Finnur Jónsson
G.E.C. Gads Forlag - København 1929


Máni skáld
Lausavísur


1.
Byr gef brátt, hinn örvi,
Björgynjar til mörgum
(þess biðjum vér) þjóðum,
þungstóls konungr sólar;
angrar oss, þats lengi
útnyrðingr heldr fyrðum,
vindr 's til seinn at sundi
sunnrœnn, í dys Unnar.

2.
Slœgr ferr gaurr með gígju,
ginn 's hér komit inni,
(meiðr hefr skjaldar skóða
skrípalát) ok pípur;
rekkr lætr rauða bikkju,
rækið skvaldr, fyr aldir
skulut hlýða því þjóðir,
(þat 's skaup) of staf hlaupa.

3.
Gígja syngr, þars ganga
grípa menn til pípu,
fœra fólsku stóra
framm leikarar bleikir;
undr 's, hvé augum vendir
umb sás þýtr í trumbu;
kníðan lítk á kauða
kjapt ok blásna hvapta.

4.
Örr hefr sendar Snorra
siklingr gjafar hingat,
unni afreksmanni
jarl gørsima snarla;
gœðingr hlaut, sem gátum,
göfugr af tígnum jöfri
(þat fekk skald) með skildi
(skynjat) sverð ok brynju.

5.
Hvat mun hafs á otri
hengiligr með drengjum
karl, þvít kraptr þinn förlask,
kinngrár mega vinna.