Mariu vísa

Velg språk	Norrønt	Islandsk	Norsk	Dansk	Svensk	Færøysk
Denne teksten finnes på følgende språk ►

A. C. Evensen
Lesibók
Tórshavn 1911

Mariu vísa

1.

Jesus kom at eini á,

har sat Maria við bekk at tvá.

- Nú veri Jesus vár skjöldur

í hvörjum vanda!

2.

"Hoyr tað, Maria, eg tali til tín:

gev mær drekka av kerum tínum!"

3.

"Míni ker eru ikki rein,

vilt tú drekka av mínum lógvum

tveim?"

4.

"Vart tú so rein sum Maria,

móðir mín,

tá skuldi eg drukkið av tínum

lógvum tveim."

5.

Hon svör tað av munni,

hon var so skir ein nunna.

6.

Hon svör tað á saltara bók,

hon ikki mann í loyndum tók.

7.

" Svör ikki, svör ikki, syndugt vív,

trý ganga börn á jarðaríki.

8.

Tað fyrsta við tín faðir,

tað annað við tínum bróðir.

9.

Tað triðja við tínum sóknarprest,

og tað var syndin allarstørst. "

10.

Maria fell á síni knæ,

"sjálvur Jesus, skrifta mær!"

11.

"So skal eg tær skrifta,

tað skal verða tín gifta.

12.

Tú skalt úti ganga

níggju vetur langa.

13.

Troða frost og kaldan snjó

berføtt og í ongum skóm.

14.

Berføtt við eitt hövuðlín,

so skalt tú bøta fyri syndir tínar."

15.

Maria tók at ganga,

níggju vetur langa.

16.

Tróð hon frost og kalda fonn

berføtt og í ongum skóm.

17.

Berføtt við eitt hövuðlín,

so bøtti Maria fyri syndir sínar.

18.

Níggju vetur umliðið var,

aftur kom Jesus í sama stað.

19.

"Hoyr tað, Maria, eg tali til tín,

hvussu líkar tær skriftan mín?"

20.

"So líkar mær skriftan tín,

sum drakk eg hvonn dag klára vín."

21.

"Tað skalt tú hava fyri tolinmøði tína,

tæna Mariu móðir míni.

22.

Tæna Mariu móðir míni,

sjey ferðir klárari enn sólin skínur. "