Maríu jartegnir - Fra konv at Kalfafelli
| Velg språk | Norrønt | Islandsk | Norsk | Dansk | Svensk | Færøysk |
|---|---|---|---|---|---|---|
| Denne teksten finnes på følgende språk ► |  |
(Fra konv at Kalfafelli)
A
Þessa atbvrði ok iartegnagiorð frv sancte Marie vilivm ver feginsamliga a loptt hallda, gvði almatkvm til lofs ok sælli hans moðvr, er mesta liknn veitir avllvm þeim er hana sækia af ast að arnaðarorði við almatkan gvð. Kona het Arnnbiorg, er vanheil var, hon vackti j kirkiv vm nott fyrir Birgitar messv ꜳ bæ þeim er at Kalfafelli heitir. Enn henne vitraðizt Maria drottning með liosi ok ilm ok spvrði, ef hvn þættiz illa heil. En konan svaraði ok kvezt sva þickia vist. „Nv mvntv, kvat hin dyra drottning Maria, verða heil heðan ifra, ok hefvir þer þess arnað Nicholas byskvp ok Thorlakr byskvp.“ Þꜳ tok annarri hendi sæl Maria drottning vm kviðinn, en annarri vm lendarnar ok stravk[1] ofan, sva at henni varð sartt við, ok þꜳ hvarf Maria fra henne at syn, en hvn konan vaknaði alheil.
Fotnoter:
- ↑ stravnk Cd.
